Nüxíraxü̃xü̃ ga popera ga ãẽ̱xgacügüchiga 10:10 - Tupanaarü Ore

¹⁰ Rü yemawena ga ngĩma ga yema ãẽ̱xgacü rü nüxna inana ga 3,960 quíru naguxü̃ ga úiru, rü muxũchixü̃ma ga pumara rü nutaacügü ga ngã̱xãẽruü̃gü. Rü ü̃paacü rü taguma Iraéanewa nangu ga yexgumaepü̱x ga pumaragü ga yema Chabáanearü ãẽ̱xgacü Charomóü̃na ãxü̃e̱xpü̱x.

Nüxíraxü̃xü̃ ga popera ga ãẽ̱xgacügüchiga 10:10 Referans Kwoze

Nüxíraxü̃xü̃ ga popera ga ãẽ̱xgacügüchiga 10:2

Rü ngĩma rü meama nga̱xãẽxãcü Yerucharéü̃wa ingu namaxã ga muxü̃ma ga caméyugü ga pumaragümaxã rü úirumaxã rü nutagü ga meruü̃gümaxã ixãxwetaxü̃. Rü yexguma Charomóü̃xü̃tawa nanguxgu rü guxü̃ma ga yema nagu naxĩnüxü̃ãcüma nüxna ica.

Ore i mexü̃ ga Matéu ümatüxü̃ 2:11

Rü nagu nachocu ga gumá ĩ ga nawa nayexmane ga gumá bucü, rü yexma nüxü̃ nayangau ngĩmaxã ga naé ga María. Rü gumá bucüpe̱xegu nacaxã́pü̱xügü, rü nüxü̃ nicua̱xüü̃gü. Rü ñu̱xũchi nayawãxna ga norü ãmarechixü̃gü, rü gumá bucüna nanaxãmaregü ga úiru rü pumarate̱xe rü míra.

Wiyaegü 72:15

¡Namaxü̃ ya yimá ãẽ̱xgacü! ¡Rü nüxna penaxã i ngẽma Chabáanearü úiru! ¡Rü guxü̃guma naxca̱x peyumüxẽgü! Rü name nixĩ i guxü̃guma Tupana nüxü̃ narüngü̃xẽxẽ.

Wiyaegü 72:10

Rü ngẽma Tárchixanearü ãẽ̱xgacü, rü Capaxũgüarü ãẽ̱xgacü, rü Chabáanearü ãẽ̱xgacü, rü Chebáanearü ãẽ̱xgacü, rü name nixĩ i guxü̃ma i ngẽma ãẽ̱xgacügü rü torü ãẽ̱xgacüxü̃tawa nanana i norü ãmaregü.

Nüxíraxü̃xü̃ ga popera ga ãẽ̱xgacügüchiga 9:14

Rü yema úiru ga Charomóü̃na naxãxü̃ ga Iráü̃ rü 3,960 quíru nixĩ.

Ínachoxü̃xü̃chiga 30:34

Rü nüma ga Cori ya Tupana rü Moichéxü̃ ñanagürü: —¡Nayaxu i míra, rü uña i paacaxü̃, rü gábanu i paacaxü̃, rü pumarate̱xexüchi! Rü wüxichigü i ngẽma rü tá nawüxigumare i norü yawa.

Naanearü ügüchiga 43:11

Rü yexguma ga nüma ga nanatü, rü nanangãxü̃ rü ñanagürü: —Ngẽxguma nataxuxgu nax ta̱xacümaxã penangüxmüxẽẽxü̃ ya yimá ãẽ̱xgacü ega Bẽyamíü̃ tama pewe rüxũxgu, rü ñaãcü tá penaxü: ¡Rü perü chacugügu norü ãmare ngéma penge! ¡Rü ngéma penana i ngẽma ngẽmaxü̃gü i mexü̃gü i tórü naanewa ixüxü̃, ngẽxgumarüxü̃ i tuxuneruxü̃, rü pumara, rü míra, rü ira, rü castaña rü arméü̃draarü o!

Yema Cuáü̃ nüxü̃ dauxü̃ i yixcüra tá ngupetüxü̃chiga 21:11

Rü guma ĩane rü Tupanaarü ya̱u̱xracüüxü̃maxã nangóone. Rü yema norü ya̱u̱xracüüxü̃ ga guma ĩane rü ñoma wüxi ya nuta ya nga̱xãẽruxü̃ ya diamánte nixĩ. Rü ñoma nuta ya nga̱xãẽruxü̃ ya yásperüxü̃ nixĩ nax yachipetüxü̃.

Ucu̱xẽgüchiga 20:15

Guxü̃ma i úiru rü meruü̃gü i ñoma i naanewa ngẽxmaxü̃arü yexera name ya yimá yatü ya cua̱xmaxã idexacü.

Wiyaegü 68:29

Rü yima cupata ya ma̱xpǘnewa ngẽxmane i Yerucharéü̃wa rü ngẽma togü i nachixü̃anegüarü ãẽ̱xgacügü rü cuxca̱x ngéma nanana i ãmaregü.

Ngu̱xẽẽtaeruü̃arü ore 2:8

Rü chananutaque̱xe ga muxü̃ma ga úiru rü diẽrumü ga noxri togü ga nachixü̃anegüarü ãẽ̱xgacügüxü̃tawa rü chorü ĩanegüwa chayaxuxü̃. Rü choxü̃́ nayexma ga duü̃xü̃gü ga iyatüxü̃ rü ngexü̃ ga cha̱u̱xca̱x wiyaegüxü̃. Rü yemaacü chorü ngúchaü̃ chaxü. Rü choxü̃́ nayexma ga muxü̃ma ga ngexü̃gü ga namaxã chaxarüã̱xmaregüxü̃.