Nüxíraxü̃xü̃ ga popera ga ãẽ̱xgacügüchiga 1:12 - Tupanaarü Ore

¹² Rü dücax, rü tá cumaxã nüxü̃ chixu i wüxi i ucu̱xẽ nax ngẽmaãcü tama peyuexü̃ca̱x i cumax, rü cune ya Charomóü̃.

Nüxíraxü̃xü̃ ga popera ga ãẽ̱xgacügüchiga 1:12 Referans Kwoze

Ngechuchuarü ngúexü̃gü ga yamugüxü̃arü puracüchiga 27:31

Natürü ga Pauru rü churaragüarü capitáü̃maxã rü norü churaragümaxã nüxü̃ nixu rü ñanagürü: —Ngẽxguma ñaa marinérugü rü taxũtáma nuxã wapurugu nachoxgu, rü guxãma i pema rü tá peyue —ñanagürü.

Ore i mexü̃ ga Matéu ümatüxü̃ 21:38

Natürü yexguma yema cori nanexü̃ nadaugügu ga yema puracütanüxü̃, rü nügümaxã ñanagürügü: “Ngẽmaarü tá nixĩ i ñaa naane i yixcama. ¡Rü ngĩxã tayama̱xgü nax tóxrü yixĩxü̃ca̱x!” ñanagürügü.

Yeremía 38:15

Rü nüma ga Yeremía rü nanangãxü̃ rü ñanagürü: —Pa Ãẽ̱xgacüx, ngẽxguma chi aixcüma ixĩxü̃ i oremaxã cuxü̃ changãxü̃gu, rü cuma rü chi cunamu nax choxü̃ yama̱xgüxü̃ca̱x. Rü ngẽxguma chi wüxi i ucu̱xẽ cuxna chaxãxgu rü taxũchima chauga cuxĩnü —ñanagürü.

Ucu̱xẽgüchiga 27:9

Ngẽma pumara i yixichixü̃ rü tüxü̃ nataãẽxẽxẽ. Rü ngẽxgumarüxü̃ nixĩ i ngẽma ucu̱xẽ i tamücü tüxna ãxü̃ rü taãxẽ tüxna naxã.

Ucu̱xẽgüchiga 20:18

Ngẽxguma ta̱xacü cuxüxchaü̃gu, rü name i toguxena ucu̱xẽca̱x cuca, nax mea ínanguxuchixü̃ca̱x i ngẽma nagu curüxĩnüxü̃. Rü ngẽxguma daiwa cuxũxchaü̃gu, rü name i mea cunangugü nax ñuxãcü tá naxca̱x ícuyaxüãchixü̃ i ngẽma curü uanü.

Ucu̱xẽgüchiga 15:22

Ngẽxguma taxúenama cuca̱xgu naxca̱x i ngẽma cuxüxchaü̃xü̃, rü tá chixri cuxü̃́ ínanguxuchi. Natürü ngẽxguma muxearü ucu̱xẽgüca̱x ícuca̱xgu, rü tá mea cuxü̃́ ínanguxuchi i ngẽma cuxüxchaü̃xü̃.

Ucu̱xẽgüchiga 11:14

Ngẽxguma wüxi i nachixü̃anewa nataxuxgu i norü ãẽ̱xgacü i mea namaxã icuáxü̃, rü nagu nayarüchixe i ngẽma nachixü̃ane. Natürü ngẽxguma ngẽma ãẽ̱xgacü nüxü̃́ nangẽxmagu i muxü̃ma i norü ucu̱xẽruü̃gü i mexü̃, rü ngẽma nachixü̃ane rü meama nixũ.

Norü taxre ga to ga popera ga ãẽ̱xgacügüchiga ümatüxü̃ 22:10

Rü yexguma ngĩma ga Ataría ga Ocochía naé nüxü̃ cua̱xgu ga ngĩne rü marü nax nayuxü̃, rü duü̃xü̃güxü̃ imu nax nadaiaxü̃ca̱x ga guxü̃ma ga Ocochía nanegü.

Norü taxre ga to ga popera ga ãẽ̱xgacügüchiga ümatüxü̃ 21:4

Natürü nüma ga Yoráü̃ rü yexguma marü meama naxme̱xwa nayexmagu nax ãẽ̱xgacü yixĩxü̃, rü tüxü̃ nadai ga guxãma ga naenexẽgü. Rü yexgumarüxü̃ ta nanadai ga ñuxre ga Iraéanearü ãẽ̱xgacügü.

Norü taxre ga popera ga ãẽ̱xgacügüchiga 11:1

Rü yexguma ngĩma ga Ataría ga Ocochía naé nüxü̃ cua̱xgu ga ngĩne rü marü nax nayuxü̃, rü duü̃xü̃güxü̃ imu nax nadaiaxü̃ca̱x ga guxü̃ma ga Ocochíaxacügü.

Nüxíraxü̃xü̃ ga popera ga ãẽ̱xgacügüchiga 1:21

Erü ngẽxguma taxúxexü̃tama cuxunetagu naxü̃pa nax cuyuxü̃, Pa Ãẽ̱xgacüx, rü chaune i Charomóü̃ rü ñu̱xũchi i choma rü Adonía rü tá toxü̃ nadai —ngĩgürügü ga Bechabé.

Ãẽ̱xgacügü ga guxchaxü̃güarü mexẽxẽruü̃gü 9:5

Rü Ofáwa naxĩ rü nanatü ga Yedeóü̃ íxãpataxü̃wa nangugü. Rü nüma ga Abimeréx rü wüxitama ga nutapütaétügu yema 70 ga naenexẽgüxü̃ nadai. Rü Yotáü̃xicatama niña rü nicu̱x. Rü nüma nixĩ ga Yedexóü̃ nane ga rübumaecü.

Naanearü ügüchiga 19:17

Rü yexguma marü guma ĩanearü yáxü̃wa nayexmagügu, rü wüxi ga yema daxũcüã̱x i orearü ngeruxü̃ rü ñanagürü: —¡Iña nax tama peyuexü̃ca̱x! ¡Rü taxũtáma cugü íquidau rü taxuca̱xtama icuyachiãchi i nua! ¡Rü yea ma̱xpǘneanewa naña ega tama cuyuxchaü̃gu! —ñanagürü.

Nüxíraxü̃xü̃ ga popera ga ãẽ̱xgacügüchiga 1:13

¡Rü ãẽ̱xgacü ya Dabíxü̃tawa naxũ! rü ñacurügü tá nüxü̃: “Pa Chorü Corix ¿tama ẽ̱xna i chomaxã icuxunetaxü̃ rü chaune ya Charomóü̃ tá yixĩxü̃ ya yimá ãẽ̱xgacü ixĩcü i cuchicüxü? ¿Rü ñuxãcü i Adonía rü ãẽ̱xgacüxü̃ nügü yaxĩxẽxẽxü̃?” ñacurügü tá nüxü̃.