Nüxíraxü̃xü̃ ga popera ga ãẽ̱xgacügüchiga 1:25 - Tupanaarü Ore

²⁵ Erü ñu̱xma rü ínapetae nax ãẽ̱xgacüxü̃ yangucuchixü̃ rü nanadai i wocagü rü wocaxacügü rü muxü̃ma i carnérugü rü ñu̱xũchi cunegüna naxu, Pa Ãẽ̱xgacüx, rü nüxna naxu i ngẽma churaragüerugü rü ñu̱xũchi Abiatá ya chacherdóte ixĩcü. Rü ñu̱xma i nümagü rü ngéma nangẽxmagü rü Adoníamaxã nachibüe rü naxaxegü, rü tagaãcü aita naxüe rü ñanagürügü: “¡Namaxü̃ ya ãẽ̱xgacü ya Adonía!” ñanagürügü.

Nüxíraxü̃xü̃ ga popera ga ãẽ̱xgacügüchiga 1:25 Referans Kwoze

1 Chamué 10:24

Rü nüma ga Chamué rü guxãna naca rü ñanagürü: —¿Marü nüxü̃ pedauxü̃ ya yimá Cori ya Tupana nüxü̃ unetacü nax perü ãẽ̱xgacü i réi yixĩxü̃ca̱x? Rü nataxuma i wüxi i Iraéanecüã̱x i namaxã wüxiguxü̃ —ñanagürü. Rü nüma ga duü̃xü̃gü rü: —¡Namaxü̃x ya tórü ãẽ̱xgacü ya réi! —ñaxü̃maxã nanangãxü̃gü.

Nüxíraxü̃xü̃ ga popera ga ãẽ̱xgacügüchiga 1:19

Rü ñu̱xma rü nanadai i wocagü rü wocaxacügü rü muxü̃ma i carnérugü. Rü ñu̱xũchi cunegüna naxu, Pa Ãẽ̱xgacüx, rü ngẽxgumarüxü̃ ta nüxna naxu ya yimá chacherdóte ya Abiatá rü Yoá ya churaragümaxã icuácü, natürü tama nüxna naxu ya Charomóü̃ ya curü ngü̃xẽẽruxü̃ ixĩcü, Pa Ãẽ̱xgacüx.

Nüxíraxü̃xü̃ ga popera ga ãẽ̱xgacügüchiga 1:9

Rü wüxi ga ngunexü̃ rü nüma ga Adonía rü wüxi ga taxü̃ma ga õna naxü ga ma̱xpǘne ga Choélexü̃tawa ga Roguéxtüxü̃arü ngaicamana. Rü nanadai ga carnérugü, rü wocagü rü wocaxacügü ga ingüexü̃. Rü guxü̃ma ga naenexẽgüna naxu, rü guxü̃ma ga duü̃xü̃gü ga Yudátanüxü̃ ga ãẽ̱xgacü ga Dabíaxü̃́ puracüexü̃na naxu.

Ore i mexü̃ ga Luca ümatüxü̃ 19:38

Rü ñanagürügü: —¡Namecümaxüchi ya daa ãẽ̱xgacü ya Tupanaégagu núma ũcü! ¡Rü pema rü ta, Pa Dauxü̃cüã̱x, rü petaãxẽgü rü nüxü̃ picua̱xüü̃gü ya Tupana! —ñanagürügü.

Ore i mexü̃ ga Matéu ümatüxü̃ 21:9

Rü yema duü̃xü̃gü ga nape̱xegu ĩxü̃, rü yema wixweama ãgüxü̃, rü tagaãcü ñanagürügü: —¡Namaxü̃ ya daa Dabítaxa! ¡Rü namecümaxüchi ya daa Tupanaégagu núma ũcü! ¡Rü pema rü ta, Pa Dauxü̃cüã̱x, rü nüxü̃ picua̱xüü̃gü ya Tupana! —ñanagürügü.

Norü taxre ga to ga popera ga ãẽ̱xgacügüchiga ümatüxü̃ 23:11

Rü yexguma nüma ga Yoiadá rü nanegü rü duü̃xü̃güpe̱xewa nanagagü ga Yoá, rü nayanga̱xcuchigü ga norü nga̱xcueruxü̃ rü nüxna nanaxãgü ga wüxi ga popera ga mugü nagu ümatüxü̃. Rü yemawena rü chíxü̃maxã nanabaerugü, rü yemaacü ãẽ̱xgacüxü̃ nayangucuchixẽẽgü. Rü guxü̃ma ga yema duü̃xü̃gü ga yéma yexmagüxü̃ rü tagaãcü ñanagürügü: —¡Namaxü̃ ya ãẽ̱xgacü! —ñanagürügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:21

Rü moxü̃ãcü rü yéma nanagagü ga 1,000 ga wocaxacügü ga yexwacax yaexü̃, rü 1,000 ga carnérugü. Rü Tupanaca̱x nanadai ga yema naxü̃nagü rü ãmare ga bínu naétü naba, rü yemaacü guxü̃ma ga Iraétanüxü̃égagu Tupanaca̱x ínanagu.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:13

Rü ngẽmaca̱x, Pa Torü Tupanax, i ñu̱xmax rü moxẽ cuxna taxãxü̃ rü cuxü̃ ticua̱xüü̃güxü̃ erü cuxüüne.

Norü taxre ga popera ga ãẽ̱xgacügüchiga 11:12

Rü yexguma nüma ga Yoiadá rü ínanamuxũchi ga guma bucü ga ãẽ̱xgacü ga Ocochía nane rü naeruwa nayanga̱xcuchi ga nanatüarü ãẽ̱xgacüpate̱xe. Rü nüxna nanaxã ga yema popera ga nawa nüxü̃ yaxuxü̃ nax ãẽ̱xgacü yixĩxü̃. Rü chíxü̃maxã nanabaeru rü yemawena rü nanaxunagü nax ãẽ̱xgacü yixĩxü̃. Rü guxü̃ma ga duü̃xü̃gü rü nanapepünegü rü tagaãcü ñanagürügü: —Namaxü̱̃x ya ãẽ̱xgacü! —ñanagürügü.

Nüxíraxü̃xü̃ ga popera ga ãẽ̱xgacügüchiga 1:34

Rü ngẽxguma chacherdóte ya Chadóx rü orearü uruxü̃ ya Natáü̃ nabaerugügu nax Iraéanecüã̱xgüarü ãẽ̱xgacü yixĩxü̃ca̱x ya Charomóü̃ ¡rü nagu picuegü i carnéruchatacu̱xre rü tagaãcü ñapegürügü: “¡Namaxü̃ ya ãẽ̱xgacü ya Charomóü̃!” ñapegürügü tá.

2 Chamué 16:16

Rü Uchái ga Arquítanüxü̃ ga Dabímücü ixĩcü rü Acharóü̃ca̱x niña rü ñanagürü nüxü̃: —¡Namaxü̃ ya ãẽ̱xgacü! ¡Namaxü̃ ya ãẽ̱xgacü! —ñanagürü.

Ore i mexü̃ ga Matéu ümatüxü̃ 22:4

Rü nüma ga ãẽ̱xgacü rü wenaxarü togü ga norü duü̃xü̃güxü̃ yéma namugü. Rü ñanagürü nüxü̃: “¡Ngéma pexĩ naxü̃tawa i ngẽma duü̃xü̃gü i nüxna chaxuchiréxü̃, rü namaxã nüxü̃ peyarüxu rü marü íname i chorü õna i taxü̃. Rü marü chanadai i chorü wocagü i ingüexü̃ rü guxü̃ma marü ínamemare. Rü chanaxwa̱xe i paxa nua naxĩ naxca̱x i ñaa chorü peta!” ñanagürü.

Nüxíraxü̃xü̃ ga popera ga ãẽ̱xgacügüchiga 1:24

Rü ãẽ̱xgacüna naca rü ñanagürü: —Pa Ãẽ̱xgacüx ¿ẽ̱xna cuma yixĩxü̃ i nüxü̃ cuxunetaxü̃ ya Adonía nax cuchicüxü ãẽ̱xgacü yixĩxü̃?

Nüxíraxü̃xü̃ ga popera ga ãẽ̱xgacügüchiga 1:39

Rü nüma ga chacherdóte ga Chadóx rü Tupanapatawa nanayaxu ga yema carnéruchatacu̱xre ga chíxü̃maxã ããcuxü̃, rü Tupanape̱xewa Charomóü̃étü nanaba nax ãẽ̱xgacü ga réi yixĩxü̃ca̱x. Rü yemawena rü carnéruchatacu̱xregu nicuegü, rü guxü̃ma ga duü̃xü̃gü rü tagaãcü ñanagürügü: —¡Namaxü̃ ya ãẽ̱xgacü ya Charomóü̃! —ñanagürü.

Nüxíraxü̃xü̃ ga popera ga ãẽ̱xgacügüchiga 2:15

Rü yexguma nüma ga Adonía rü ñanagürü: —Cuma nüxü̃ cucua̱x rü ngẽma ãẽ̱xgacüarü tochicaxü̃ rü cha̱u̱xca̱xchire̱x nixĩ. Rü guxü̃ma i Iraéanecüã̱x rü nanaxwa̱xegüchire̱x nax choma chi ãẽ̱xgacü chixĩxü̃. Natürü i ñu̱xma rü chauenexẽ nixĩ ya ãẽ̱xgacü ixĩcü erü woetama ngẽmaãcü nanaxwa̱xe ya Tupana.

Norü taxre ga popera ga ãẽ̱xgacügüchiga 9:13

Rü yexgumatama ga wüxichigü rü ínacuxuchi ga norü capa ga naxchiruarü düxétüwa üxü̃ rü Yeúxü̃ namaxã nacha̱xape̱xegü ga toxṍõnewa. Rü ñu̱xũchi nagu nicuegü ga carnéruchatacu̱xre rü aita naxüe rü ñanagürügü: —¡Namaxü̃x ya ãẽ̱xgacü i Yeú! —ñanagürügü.

Norü taxre ga popera ga ãẽ̱xgacügüchiga 11:14

Rü nüxü̃ idau ga gumá ãẽ̱xgacü ga Tupanapataarü caxtaxü̃tagu nax nachixü̃ yerü yema nixĩ ga nacüma ga yexguma ãẽ̱xgacüxü̃ yangucuchixẽẽgügu. Rü nüxü̃ idau ta nax naxü̃tagu nachigüxü̃ ga churaragüeru rü paxetaruü̃gü rü duü̃xü̃gü ga poraãcü taãẽgüxü̃ ga norü cornétagu icuegüxü̃. Rü yexguma ga Ataría rü ngĩgü irügáutechiru rü tagaãcü ngĩgürügü: —Taechitawa̱xegüxü̃. Taechitawa̱xegüxü̃ —ngĩgürügü.