Nüxíraxü̃xü̃ ga popera ga ãẽ̱xgacügüchiga 1:13 - Tupanaarü Ore

¹³ ¡Rü ãẽ̱xgacü ya Dabíxü̃tawa naxũ! rü ñacurügü tá nüxü̃: “Pa Chorü Corix ¿tama ẽ̱xna i chomaxã icuxunetaxü̃ rü chaune ya Charomóü̃ tá yixĩxü̃ ya yimá ãẽ̱xgacü ixĩcü i cuchicüxü? ¿Rü ñuxãcü i Adonía rü ãẽ̱xgacüxü̃ nügü yaxĩxẽxẽxü̃?” ñacurügü tá nüxü̃.

Nüxíraxü̃xü̃ ga popera ga ãẽ̱xgacügüchiga 1:13 Referans Kwoze

Nüxíraxü̃xü̃ ga popera ga ãẽ̱xgacügüchiga 1:17

Rü ngĩma inangãxü̃ rü ngĩgürügü: —Pa Ãẽ̱xgacüx ¿Tama ẽ̱xna Cori ya Tupanaégagu marü chomaxã icuxunetaxü̃ nax chaune ya Charomóü̃ tá yixĩxü̃ ya yimá ãẽ̱xgacü ixĩcü i cuchicüxü?

Yeremía 33:21

Rü ngẽxgumarüxü̃ ta taxucürüwa texé tayanaxoxẽxẽ ga yema chorü uneta ga chorü duü̃ ga Dabímaxã nüxü̃ chixuxü̃ nax guxü̃gutáma wüxi i nataxa tá nixĩ i Iraéanearü ãẽ̱xgacü yixĩxü̃. Rü ngẽxgumarüxü̃ ta taxucürüwa texé tayanaxoxẽxẽ ga yema chorü uneta nax guxü̃gutáma Lebítaagü tá nixĩ i chorü chacherdótegü ixĩgüxü̃.

Ichaía 9:7

Rü nüma rü tá ãẽ̱xgacü ya Dabíchicüxü ingucuchicü nixĩ. Rü ngẽma norü pora nax ãẽ̱xgacü yixĩxü̃ rü guxü̃ i nachixü̃anegüwa tá nangu. Rü ngẽma nügümaxã nax inangüxmüxẽẽãxü̃ i duü̃xü̃gü rü tagutáma inayarüxo. Rü ngẽma nax ãẽ̱xgacü yixĩxü̃ rü mea tá duü̃xü̃gümaxã inacua̱x, rü mexü̃gu tá narüxĩnü rü guxãarü mexü̃ca̱x tá nadau i guxü̃guma. Rü ngẽmaãcü tá nanaxü erü ngẽma nixĩ i norü ngúchaü̃ i nagu naxĩnüxü̃ ya yimá Cori ya Tupana ya Guxãétüwa Ngẽxmacü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:23

Rü yemaacü nixĩ ga yangucuchixü̃ ga Charomóü̃ nax nüxí nanatü ga Dabíchicüxü ãẽ̱xgacü yixĩxü̃ca̱x. Rü guxü̃ma ga Iraéanecüã̱xgü rü naga naxĩnüe rü yemaacü mea inixũ ga guxü̃ma.

Nüxíraxü̃xü̃ ga popera ga ãẽ̱xgacügüchiga 2:12

Rü Dabíchicüxü rü nane ga Charomóü̃ nixĩ ga ãẽ̱xgacü ixĩcü. Rü yexguma ãẽ̱xgacü yixĩxgu ga Charomóü̃, rü meama inixũ ga Iraéanewa.

Nüxíraxü̃xü̃ ga popera ga ãẽ̱xgacügüchiga 1:48

Rü ñanagürü: “¡Namecümaxüchi ya Cori ya Iraéanearü Tupana ya ñu̱xma naxwa̱xecü nax wüxi i chaune chorü tochicaxü̃wa rütoxü̃ nax chauchicüxü ãẽ̱xgacü yixĩxü̃ca̱x, rü ñu̱xma chamaxyanetama rü nüxü̃ chadau yema chomaxã nüxü̃ yaxuxü̃rüxü̃”, ñanagürü ga Dabí —ñanagürü ga Yonatáü̃.

Nüxíraxü̃xü̃ ga popera ga ãẽ̱xgacügüchiga 1:24

Rü ãẽ̱xgacüna naca rü ñanagürü: —Pa Ãẽ̱xgacüx ¿ẽ̱xna cuma yixĩxü̃ i nüxü̃ cuxunetaxü̃ ya Adonía nax cuchicüxü ãẽ̱xgacü yixĩxü̃?

Nüxíraxü̃xü̃ ga popera ga ãẽ̱xgacügüchiga 1:11

Rü yexguma ga nüma ga Natáü̃ rü Charomóü̃ naé ga Bechabémaxã nidexa, rü ñanagürü: —¿Marü nüxü̃ cucuáxü̃ yixĩxü̃ rü nüma i Adonía i Aguíx ngĩne nax ãẽ̱xgacüxü̃ nügü yangucuchixẽẽxü̃? Rü tórü ãẽ̱xgacü ya Dabí rü tama nüxü̃ nacua̱x.

Nüxíraxü̃xü̃ ga popera ga ãẽ̱xgacügüchiga 1:35

¡Rü ñu̱xũchi penaxümücü nax ngẽmaãcü nua chauxü̃tawa naxũxü̃ca̱x rü chorü toruxü̃wa yanatoxü̃ca̱x! Erü chomatama chanaxwa̱xe nax chauchicüxü Iraéanemaxã rü Yudáanemaxã inacuáxü̃! —ñanagürü ga Dabí.

Wenaxarü naxümatü ga Tupanaarü mugü 17:18

Rü ngẽxguma ngẽma ãẽ̱xgacü i nüxü̃ pexunetaxü̃ yaxücugu nax ãẽ̱xgacü yixĩxü̃, rü tá nanamu nax poperagu nüxü̃́ naxümatügüãxü̃ca̱x i ngẽma mugü i chacherdótegü i Lebítanüxü̃ namaxã icua̱xgüxü̃.

Nüxíraxü̃xü̃ ga popera ga ãẽ̱xgacügüchiga 1:14

Rü ngẽxguma cuma ãẽ̱xgacümaxã íquidexayane rü choma rü tá chixücu, rü naétüwa tá chidexa i ngẽma curü ore i nüxü̃ quixuxü̃ —ñanagürü ga Natáü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:5

Rü ñu̱xma rü namu i chaunegü ya Tupana choxna mugüxü̃, rü ngẽma chaunegütanüwa rü Tupana nüxü̃ naxuneta ya chaune ya Charomóü̃ nax nüma chauchicüxü ãẽ̱xgacü yixĩxü̃ca̱x i Iraéanewa.