Nüxíraxü̃xü̃ ga popera ga ãẽ̱xgacügüchiga 1:2 - Tupanaarü Ore

² Rü yemaca̱x ga norü puracütanüxü̃ rü ñanagürügü nüxü̃: —Pa Ãẽ̱xgacüx, name nixĩ i wüxi i pacü i ngetecüca̱x cuxü̃́ tadaugü nax ngẽma cuxü̃ rüngü̃xẽẽxü̃ca̱x rü cuxna nadauxü̃ca̱x, rü cuxü̃ nacaxü̃ca̱x, Pa Ãẽ̱xgacüx, nax ngẽmaãcü cuxü̃ nanaiwexü̃ca̱x —ñanagürügü.

Nüxíraxü̃xü̃ ga popera ga ãẽ̱xgacügüchiga 1:2 Referans Kwoze

Miquéa 7:5

¡Rü taxṹ i ngẽma curü ngaicamagu pexü̃ i duü̃xü̃axü̃́ cuyaxõxü̃, rü taxṹ i cumücügu cuyaxõxü̃! ¡Rü cugüna nadau i ngẽxguma cuxma̱xmaxã quidexagu!

Ngu̱xẽẽtaeruü̃arü ore 4:11

Rü ngẽxguma taxre i duü̃xü̃gü nügü caxgux, rü ngẽma taxre rü tá nügü nanaiwegü. Natürü ngẽxguma chi wüxitama nüxica ícaxgu ¿rü ñuxãcü tá nüxica nügü nanaiwexẽxẽ?

Naanearü ügüchiga 16:5

Rü yemaca̱x ga Charái rü Abráü̃xü̃ ngĩgürügü: —Cugagu nixĩ i Agá i tama chauga naxĩnüxü̃. Chomatama nixĩ ga cuxna ngĩxü̃ chamuxü̃ rü ñu̱xma nax naxãxacüxü̃ rü choxü̃ irüyexerachaü̃. Rü Cori ya Tupana tá nixĩ ya nüxü̃ ixucü rü texégagu yixĩxü̃ nax ngẽma ngupetüxü̃ rü cugagu rüe̱xna chaugagu —ngĩgürügü.

2 Chamué 12:3

Natürü ga yema ngearü yemaxü̃ã́xü̃ rü wüxitama ga carnéruxacü nüxü̃́ tayexma ga tümaca̱x nataxexe. Rü nümatama tüxü̃ nayaxẽxẽ ga guxema carnéruxacü, rü naxü̃tawa rü nanegüxü̃tawa taya. Rü yematama õna ga tümaarü yora ngṍxü̃ tangõ̱x rü naxpáü̃watama taxaxe, rü nügüxü̃ta tüxü̃ napexẽxẽ. Rü nüma ga gumá yatü tüxü̃ nangechaü̃ ñoma naxacüxü̃ nangechaü̃xü̃rüxü̃.

Wenaxarü naxümatü ga Tupanaarü mugü 13:6

Rü ngẽxguma cuenexẽxü̃chi rüe̱xna cune rüe̱xna cuxacü rüe̱xna cuxma̱x i ngĩxü̃ cungechaxü̃cü rüe̱xna wüxi i cumücüxüchi cúãcü cuxü̃ naxucu̱xẽgu nax nüxü̃ quicua̱xüü̃xü̃ca̱x i togü i tupanagü i cuma tama nüxü̃ cucuáxü̃ rü cunatü tama nüxü̃ cuáxü̃ rü taxũtáma naga cuxĩnü.

Wenaxarü naxümatü ga Tupanaarü mugü 10:8

Rü yéma nixĩ ga Cori ya Tupana ga Lebítanüxü̃xü̃ naxunetaxü̃ nax yangegüãxü̃ca̱x ga yema baú ga Cori ya Tupanaarü mugüchixü̃, rü ñu̱xũchi namaxã inacua̱xgüxü̃ca̱x. Rü yexgumarüxü̃ ta nüxü̃ naxuneta nax nape̱xewa nayexmagüxü̃ca̱x rü nüxü̃́ napuracüexü̃ca̱x rü naégagu duü̃xü̃gümaxã mexü̃ naxuegugüxü̃ca̱x. Rü ñu̱xma rü ta rü ngẽmaãcü nanaxügü.

Norü taxre ga to ga popera ga ãẽ̱xgacügüchiga ümatüxü̃ 29:11

Rü ngẽmaca̱x, Pa Chaunegüx, ¡rü taxṹ i nüxü̃ perüchauexü̃! Erü nüma ya Cori ya Tupana rü pexü̃ nidexechi nax ípememaregüxü̃ nax nüxü̃́ pepuracüexü̃ rü wenaxarü naxca̱x peyaguxü̃ i pumarate̱xe —ñanagürü ga Echequía.

Nüxíraxü̃xü̃ ga popera ga ãẽ̱xgacügüchiga 1:1

Rü nüma ga ãẽ̱xgacü ga Dabí rü nayaxüchi. Rü yemaca̱x woo ñuxre ga düxruü̃maxã nax yadüxgüãxü̃ rü nüxü̃ nanadeyuama.

Nüxíraxü̃xü̃ ga popera ga ãẽ̱xgacügüchiga 1:3

Rü guxü̃ ga Iraéanegu ngĩxne nadaugü ga wüxi ga pacü ga mecü. Rü ngĩxü̃ inayangaugü ga wüxi ga pacü ga Abiachágu ãégacü ga ĩane ga Chunéü̃cüã̱x ixĩcü. Rü ãẽ̱xgacüxü̃tawa ngĩxü̃ nagagü.

Ester 2:2

Rü yexguma ga yema norü ngü̃xẽẽruü̃gü rü ñanagürügü nüxü̃: —Name nixĩ i cuxü̃́ ngĩxca̱x tadaugü i pacügü i mexẽchicü i taguma yatüxü̃ cua̱xgücü.