Nüxíraxü̃xü̃ ga popera ga ãẽ̱xgacügüchiga 1:53 - Tupanaarü Ore

⁵³ Rü yexgumatama ga Charomóü̃ rü yéma nanamu ga norü duü̃xü̃gü nax yema ãmarearü guruü̃wa yagagüãxü̃ca̱x. Rü ñu̱xũchi nüma ga Adonía rü ãẽ̱xgacü ga Charomóü̃xü̃tawa naxũ rü nape̱xegu nayangücuchi. Rü nüma ga ãẽ̱xgacü ga Charomóü̃ nanamu nax napataca̱x nataeguxü̃ca̱x.

Nüxíraxü̃xü̃ ga popera ga ãẽ̱xgacügüchiga 1:53 Referans Kwoze

Ucu̱xẽgüchiga 24:21

Pa Chaunex, ¡naga naxĩnü ya Tupana! ¡Rü ngẽxgumarüxü̃ ta naga naxĩnü ya ãẽ̱xgacü! ¡Rü taxṹ i namaxã cuxãmücüxü̃ i ngẽma tama ixĩnüechaü̃xü̃! Erü ngẽma norü poxcu rü ngürüãchimare tá naxca̱x ínangu. Rü taxúema nüxü̃ tacua̱x i ngẽma poxcu nüma ya Tupana rü nüma ya ãẽ̱xgacü tá namaxã ueguxü̃.

Nüxíraxü̃xü̃ ga popera ga ãẽ̱xgacügüchiga 2:36

Rü yemawena rü Chimíca̱x nangema ga Charomóü̃ rü ñanagürü nüxü̃: —¡Ẽcü, Yerucharéü̃gu naxü ya wüxi ya cupata rü ngéma nangẽxma! Natürü tagutáma daa ĩane ya Yerucharéü̃arü tóxnamana cuxũ.

Nüxíraxü̃xü̃ ga popera ga ãẽ̱xgacügüchiga 1:31

Rü ngĩma ga Bechabé rü ãẽ̱xgacüpe̱xegu inangücuchi ñu̱xmata ĩxmachiü̃wa yaxũcatü, rü tagaãcü ngĩgürügü: —¡Guxü̃guma namaxü̃ ya chorü cori ya ãẽ̱xgacü ya Dabí! —ngĩgürügü.

Nüxíraxü̃xü̃ ga popera ga ãẽ̱xgacügüchiga 1:16

Rü ngĩma ga Bechabé rü ãẽ̱xgacüpe̱xegu inangücuchi rü ñu̱xmata ĩxmachiü̃wa iyaxṹcatü. Rü nüma ga ãẽ̱xgacü rü ngĩxna naca rü ñanagürü: —¿Ta̱xacü cunaxwa̱xe i cuxca̱x chaxüxü̃ i ñu̱xmax? —ñanagürü.

2 Chamué 14:28

Rü Acharóü̃ rü taxre ga taunecü Yerucharéü̃wa nayexma, natürü taguma nüxü̃́ natauxcha nax ãẽ̱xgacüxü̃tawa naxũxü̃. Rü yemaca̱x Yoána naca nax ãẽ̱xgacüna naca̱xü̃ca̱x nax naxü̃tagu naxũaneãxü̃ca̱x, natürü nüma ga Yoá rü tama yéma naxũxchaü̃. Rü nüma ga Acharóü̃ rü wena norü taxree̱xpü̱xcüna Yoána naxca̱x naca nax yéma naxũxü̃ca̱x, natürü nüma ga Yoá rü yexguma rü ta tama yéma naxũxchaü̃.

2 Chamué 14:24

Natürü nüma ga ãẽ̱xgacü rü Yoáxü̃ namu nax noxtacüma napatawatama nangu̱xẽẽãxü̃ca̱x ga Acharóü̃. Rü tama nanaxwa̱xe nax ãẽ̱xgacüpatawa nangu̱xẽẽãxü̃. Rü yemaca̱x wüxicana napatawatama nangu rü tama ãẽ̱xgacüxü̃ nadau.

2 Chamué 1:2

Natürü norü tomaepü̱x ga ngunexü̃gu, rü yéma Dabíxü̃tawa nangu ga wüxi ga yatü ga Chaú rü norü churaragümaxã íyexmaxü̃wa ne ũxü̃. Rü norü ngechaü̃maxã nügüchirugu nagáugü rü waixü̃mümaxã nügü nabuxeru, rü yemaacü ínangu. Rü yexguma Dabípe̱xewa nanguxgu rü ñaxtüanegu nanangücuchi.

Nüxíraxü̃xü̃ ga popera ga ãẽ̱xgacügüchiga 1:52

Rü Charomóü̃ nanangãxü̃ rü ñanagürü: —Ngẽxguma wüxi i yatü i mecümaxü̃ãcü namaxü̃xgu rü taxuxü̃táma nüxü̃ naxüpetü, rü bai i wüxi i nayae tá inarütaxu. Natürü ngẽxguma chi ta̱xacürü chixexü̃ nawa ichayangauxgu rü tá nayu —ñanagürü.

Nüxíraxü̃xü̃ ga popera ga ãẽ̱xgacügüchiga 2:1

Rü yexguma marü naturagu ga Dabí ga nax nayuxü̃, rü nane ga Charomóü̃xü̃ naxuxcu̱xẽ rü ñanagürü:

2 Chamué 14:33

Rü yexguma ga Yoá rü ãẽ̱xgacüxü̃tawa naxũ rü nüxü̃ narüxu ga Acharóü̃arü dexa. Rü nüma ga ãẽ̱xgacü rü Acharóü̃ca̱x nangema. Rü yexguma ãẽ̱xgacüpe̱xewa nanguxgu ga Acharóü̃ rü ãẽ̱xgacüpe̱xegu nayangücuchi ñu̱xmata waixü̃müwa yaxũcatü. Rü nüma ga ãẽ̱xgacü rü wüxi ga chúxumaxã nanayaxu.