Nüxíraxü̃xü̃ ga popera ga ãẽ̱xgacügüchiga 1:3 - Tupanaarü Ore

³ Rü guxü̃ ga Iraéanegu ngĩxne nadaugü ga wüxi ga pacü ga mecü. Rü ngĩxü̃ inayangaugü ga wüxi ga pacü ga Abiachágu ãégacü ga ĩane ga Chunéü̃cüã̱x ixĩcü. Rü ãẽ̱xgacüxü̃tawa ngĩxü̃ nagagü.

Nüxíraxü̃xü̃ ga popera ga ãẽ̱xgacügüchiga 1:3 Referans Kwoze

Yochué 19:18

Rü yema norü naanewa rü nayexmagü ga daa ĩanegü: Yereé, rü Quechuróx, rü Chunéü̃, rü Afaraíü̃, rü Chióü̃, rü Anaaráx, rü Rabíx, rü Quichióü̃, rü Ébe, rü Rémex, rü En-ganíü̃, rü En-adá, rü Bex-paché.

Ester 2:4

Rü ngẽma pacü i yexera curü me ixĩcü, Pa Ãẽ̱xgacüx, rü ngẽma tá iyixĩ i cuxma̱x ixĩcü ngĩchicüxü i Báti —ñanagürügü. Rü yema ĩnü rü norü me nixĩ ga ãẽ̱xgacü, rü yemaacü nanaxü.

Ester 2:2

Rü yexguma ga yema norü ngü̃xẽẽruü̃gü rü ñanagürügü nüxü̃: —Name nixĩ i cuxü̃́ ngĩxca̱x tadaugü i pacügü i mexẽchicü i taguma yatüxü̃ cua̱xgücü.

Norü taxre ga popera ga ãẽ̱xgacügüchiga 4:8

Rü wüxi ga ngunexü̃gu rü ĩane ga Chunéü̃wa naxüpetü ga Erichéu. Rü yéma iyexma ga wüxi ga nge ga guma ĩanegu ãchiü̃cü rü mexü̃ ga ngĩchiga ngĩxü̃́ yexmacü. Rü Erichéuna ixu ga ngĩchiü̃wa nax nachibüxü̃ca̱x. Rü guxü̃guma ga yexguma yéma naxüpetüü̃xgu ga Erichéu, rü yexma ngĩxü̃tagu ínidauuxü̃ rü yéma inichibüü̃.

1 Chamué 28:4

Rü nüma ga Firitéugüarü churaragü rü nügü nangutaque̱xegü rü Chunéü̃wa naxĩ rü yexma nügü ninu. Rü nüma ga Chaú rü guxü̃ma ga Iraéanecüã̱xgüarü churaragüxü̃ nangutaque̱xexẽxẽ rü Guibóagu nügü ninu.

Norü taxre ga popera ga ãẽ̱xgacügüchiga 4:25

Rü yemaacü yéma ixũ rü nawa ingu ga guma ma̱xpǘne ga Carmérugu ãégane ga yema Tupanaarü orearü ngeruxü̃ ga Erichéu íyexmaxü̃wa. Rü yexguma Erichéu yáxü̃guma ngĩxü̃ da̱u̱xgu nax yéma ne naxũxü̃, rü Guexáchi ga norü ngü̃xẽẽruü̃xü̃ ñanagürü: —¡Dücax, yéama ne ixũ i chiũra i Chunéü̃cüã̱x!

Nüxíraxü̃xü̃ ga popera ga ãẽ̱xgacügüchiga 1:2

Rü yemaca̱x ga norü puracütanüxü̃ rü ñanagürügü nüxü̃: —Pa Ãẽ̱xgacüx, name nixĩ i wüxi i pacü i ngetecüca̱x cuxü̃́ tadaugü nax ngẽma cuxü̃ rüngü̃xẽẽxü̃ca̱x rü cuxna nadauxü̃ca̱x, rü cuxü̃ nacaxü̃ca̱x, Pa Ãẽ̱xgacüx, nax ngẽmaãcü cuxü̃ nanaiwexü̃ca̱x —ñanagürügü.

Nüxíraxü̃xü̃ ga popera ga ãẽ̱xgacügüchiga 1:4

Ngĩma ga Abiachá rü imexẽchi rü ãẽ̱xgacüna idau rü ñu̱xũchi nüxü̃́ ipuracü, natürü nüma ga ãẽ̱xgacü rü tama ngĩmaxã namaxü̃.