Nüxíraxü̃xü̃ ga popera ga ãẽ̱xgacügüchiga 1:42 - Tupanaarü Ore

⁴² Rü yexguma íyadexayane ga Adonía rü yéma nangu ga Yonatáü̃ ga chacherdóte ga Abiatá nane ixĩcü. Rü nüma ga Adonía rü ñanagürü nüxü̃: —¡Ixücu!, erü cuma rü wüxi i yatü i duü̃xü̃gü cuga ĩnüexe quixĩ rü ngẽmaca̱x mexü̃ i ore nua cunge —ñanagürü.

Nüxíraxü̃xü̃ ga popera ga ãẽ̱xgacügüchiga 1:42 Referans Kwoze

2 Chamué 15:36

Rü ngéma nangẽxmagü ta i ngẽma chacherdótegü nanegü i Aimaá rü ñu̱xũchi Yonatáü̃. Rü chanaxwa̱xe i ngẽmagümaxã ta nüxü̃ quixu nax ngẽmagü nüxí chomaxã nüxü̃ yarüxugüxü̃ca̱x —ñanagürü ga Dabí.

2 Chamué 18:27

Rü yexguma nüma ga yema dauxü̃taeruxü̃ rü ñanagürü ta: —Ngẽma nape̱xe iñaxü̃ rü norü ñaãchiwa nüxü̃ chacua̱x nax Chadóx nane ya Aimaá yixĩxü̃ —ñanagürü. Rü nüma ga ãẽ̱xgacü rü nanangãxü̃ rü ñanagürü: —Nüma rü wüxi ya mecü ya yatü nixĩ, rü mexü̃ i ore nua nange —ñanagürü.

2 Chamué 17:17

Rü nüma ga Chadóx nane ga Aimaá rü Abiatá nane ga Yonatáü̃ rü Yerucharẽü̃arü ngaicamana ga natüxacü ga En-roguéxwa nayexmagü, natürü taxucürüwa ĩanegu nachocu yerü tama nanaxwa̱xegü nax duü̃xü̃gü yéma nüxü̃ daugüxü̃. Rü yemaca̱x ga chacherdótegü rü wüxi ga pacüxü̃ namugü nax yema Aimaámaxã rü Yonatáü̃maxã nüxü̃ yarüxuxü̃ca̱x ga Ucháiarü ore. Rü nümagü rü paxa inaxĩãchi nax ãẽ̱xgacü ga Dabímaxã nüxü̃ yanaxugüexü̃ca̱x.

2 Chamué 15:27

Rü nüma ga ãẽ̱xgacü rü chacherdóte ga Chadóxü̃ ñanagürü: —¡Dücax, cuma rü ñu̱xũchi Abiatá rü mea ĩaneca̱x pewoegu namaxã i ngẽma taxre i penegü, rü cuma namaxã i cune i Aimaá, rü Abiatá namaxã i nane i Yonatáü̃!

Ichaía 57:21

Rü ngẽma chixexü̃arü üruü̃güca̱x rü nataxuma i taãxẽ” —ñanagürü ga Tupana.

Norü taxre ga popera ga ãẽ̱xgacügüchiga 9:22

Rü yexguma Yeúxü̃ nada̱u̱xgu ga Yoráü̃ rü nüxna naca rü ñanagürü nüxü̃: —¿Pa Yeúx, tama i nuwa nua cuxũxü̃? —ñanagürü. Rü nüma ga Yeú rü nanangãxü̃ rü ñanagürü: —¿Ta̱xacürü ngechaü̃ i naxca̱x ícuca̱xaxü̃ ega ngẽma cué i Yechabé rü nagu ínamaxü̃xgu i ngẽma nax naxchicüna̱xãgüxü̃ yacua̱xüü̃xü̃ rü naguxü̃raü̃xü̃ i to i chixexü̃ nax naxüxü̃? —ñanagürü.

Nüxíraxü̃xü̃ ga popera ga ãẽ̱xgacügüchiga 22:18

Rü nüma ga Iraéanecüã̱xarü ãẽ̱xgacü rü ñanagürü Yochapáxü̃: —Ngẽma nixĩ i cumaxã nüxü̃ chixuxü̃. Rü ñaa yatü rü taguma ta̱xacürü mexü̃xü̃ chomaxã nixu. Rü ngẽma nüxü̃ yaxuxü̃ rü chixexü̃xicatama nixĩ —ñanagürü.

Nüxíraxü̃xü̃ ga popera ga ãẽ̱xgacügüchiga 1:41

Rü yexguma yexwaca̱xtama chibüwa yangugügu ga Adonía namaxã ga yema nüxna naxuxü̃, rü nüxü̃ naxĩnüe ga tagaãcü yéma ne paxetatanüxü̃. Rü yexguma Yoá nüxü̃ ĩnügu ga yema tagaãcü yéma ne paxetatanüxü̃, rü ínaca rü ñanagürü: —¿Tü̱xcüü̃ nicuxcu i duü̃xü̃gü i daa ĩanewa? —ñanagürü.

Nüxíraxü̃xü̃ ga popera ga ãẽ̱xgacügüchiga 1:43

Rü Yonatáü̃ Adoníaxü̃ nangãxü̃ rü ñanagürü nüxü̃: —Nüma ya Dabí ya tórü ãẽ̱xgacü rü Charomóü̃xü̃ ãẽ̱xgacüxü̃ ningucuchixẽxẽ.