Nüxíraxü̃xü̃ ga popera ga ãẽ̱xgacügüchiga 1:8 - Tupanaarü Ore

⁸ Natürü ga chacherdóte ga Chadóx, rü tama Adoníawa naxǘ, rü bai ga Benaía ga Yoiadá nane, rü bai ga gumá Tupanaarü orearü uruxü̃ ga Natáü̃, rü bai ga Chimí ga ãẽ̱xgacü ga Dabímücüxüchi ixĩcü, rü bai ga yema Dabíarü churaragü ga nüxü̃ rücua̱xmaegüxü̃ rü taxuxü̃ma naxügü.

Nüxíraxü̃xü̃ ga popera ga ãẽ̱xgacügüchiga 1:8 Referans Kwoze

Nüxíraxü̃xü̃ ga popera ga ãẽ̱xgacügüchiga 4:18

Rü Chimí ga Éra nane rü ãẽ̱xgacü nixĩ ga Bẽyamíü̃anewa.

2 Chamué 20:25

Rü Chebá nixĩ ga ta̱xacü ga ngupetüxü̃arü ümatüruxü̃. Rü Chadóx rü Abiatá nixĩ ga chacherdótegü.

Chacaría 12:13

Rü ngẽma Lebítaagü rü naxma̱xgümaxã wüxigu tá nangechaü̃gü. Rü ngẽxgumarüxü̃ ta i Chimítaagü rü naxma̱xgümaxã wüxigu tá nangechaxü̃gü.

Echequié 44:15

“Rü yema chacherdótegü ga Lebítanüxü̃ ga Chadóxtaagü ixĩgüxü̃, rü yemagü nixĩ ga naxügüamaxü̃ ga chopataarü puracü ga yexguma yema Iraétanüxü̃ choxna ixĩgachitanügu. Rü ñu̱xma rü ngẽma Chadóxtaagü tá nixĩ i choxna ngaixcamagüxü̃ nax chorü puracü naxügüxü̃ca̱x. Rü nümagü tá nixĩ i choxna naxãgüãxü̃ i ngẽma naxü̃nagü i cha̱u̱xca̱x nada̱i̱xü̃arü chíxü̃ rü yimá nagü. Rü choma ya Cori ya Tupana ya Guxãétüwa Ngẽxmacü rü ngẽmaãcü chanaxuegu.

Nüxíraxü̃xü̃ ga popera ga ãẽ̱xgacügüchiga 2:35

Rü yemawena nüma ga ãẽ̱xgacü rü Benaíaxü̃ naxuneta nax churaragüeru yixĩxü̃ca̱x Yoáchicüxü. Rü chacherdóte ga Chadóxü̃ naxuneta Abiatáchicüxü.

Nüxíraxü̃xü̃ ga popera ga ãẽ̱xgacügüchiga 1:26

Natürü i choma rü tama choxna naxu rü tama nüxna naxu ya Chadóx ya chacherdóte ixĩcü, rü woo Benaía ya Yoiadá nane ixĩcü rü woo Charomóü̃ ya cune ixĩcü rü tama nüxna naxu.

Nüxíraxü̃xü̃ ga popera ga ãẽ̱xgacügüchiga 1:32

Rü yemawena ga nüma ga ãẽ̱xgacü ga Dabí rü norü duü̃xü̃güxü̃ namu nax naxca̱x yacagüxü̃ca̱x ga chacherdóte ga Chadóx, rü orearü uruxü̃ ga Natáü̃, rü Benaía ga Yoiadá nane. Rü yexguma ãẽ̱xgacüxü̃tawa nangugügu ga yema rü nüma ga ãẽ̱xgacü rü ñanagürü: —¡Ípeyagagü i ngẽma ãẽ̱xgacügü i chorü ngü̃xẽẽruü̃gü nax Charomóü̃xü̃ naxümücügüxü̃ca̱x! ¡Rü chorü cowarugu penatonagüxẽxẽ ya chaune ya Charomóü̃ rü natüacü ya Guióü̃wa penaga!

Nüxíraxü̃xü̃ ga popera ga ãẽ̱xgacügüchiga 1:38

Rü yemawena Charomóü̃xü̃tawa naxĩ ga chacherdóte ga Chadóx rü ñu̱xũchi orearü uruxü̃ ga Natáü̃, rü Benaía ga Yoiadá nane ixĩcü, rü ñu̱xũchi ãẽ̱xgacüarü dauruü̃gü ga churaragü ga Queretéugü rü Peretéugü. Rü ãẽ̱xgacü ya Dabíarü mulagu nanatonagüxẽẽgü ga Charomóü̃, rü ñu̱xũchi natüacü ga Guióü̃wa nanagagü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:39

Rü Dabí rü chacherdóte ga Chadóxü̃ rü ñu̱xũchi namücügü i chacherdótegüxü̃ naxuneta nax Tupanapata ga nüxíraxü̃ne ga Gabaóü̃wa yexmanemaxã inacua̱xgüxü̃ca̱x.

2 Chamué 20:23

Rü nüma ga Yoá nixĩ ga guxü̃ma ga Iraéanearü churaragümaxã inacuáxü̃, natürü nüma ga Benaía ga Yoiadá nane rü ãẽ̱xgacüarü dauruü̃gü ga Queretéugümaxã rü Peretéugümaxã inacua̱x.