Nüxíraxü̃xü̃ ga popera ga ãẽ̱xgacügüchiga 1:44 - Tupanaarü Ore

⁴⁴ Rü ngẽmaca̱x i nüma ya ãẽ̱xgacü rü nanamu ya chacherdóte ya Chadóx rü Natáü̃ rü Benaía ya Yoiadá nane rü Queretéugü rü Peretéugü noxrütama dauruü̃gü nax Charomóü̃xü̃ yaxümücügüxü̃ca̱x rü ãẽ̱xgacüarü mulagu yamuegüãxü̃ca̱x.

Nüxíraxü̃xü̃ ga popera ga ãẽ̱xgacügüchiga 1:44 Referans Kwoze

1 Chamué 30:14

Natürü naxü̃pa ga nax chida̱xawexü̃ rü Queretéugüarü naane i súrwaama ngẽxmaxü̃wa taxĩ rü tanadeãcu. Rü yexgumarüxü̃ ta tanadeãcu ga Yudátanüxü̃arü naanewa rü Caréxtanüxü̃arü naanewa. Rü ñu̱xũchi tayagu ya yima ĩane ya Chicáx —ñanagürü.

2 Chamué 8:18

Rü nanegü ga Dabí rü norü ngü̃xẽẽruü̃gü nixĩgü. Rü Benaía ga Yoiadá nane rü churaragü ga Queretéugümaxã rü Peretéugümaxã inacua̱x.

Nüxíraxü̃xü̃ ga popera ga ãẽ̱xgacügüchiga 1:43

Rü Yonatáü̃ Adoníaxü̃ nangãxü̃ rü ñanagürü nüxü̃: —Nüma ya Dabí ya tórü ãẽ̱xgacü rü Charomóü̃xü̃ ãẽ̱xgacüxü̃ ningucuchixẽxẽ.

Nüxíraxü̃xü̃ ga popera ga ãẽ̱xgacügüchiga 1:45

Rü ñu̱xũchi nüma ya chacherdóte ya Chadóx rü orearü uruxü̃ ya Natáü̃ rü Guióü̃wa Tupanape̱xewa chíxü̃maxã nanabaerugü nax ãẽ̱xgacü ya réi yixĩxü̃ca̱x ya Charomóü̃. Rü duü̃xü̃gü rü taãẽãcü ngéma ne naxĩ i ñu̱xmax. Rü ngẽmaca̱x nixĩ i íyacuxcuxü̃ ya daa ĩanewa, rü ngẽma nixĩ i nüxü̃ pexĩnüexü̃.

Naanearü ügüchiga 36:24

Rü Chibóü̃ nanegü nixĩ ga Aiá, rü Aná. Rü nüma ga Aná nixĩ ga yema chianexü̃wa nüxü̃ yangauxü̃ ga bairawegü ga yexguma nanatü ga Chibóü̃arü búrugüna nadauyane.

2 Chamué 20:7

Rü Yoáxarü churaragü, rü yema churaragü ga ãẽ̱xgacüarü dauruü̃gü ga Queretéugü rü Peretéugü, rü yema churaragü ga rüporamaegüxü̃, rü Abicháimaxã Yerucharéü̃wa inaxĩãchi nax Chebáwe nangẽgüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:8

rü Aitúx nixĩ ga Chadóx nanatü, rü Chadóx nixĩ ga Aimaá nanatü,

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:1

Rü yexguma marü napatawa nayexmagu ga Dabí rü Tupanaarü orearü uruxü̃ ga Natáü̃maxã nidexa rü ñanagürü nüxü̃: —Dücax, choma rü wüxi ya ĩpata ya ocayiwanaxca̱x ixĩxü̃newa changexma. Natürü ngẽma baú i Tupanaarü mugü nawa ngẽxmane rü wüxi ya ĩpata ya naxchirumarenaxca̱x ixĩxü̃newa nangẽxma —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 18:17

Rü Benaía ga Yoiadá nane nixĩ ga namaxã icuáxü̃ ga yema churaragü ga Queretéugü rü Peretéugü ga Dabína daugüxü̃. Rü Dabí nanegü nixĩ ga norü ngü̃xẽẽruxü̃gü ixĩgüxü̃.