Nüxíraxü̃xü̃ ga popera ga ãẽ̱xgacügüchiga 1:5 - Tupanaarü Ore

⁵ Rü yexgumayane ga Adonía ga Dabí nane ga naxma̱x ga Aguíxwaü̃cü rü ãẽ̱xgacüwa nügü nangu̱xẽẽchaü̃ tümachicüxü ga nanatü. Rü naweü̃gü ga cowarugü itúchigüne ne nanutaque̱xe rü yexgumarüxü̃ ta churaragü ga cowaruétügu ĩxü̃. Rü nanade ga 50 ga churaragü nax nüxna daugüxü̃ca̱x.

Nüxíraxü̃xü̃ ga popera ga ãẽ̱xgacügüchiga 1:5 Referans Kwoze

2 Chamué 15:1

Wüxi ga ngunexü̃ rü nüma ga Dabí nane ga Acharóü̃ rü naxca̱x nataxe ga wüxi ga naweü̃ ga dairuxü̃ ga cowarugü itúxü̃ne. Rü naxca̱x nadau ga 50 ga norü churaragü.

2 Chamué 3:4

Rü norü ãgümücü ga Dabí nane rü Adonía nixĩ, rü Aguíx iyixĩ ga naé. Rü norü wüxime̱e̱xpü̱x ga nane rü Chepatía nixĩ, rü Abitái iyixĩ ga naé.

Ore i mexü̃ ga Luca ümatüxü̃ 18:14

Rü pemaxã nüxü̃ chixu rü gumá yatü ga Rómaarü ãẽ̱xgacüca̱x diẽru ngĩxü̃ decü rü yexguma napataca̱x nataeguxgu rü Tupana rü marü nüxü̃́ narüngüma i norü pecadugü. Natürü yema Parichéu rü Tupana rü tama nüxü̃́ narüngüma i norü pecadugü. Erü texé ya tügü icua̱xüxü̃xe rü Tupana tá tüxü̃ naxãnexẽxẽ. Natürü texé ya tama tügü icua̱xüxü̃xe rü Tupana rü tá tüxü̃ nicua̱xüxü̃ —ñanagürü ga Ngechuchu.

Ore i mexü̃ ga Luca ümatüxü̃ 14:11

Erü texé ya tügü írütaxe rü Tupana tá tüxü̃ naxãnexẽxẽ. Natürü texé ya tügü írüxíraxe rü Tupana tá tüxü̃ nicua̱xüxü̃ —ñanagürü ga Ngechuchu.

Ichaía 2:7

Rü ñaa nachixü̃anewa rü namuxũchi i úiru rü diẽru rü ngẽmaxü̃gü. Rü ñu̱xũchi namuxũchi i cowarugü, rü ngẽma carugü i daiwexü̃ rü taxucürüwa tayaxugü erü namuxũchi.

Ucu̱xẽgüchiga 18:12

Ngẽma yigü nax icua̱xüü̃xü̃ rü guxchaxü̃ taxca̱x ínanguxẽxẽ, natürü ngẽma tama nügü icua̱xüü̃xü̃, rü duü̃xü̃gü rü tá namaxã nataãxẽ.

Ucu̱xẽgüchiga 16:18

Ngẽma nax yigü icua̱xüü̃güxü̃gagu, rü guxchaxü̃gu tayi. Rü ngẽma nax inuexü̃gagu rü chixexü̃gu tayi.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:1

Rü yemawena ga ãẽ̱xgacü ga Dabí rü ñanagürü nüxü̃ ga yema duü̃xü̃gü ga yexma ngutaque̱xexü̃: —Rü daa chaune ya Charomóü̃ nixĩ ya Tupana nüxü̃ unetacü. Rü nüma rü nangextü̱xüxüchi, natürü i ngẽma puracü i tá naxüxü̃ rü nataxüchi, erü tama ãẽ̱xgacüpatamare naxü, natürü Cori ya Tupanapata ya taxü̃ne nixĩ ya naxüxü̃ne.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:5

Rü ñu̱xma rü namu i chaunegü ya Tupana choxna mugüxü̃, rü ngẽma chaunegütanüwa rü Tupana nüxü̃ naxuneta ya chaune ya Charomóü̃ nax nüma chauchicüxü ãẽ̱xgacü yixĩxü̃ca̱x i Iraéanewa.

Nüxíraxü̃xü̃ ga popera ga ãẽ̱xgacügüchiga 2:24

Rü Tupana ya ãẽ̱xgacüwa choxü̃ nguxẽẽcü rü choxna naxãcü i chaunatü i Dabíarü tochicaxü̃, rü chomaxã nanaxuegu nax ngẽma chaune rü chautaagü rü ãẽ̱xgacü tá yaxĩgüxü̃ i chowena. Rü ngẽmaca̱x Cori ya Tupanaégagu chanaxuegu rü ñaa tátama i ngunexü̃gu nayu i Adonía —ñanagürü.

Nüxíraxü̃xü̃ ga popera ga ãẽ̱xgacügüchiga 1:11

Rü yexguma ga nüma ga Natáü̃ rü Charomóü̃ naé ga Bechabémaxã nidexa, rü ñanagürü: —¿Marü nüxü̃ cucuáxü̃ yixĩxü̃ rü nüma i Adonía i Aguíx ngĩne nax ãẽ̱xgacüxü̃ nügü yangucuchixẽẽxü̃? Rü tórü ãẽ̱xgacü ya Dabí rü tama nüxü̃ nacua̱x.

Ínachoxü̃xü̃chiga 9:17

Natürü woo nax cuxü̃ chamaxẽẽxü̃, rü cuma rü tama icuxĩnüchaü̃ rü tama cuyange̱xgüchaü̃ i chorü duü̃xü̃gü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 3:2

Rü norü tomaepü̱x ga nane rü Acharóü̃ nixĩ. Rü naé rü Maacá iyixĩ. Rü ngĩnatü nixĩ ga Tarmái ga ĩane ga Yechúxarü ãẽ̱xgacü ixĩcü. Rü norü ãgümücü ga nane rü Adonía nixĩ. Rü naé rü Aguíx iyixĩ.

Ãẽ̱xgacügü ga guxchaxü̃güarü mexẽxẽruü̃gü 9:2

—Name nax Chiquéü̃arü ãẽ̱xgacügümaxã pidexagüxü̃ rü namaxã nüxü̃ pixuxü̃ nax namexü̃ nax wüxitama i ãẽ̱xgacü tamaxã icuáxü̃, rü tama guxü̃ma i ngẽma 70 i Yedeóü̃ nanegü. ¡Rü nüxna pecua̱xãchi nax choma rü petanüxü̃xü̃chi chixĩxü̃! —ñanagürü.

Nüxíraxü̃xü̃ ga popera ga ãẽ̱xgacügüchiga 1:4

Ngĩma ga Abiachá rü imexẽchi rü ãẽ̱xgacüna idau rü ñu̱xũchi nüxü̃́ ipuracü, natürü nüma ga ãẽ̱xgacü rü tama ngĩmaxã namaxü̃.

Nüxíraxü̃xü̃ ga popera ga ãẽ̱xgacügüchiga 2:15

Rü yexguma nüma ga Adonía rü ñanagürü: —Cuma nüxü̃ cucua̱x rü ngẽma ãẽ̱xgacüarü tochicaxü̃ rü cha̱u̱xca̱xchire̱x nixĩ. Rü guxü̃ma i Iraéanecüã̱x rü nanaxwa̱xegüchire̱x nax choma chi ãẽ̱xgacü chixĩxü̃. Natürü i ñu̱xma rü chauenexẽ nixĩ ya ãẽ̱xgacü ixĩcü erü woetama ngẽmaãcü nanaxwa̱xe ya Tupana.

Nüxíraxü̃xü̃ ga popera ga ãẽ̱xgacügüchiga 2:13

Rü nüma ga Adonía ga Aguíx ngĩne rü Charomóü̃ naé ga Bechabéxü̃tawa naxũ. Rü ngĩma ga Bechabé rü nüxna ica rü ngĩgürügü: —¿Ngüxmüxẽxẽwa nua cuxũ? —ngĩgürügü. Rü yexguma ga nüma rü ngĩxü̃ nangãxü̃ rü ñanagürü: —Ngẽmáacüx, ngüxmüxẽẽwa nixĩ i nua chaxũxü̃.