Nüxíraxü̃xü̃ ga popera ga ãẽ̱xgacügüchiga 1:6 - Tupanaarü Ore

⁶ Rü nanatü ga ãẽ̱xgacü ga Dabí rü taguma nananga. Rü nüma ga Adonía rü naenexẽ ga Acharóü̃xü̃ rübumaecü nixĩ rü wüxi ga yatü ga mechametücü nixĩ.

Nüxíraxü̃xü̃ ga popera ga ãẽ̱xgacügüchiga 1:6 Referans Kwoze

1 Chamué 3:13

Yerü marü namaxã nüxü̃ chixuchire̱x rü poxcu i taguma guxü̃gu tá chanapoxcue i ngẽma nanegü naxca̱x i ngẽma chixexü̃ i nüma marü nüxü̃ nacuáxü̃. Yerü ga nanegü rü chixexü̃ chomaxã nixugüxe rü nüma rü tama nüxna nachogü naxca̱x ga yema chixexü̃ ga naxügüxü̃.

Ucu̱xẽgüchiga 29:15

Cuaximaxã rü ucu̱xẽmaxã nixĩ i wüxi i nane iyanawe̱xãchixü̃. Natürü ngẽma nane i chixexü̃ i taguma ucu̱xẽxü̃ rü naéxü̃ naxãnexẽxẽ.

Ucu̱xẽgüchiga 22:15

Ngẽma ngextü̱xügüxü̃arü ĩnü rü ngeãẽmare nixĩ, natürü cua̱ximaxã itayanawe̱xãchixẽxẽ nax nüxü̃ naxoxü̃ca̱x i ngẽma nacüma i chixexü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 3:2

Rü norü tomaepü̱x ga nane rü Acharóü̃ nixĩ. Rü naé rü Maacá iyixĩ. Rü ngĩnatü nixĩ ga Tarmái ga ĩane ga Yechúxarü ãẽ̱xgacü ixĩcü. Rü norü ãgümücü ga nane rü Adonía nixĩ. Rü naé rü Aguíx iyixĩ.

2 Chamué 14:25

Rü guxü̃ma ga Iraéanecüã̱xgütanüwa rü nataxuma ga wüxi ga yatü ga Acharóü̃rüxü̃ norü meca̱x duü̃xü̃gü nüxü̃ yacua̱xüü̃güxü̃. Rü nacutügüwa inaxügü rü ñu̱xmata naeruwa nangu nax taxuwama ngextá nachixexü̃.

1 Chamué 10:23

Rü yexgumatama naxca̱x nayadaugü rü nayagagü ga yema íyacúxü̃wa. Rü nüma ga Chaú rü yexguma duü̃xü̃güpe̱xewa nanguxgu, rü nüxü̃ nadaugü ga Iraéanecüã̱xgütanüwa rü taxúema naãtüxü̃ ngupetüxü̃ ga tümaarü máchanewa.

1 Chamué 9:2

Rü nüma rü nüxü̃́ nayexma ga wüxi ga nane ga ngextü̱xücü ga guxü̃wama mexẽchicü ga Chaúgu ãégacü. Rü guxü̃ma ga yatüxü̃ ga Iraéanecüã̱xgüarü yexera namexẽchi, rü norü máchanewa rü taxúema nüxü̃ tangupetü ga naãtüwa.

Nüxíraxü̃xü̃ ga popera ga ãẽ̱xgacügüchiga 2:22

Rü yexguma nüma ga ãẽ̱xgacü rü naéxü̃ nangãxü̃ rü ñanagürü: —¿Tü̱xcüü̃ Adoníaaxü̃́ ngĩxca̱x ícuca i Abiachá i Chunatanüxü̃? Rü nüma rü chauenexẽ rüyamaecü nixĩ rü ñu̱xũchi ya chacherdóte i Abiatá rü Yoá i Cheruiá nane rü naétüwa naxügü. Rü ngẽxguma chi Abiachá nüxna ngĩxü̃ chamuxgu rü choxna chi nayapugü i ñaa ãẽ̱xgacüarü tochicaxü̃ —ñanagürü.