Nüxíraxü̃xü̃ ga popera ga ãẽ̱xgacügüchiga 10:11 - Tupanaarü Ore

¹¹ Rü guma Iráü̃arü wapurugü ga Ofíwa ixĩne rü tama úiruxica yéma ne nana, natürü yéma ne nana ta ga muxü̃ma ga naixpütagü ga cháü̃daru rü nutaacügü ga ngã̱xãẽruü̃gü.

Nüxíraxü̃xü̃ ga popera ga ãẽ̱xgacügüchiga 10:11 Referans Kwoze

Wiyaegü 45:9

Rü natanüwa i ngẽma paxü̃gü i cupatawa ngẽxmagüxü̃ rü nangẽxmagü i to i nachixü̃anegüarü ãẽ̱xgacügüxacügü. Rü curü tochicaxü̃arü tügünecüwawa irüto i cuxma̱x i úiru i mexẽchixü̃maxã nga̱xãẽcü.

Norü taxre ga to ga popera ga ãẽ̱xgacügüchiga ümatüxü̃ 8:18

Rü nüma ga Tíruarü ãẽ̱xgacü ga Iráü̃ rü yéma nanamu ga wapurugü rü ñuxre ga norü churaragüarü ãẽ̱xgacügü namaxã ga yatügü ga meama nüxü̃ icuáxü̃ nax ñuxãcü wapurugu naxĩxü̃ ga márwa. Rü yema Iráü̃arü yatügü rü ñuxre ga Charomóü̃arü ngü̃xẽẽruü̃gümaxã Ofíarü naanewa naxĩ. Rü yéma nanayauxgü ga wixgu 15,000 quíru nagúxü̃ ga úiru. Rü ãẽ̱xgacü ga Charomóü̃xü̃tawa nanangegü.

Norü taxre ga to ga popera ga ãẽ̱xgacügüchiga ümatüxü̃ 2:8

Rü ngẽxgumarüxü̃ ta chanaxwa̱xe i nua cunamugü i Líbanucüã̱x i ocayiwapütagü rü chiprepütagü rü cháü̃darupütagü. Erü ngẽma curü duü̃xü̃gü rü nüxü̃ nicua̱x nax ñuxãcü Líbanuanewa nadeaxü̃ i ngẽma naixpütagü. Rü choma rü tá ngéma chanamugü i chorü puracütanüxü̃ nax curü puracütanüxü̃xü̃ nangü̃xẽẽgüxü̃ca̱x.

Nüxíraxü̃xü̃ ga popera ga ãẽ̱xgacügüchiga 10:12

Rü nüma ga ãẽ̱xgacü rü yema naixpütawa nanade ga mürapewagü naxca̱x ga Tupanapata ga taxü̃nearü baráü̃da rü napataarü baráü̃da. Rü yexgumarüxü̃ ta yema naiwa nanaxü ga árpagü rü árpaxacügü naxca̱x ga norü paxetaruü̃gü. Rü ü̃paacü rü ñu̱xma rü ta rü taguma yéma nangugü rü bai ñuxgu nüxü̃ tadau ga yexgumaepü̱x ga nai ga cháü̃darupüta.

Norü taxre ga to ga popera ga ãẽ̱xgacügüchiga ümatüxü̃ 2:7

Rü ngẽmaca̱x chanaxwa̱xe nax nua cunamuxü̃ i wüxi i yatü i meama nüxü̃ cuáxü̃ nax úiruwa rü diẽrumüwa rü bróũchewa rü fieruwa ta̱xacü naxüxü̃. Rü ngẽxgumarüxü̃ ta chanaxwa̱xe nax nüxü̃ cuáxü̃ nax naxümatüaxü̃ i naxchiru i yáuxcharaxü̃ rü naxchiru i daucharaxü̃ rü naxchiru i waxracharaxü̃. Rü chanaxwa̱xe nax wüxigu namaxã napuracüxü̃ i chorü puracütanüxü̃ i Yudáanewa rü Yerucharéü̃wa chaunatü ga Dabí nüxü̃ unetaxü̃.