Nüxíraxü̃xü̃ ga popera ga Cuáü̃ ümatüxü̃ 5:20 - Tupanaarü Ore

²⁰ Rü nüxü̃ tacua̱x ta nax ñoma ga naanewa nanguxü̃ ga Tupana Nane. Rü nüma nixĩ i tüxna naxããxü̃ ga cua̱x nax nüxü̃ icua̱xgüxü̃ca̱x ya yimá aixcüma Tupana ixĩcü. Rü yixema rü norü duü̃xü̃gü tixĩgü ya yimá aixcüma Tupana ixĩcü, erü Nane ya Ngechuchu ya Cristuarü duü̃xü̃gü tixĩgü. Rü nüma ya Tupana Nane nixĩ i aixcüma Tupana ixĩcü, rü nüma nixĩ i tüxna naxããxü̃ i maxü̃ i taguma gúxü̃.

Nüxíraxü̃xü̃ ga popera ga Cuáü̃ ümatüxü̃ 5:20 Referans Kwoze

Ore i mexü̃ ga Cuáü̃ ümatüxü̃ 17:3

Rü ngẽma duü̃xü̃gü tá nüxü̃́ nangẽxma i maxü̃ i taguma gúxü̃ ega cuxü̃́ yaxõgüãgu nax cuxicatama Tupana nax quixĩxü̃, rü choxü̃́ yaxõgüãgu nax choma rü Cristu ga núma choxü̃ cumucü nax chixĩxü̃.

Ore i mexü̃ ga Luca ümatüxü̃ 24:45

Rü yemaacü namaxã nanango̱xẽxẽ ga Tupanaarü ore ga ümatüxü̃.

Ore i mexü̃ ga Cuáü̃ ümatüxü̃ 14:9

Rü Ngechuchu nanangãxü̃, rü ñanagürü: —Pa Ferípex, ¿ñuxre ya taunecü marü petanüwa changexma rü ñu̱xma rü ta tama choxü̃ cucuáxü̃? Yíxema choxü̃ dauxe rü Chaunatüxü̃ rü ta tadau. ¿Rü tü̱xcüü̃ i ngẽxguma rü ta cunaxwa̱xexü̃ i pexü̃ nüxü̃ nax chadauxẽẽxü̃ ya Chaunatü?

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:16

Rü nüxü̃ tacua̱x nax aixcüma yixĩxü̃ i ngẽma ore ga noxri ẽxü̃guxü̃ i ñu̱xma Tupana tüxü̃ nüxü̃ cua̱xẽẽxü̃ i Cristuchiga. Rü nüma ga Cristu rü duü̃xü̃xü̃ nügü nixĩxẽxẽ rü yemaacü nügü nango̱xẽxẽ ga yexguma ñoma ga naanewa nayexmagu. Rü Naãxẽ ya Üünexü̃ tüxü̃ nüxü̃ nacua̱xẽxẽ nax Cristu rü aixcüma Tupana yixĩxü̃. Rü Tupanaarü orearü ngeruü̃gü i daxũcüã̱x nüxü̃ nadaugü. Rü ngẽma tama Yudíugü ixĩgüxü̃maxã nüxü̃ nixuchigagü. Rü guxü̃wama i ñoma i naanewa rü nüxü̃́ nayaxõgü. Rü Nanatü rü wenaxarü daxũguxü̃ i naanewa nanaga.

Ichaía 44:6

Rü choma ya Cori ya Tupana rü perü ãẽ̱xgacü chixĩ rü perü ngü̃xẽẽruxü̃ chixĩ, Pa Iraétanüxü̃x. Rü choma ya guxü̃étüwa ngẽxmaxe rü ñachagürü: “Choma rü woetama changexmaecha rü taguma icharüxo. Rü nataxuma i to ya Tupana.

Nüxíraxü̃xü̃ ga popera ga Cuáü̃ ümatüxü̃ 5:1

Guxü̃ma ya yíxema yaxṍxe nax Cristu yixĩxü̃ ya Ngechuchu, rü Tupana nane tixĩ. Rü guxãma ya yíxema Tanatü ya Tupanaxü̃ ngechaü̃güxe, rü nüxü̃ tangechaü̃ ta i naxacügü.

Ore i mexü̃ ga Cuáü̃ ümatüxü̃ 20:28

Rü yexguma ga Tumáchi rü Ngechuchuxü̃ nangãxü̃, rü ñanagürü: —Pa Chorü Corix, cuma nixĩ i chorü Tupana quixĩxü̃ —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:7

Rü yema chomaxã idexaxü̃ rü ñanagürü ta: “Chanaxwa̱xe i Filadélfiawa ngẽxmagüxü̃ i yaxõgüxü̃arü ãẽ̱xgacüca̱x cunaxümatü rü ñacurügü tá: ‘Ñaa nixĩ i norü ore ya yimá Üünecü ya aixcüma Cristu ixĩcü. Rü nüma rü ãẽ̱xgacü ya Dabírüxü̃ poracü nixĩ. Rü nüxü̃́ nangẽxma i pora nax yawãxnaãxü̃ca̱x rü nawãxtaãxü̃ca̱x. Rü ngẽxguma texéca̱x yawãxnaãgu, rü taxucürüwama texé tümacha̱xwa tanawãxta. Rü ngẽxguma texécha̱xwa nawãxtaãgu, rü taxucürüwa texé tümaca̱x tayawãxna’.

Nüxíraxü̃xü̃ ga popera ga Cuáü̃ ümatüxü̃ 4:16

Rü ngẽmaãcü nüxü̃ tacua̱x rü tayaxõgü nax Tupana rü poraãcü tüxü̃ nangechaü̃xü̃. Rü nüma nixĩ i guxãxü̃ nangechaü̃xü̃. Rü yíxema tümaenexẽxü̃ ngechaü̃xe, rü Tupanaarü duü̃xü̃ tixĩ, rü nüma ya Tupana rü tümawa namaxü̃.

Romanos 9:5

Rü yema Moiché namaxã ixũxü̃ ga Iraétanüxü̃ rü yemataagü nixĩgü i ngẽma Yudíugü i ñu̱xma maxẽxü̃. Rü ngẽma Yudíugütanügu nixĩ ga nabuxü̃ ga Cristu ya Tupanaxü̃chi ixĩcü ya Guxü̃étüwa Ngẽxmacü. Rü tanaxwa̱xe i guxü̃guma nüxü̃ ticua̱xüü̃gü. Rü ngẽmaãcü yixĩ.

Ore i mexü̃ ga Cuáü̃ ümatüxü̃ 10:30

Chaunatü rü choma rü wüxitama tixĩgü —ñanagürü.

Ichaía 9:6

Erü tatanügu nabu i wüxi i õxchana. Rü nüma ya Tupana rü tüxna nanamu ya yimá nane. Rü yimána nixĩ i naxããxü̃ i pora nax tamaxã inacuáxü̃ca̱x. Rü ñaagü tá nixĩ i naégagü i namaxã naxugüãxü̃: “Mexẽchicü ya Ucu̱xẽruxü̃”, rü “Tupana ya Poraxüchicü”, rü “Tanatü ya Taguma Yucü, rü Tupana Nane ya Ngüxmüxẽẽruxü̃ ixĩcü”. Rü ngẽma tá nixĩ i naégagü.

Nüxíraxü̃xü̃ ga popera ga Cuáü̃ ümatüxü̃ 4:2

Rü name nixĩ i penangugü i norü ore nax nüxü̃ pecuáxü̃ nax texé tixĩxü̃ ya yíxema aixcüma Tupanaãxẽ tümawa ngẽxmaxe. Rü guxü̃ma i orearü uruü̃gü i nüxü̃ ixugüxü̃ nax duü̃xü̃rüxü̃ ñoma ga naanewa nanguxü̃ ya Ngechuchu ya Cristu, rü ngẽma nixĩ i aixcüma Tupanaãxẽ nawa idexaxü̃.

Nüxíraxü̃xü̃ ga popera ga Cuáü̃ ümatüxü̃ 2:6

Rü yíxema ñagüxe: “Tupanaarü duü̃xü̃ chixĩ”, ñagüxe, rü name nixĩ nax mea tamaxü̃xü̃ yema Ngechuchu ya Cristu mea maxü̃xü̃rüxü̃.

Popera ga Yudíugü ga yaxõgüxü̃ca̱x ümatüxü̃ 1:8

Natürü yexguma Nanechiga yadexaxgu ga Tupana rü ñanagürü: “Cuma nax chauxrüxü̃ Tupana quixĩxü̃ rü guxü̃gutáma ãẽ̱xgacü quixĩ, rü aixcüma meama guxü̃maxã icucua̱x.

Popera ga Títoca̱x naxümatüxü̃ ga Pauru 2:13

Rü name nax ngẽmaãcü mea imaẽxü̃ ñu̱xma nax ínangu̱xẽẽgüxü̃ nax nataeguxü̃ ya Ngechuchu ya Cristu ya tórü Maxẽxẽxẽruxü̃ ya tórü Tupana ya tacü ixĩcü.

Ngechuchuarü ngúexü̃gü ga yamugüxü̃arü puracüchiga 20:28

Rü ngẽmaca̱x i ñu̱xma rü penaxwa̱xe nax pexuãẽgüxü̃ rü mea nüxna pedaugüxü̃ i guxü̃ma i yaxõgüxü̃ i petanüwa ngẽxmagüxü̃. Erü ngẽma nixĩ i Tupanaãxẽ ya Üünecü nagu pexü̃ mugüxü̃ nax nüxna pedaugüxü̃ca̱x i ngẽma Tupanaarü duü̃xü̃gü i yaxõgüxü̃ ya Ngechuchu nagümaxãtama naxca̱x taxexü̃.

Ore i mexü̃ ga Cuáü̃ ümatüxü̃ 17:14

Choma rü marü namaxã nüxü̃ chixu i curü ore. Natürü ñoma i naanecüã̱x i duü̃xü̃gü rü naxchi naxaie, erü tama naxrüxü̃ nixĩgü, ngẽxgumarüxü̃ i choma rü tama ñoma i naanecüã̱xrüxü̃ chixĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:11

Rü ñu̱xũchi nüxü̃ chadau ga daxũguxü̃ ga naane nax yawãxnaxü̃. Rü yéma nango̱x ga wüxi ga cowaru ga cómüxü̃. Rü gumá naétüwa rütocü rü naéga nixĩ i Aixcüma Yanguxẽẽcü rü Ixaixcümacü. Rü nüma rü tama inatü i ngẽxguma poxcu naxueguxgu rü ngẽxguma norü uanügümaxã nügü nadaixgu.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:3

Rü nagu tawiyaegü ga Moiché ga Tupanaarü duü̃arü wiyae. Rü yexgumarüxü̃ ta nagu tawiyaegü ga gumá Carnéruxacüarü wiyae ga ñaxü̃: “Pa Torü Cori ya Tupana ya Guxü̃étüwa Ngẽxmacüx, nataxüchi rü namexẽchi i guxü̃ma i ngẽma cuxüxü̃. Rü curü ĩnü rü aixcüma nawe̱xgu rü taguma quidora, Pa Guxü̃ i Nachixü̃anegümaxã Icuácü.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:10

Rü yema naãxẽgü rü tagaãcü ñanagürügü: “Pa Torü Cori ya Guxü̃étüwa Ngẽxmacü rü Üünecü rü Ixaixcümacüx, ¿ñuxgura tá ta i nüxna cucaxü̃ rü cunapoxcuexü̃ i ngẽma ñoma i naanecüã̱x ga toxü̃ daixü̃?” ñanagürügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:14

Rü yema chomaxã idexaxü̃ rü ñanagürü ta: “Chanaxwa̱xe i Laodichéawa ngẽxmagüxü̃ i yaxõgüxü̃arü ãẽ̱xgacüca̱x cunaxümatü rü ñacurügü tá: ‘Ñaa nixĩ i norü ore ya yimá aixcüma ixĩcü. Rü nüma nixĩ i nüxü̃ yaxuxü̃ i ore i aixcüma ixĩxü̃ rü inaxügüxü̃ ga guxü̃ma ga yema Tupana üxü̃’.

Nüxíraxü̃xü̃ ga popera ga Cuáü̃ ümatüxü̃ 4:14

Rü tomatama nüxü̃ tadaugü rü nüxü̃ tixuchigagü nax Tanatü ya Tupana núma namuxü̃ ga Nane nax guxü̃ma i duü̃xü̃güxü̃ namaxẽxẽẽxü̃ca̱x.

Filipenses 3:9

Rü yema nax Cristuarü duü̃xü̃ chixĩxü̃ca̱x nixĩ i nüxü̃ charüxoxü̃ ga yema Yudíugücümagü ga noxri nagu chixũxü̃. Rü tama ngẽma nax chamecümaxü̃ca̱x rü ẽ̱xna mugü chaxaurexü̃ca̱x nixĩ nax chamexü̃ i nape̱xewa. Rü ñu̱xma rü Tupanape̱xewa chame erü Cristuaxü̃́ chayaxõ. Rü ngẽma nax Cristuaxü̃́ chayaxõxü̃ca̱x nixĩ i nügüca̱x choxü̃ namexẽẽxü̃ ya Tupana.

2 Corintios 4:6

Erü nümatama ya Tupana ga noxri naane naxü̱xgux rü ẽanexü̃wa nanango̱xẽxẽ ga ngóonexü̃. Rü nümatama nixĩ i ñu̱xma i tüxü̃ yango̱xnaãẽxẽẽgüxü̃ nax ngẽmawa nüxü̃ icuáxü̃ca̱x nax nüma rü naxüünexü̃. Rü ngẽma norü üüne rü Ngechuchu ya Cristuchiwewa nixĩ i nangóxü̃.

Ore i mexü̃ ga Cuáü̃ ümatüxü̃ 15:4

Rü name nixĩ i guxü̃guma chowa peyaxũ̱xgü, ngẽma nax choma rü pewa chayaxṹxü̃rüxü̃. Erü wüxi i úbachacüxü rü tama nüxica naxo, ega tama nanewa yaxũxgux. Rü ngẽxgumarüxü̃ ta i pema rü taxuacüma ta̱xacü cha̱u̱xca̱x pexü, ega tama chowa peyaxũ̱xgüechagu.

Ore i mexü̃ ga Cuáü̃ ümatüxü̃ 14:23

Rü Ngechuchu nanangãxü̃, rü ñanagürü: —Yíxema choxü̃ ngechaü̃xe rü naga taxĩnü i ngẽma ore i tümamaxã nüxü̃ chixuxü̃. Rü Chaunatü tá tüxü̃ nangechaü̃. Rü choma rü Chaunatümaxã wüxigu tümaxü̃tawa tá tangexmagü.

Ore i mexü̃ ga Cuáü̃ ümatüxü̃ 14:20

Rü ngẽxguma yuwa ícharüdaxgu rü wena chamaxü̱̃xgu, rü ngẽxguma tá nüxü̃ picua̱xãchitanü nax choma rü Chaunatüwa changexmaxü̃ rü pema i chowa pengẽxmagüxü̃ rü choma i pewa changexmaxü̃.

Ore i mexü̃ ga Cuáü̃ ümatüxü̃ 14:6

Rü Ngechuchu nanangãxü̃, rü ñanagürü: —Choma nixĩ i nama i Chaunatüxü̃tawa nadaxü̃. Rü ngẽma nüxü̃ chixuxü̃ rü aixcüma nixĩ. Rü choma nixĩ i duü̃xü̃güxü̃ chamaxẽxẽẽxü̃. Rü chaugaguxicatama nixĩ i Chaunatüxü̃tawa nangugüxü̃ i duü̃xü̃gü.

Ore i mexü̃ ga Cuáü̃ ümatüxü̃ 1:18

Taguma texé ñuxgu nüxü̃ tadau ga Tupana. Natürü Nane ya nügümaxã wüxicacü nixĩ ya tüxü̃ nüxü̃ cua̱xẽẽcü. Rü yimá Nane rü Tupanaxü̃chi nixĩ, rü Nanatümaxã wüxiwa nangẽxmagü.

Ore i mexü̃ ga Luca ümatüxü̃ 21:15

Erü choma tá pexü̃ charüngü̃xẽxẽxü̃ nax nüxü̃ pecuáxü̃ca̱x nax ta̱xacümaxã penangãxü̃xü̃ i perü uanügü. Rü nümagü rü taxũtáma nüxü̃ nacua̱xgü nax ta̱xacümaxã pexü̃ nangãxü̃güxü̃ i ngẽxguma.

Ore i mexü̃ ga Matéu ümatüxü̃ 13:11

Rü Ngechuchu nanangãxü̃, rü ñanagürü nüxü̃: —Tupana rü pexü̃xicatama nüxü̃ nacua̱xẽxẽ i ngẽma ẽxü̃guxü̃ nax ñuxãcü ãẽ̱xgacü yixĩxü̃ i daxũguxü̃ i naanewa. Natürü ngẽma togü i duü̃xü̃gü rü tama nüxü̃ nüxü̃ nacua̱xẽxẽ i ngẽmachiga.

Yeremía 10:10

Natürü, Pa Corix, cuma nixĩ ya aixcüma Tupana ixĩcü. Rü cuma nixĩ ya Tupana ya Maxü̃cü ya guxü̃guma ãẽ̱xgacü quixĩxü̃. Rü ngẽxguma cunuxgu rü nidu̱xru i ñoma i naane. Rü ngẽma nachixü̃anecüã̱xgü rü tama namaxã naporae ega cunuxgu —ñanagürü.

Nüxíraxü̃xü̃ ga popera ga Cuáü̃ ümatüxü̃ 2:24

Rü ngẽmaca̱x name nixĩ i peyaxõgüama i ngẽma ore ga noxri nüxü̃ pexĩnüexü̃. Rü ngẽxguma peyaxõgüamagu i ngẽma ore ga noxri nüxü̃ pexĩnüexü̃, rü aixcüma Tanatü ya Tupanaarü rü Nane ya Ngechuchuarü duü̃xü̃gü pixĩgü.

2 Corintios 5:17

Rü ngẽxguma texé Cristuaxü̃́ yaxõ̱xgu, rü ngexwaca̱xü̃xü̃ i duü̃xü̃ tixĩ. Rü nũxcümaü̃xü̃ ga tümacüma rü marü tüxna inayarüxo, rü ngexwaca̱xü̃xü̃ i maxü̃ tüxü̃́ nangẽxma.

1 Corintios 1:30

Rü nümatama ga Tupana nixĩ ga Ngechuchu ya Cristuarü duü̃xü̃güxü̃ pexü̃ yaxĩgüxẽẽxü̃. Rü tatanüwa nanamu ga Cristu nax nüma rü Tupanaarü cua̱x taxca̱x yixĩxü̃ca̱x. Rü Cristugagu nixĩ nax Tupana tüxü̃ dexü̃ rü tüxü̃ yamexẽẽxü̃ nax nape̱xewa ixüünegüxü̃ca̱x rü pecaduwa ínguxü̃xü̃ca̱x.

Ore i mexü̃ ga Cuáü̃ ümatüxü̃ 17:25

Pa Chaunatü ya Aixcümacüx, ñoma i naanecüã̱x i duü̃xü̃gü rü tama cuxü̃ nacua̱xgü. Natürü choma rü cuxü̃ chacua̱x. Rü ngẽma choxna cumugüxü̃ rü ta marü nüxü̃ nacua̱xgü nax cuma núma choxü̃ cumuxü̃.

Yeremía 23:6

Rü ngẽxguma nüma ãẽ̱xgacü yixĩxgu rü Yudáane rü taxũtáma to i nachixü̃ane namaxã inacua̱x rü ngẽma Iraéanearü duü̃xü̃gü rü taxuca̱xtama namuü̃e. Rü ngẽma tá namaxã naxugüãxü̃ ya yimá ãẽ̱xgacü rü “Cori ya Tamaxã Poracü”, tá nixĩ i naéga —ñanagürü ga Tupana.

Ore i mexü̃ ga Cuáü̃ ümatüxü̃ 8:42

Rü Ngechuchu nanangãxü̃, rü ñanagürü nüxü̃: —Ngẽxguma chi aixcüma Tupana yixĩxgu ya penatü rü choxü̃ chi pengechaü̃, erü choma rü Tupanaxü̃tawa nixĩ i ne chaxũxü̃, rü ngẽmaca̱x chanuxma. Rü tama chauechamatama núma chaxũ, natürü núma chaxũ yerü Chaunatü ya Tupana núma choxü̃ namu.

Nüxíraxü̃xü̃ ga popera ga Cuáü̃ ümatüxü̃ 2:23

Guxãma ya yíxema tama nüxü̃ cuáxchaü̃xe ya Tupana Nane ya Ngechuchu, rü ngẽxgumarüxü̃ ta tama nüxü̃ tacuáxchaü̃ ya Tanatü ya Tupana. Natürü yíxema Ngechuchuaxü̃́ yaxṍxe, rü Tanatü ya Tupanaaxü̃́ rü ta tayaxõ.

Nüxíraxü̃xü̃ ga popera ga Cuáü̃ ümatüxü̃ 5:5

Rü yíxema yaxṍxe nax Tupana Nane yixĩxü̃ ya Ngechuchu, rü yíxema tixĩ ya nüxü̃ rüporamaexẽ i ñoma i naanearü ngúchaü̃ i chixexü̃gü.

Nüxíraxü̃xü̃ ga popera ga Cuáü̃ ümatüxü̃ 5:15

Rü ngẽxguma nüxü̃ icua̱xgu nax nüma tüxü̃́ nüxü̃ naxĩnüxü̃ i tórü yumüxẽ i ngẽxguma ta̱xacüca̱x nüxna ícaxgu, rü ngẽxgumarüxü̃ ta nüxü̃ tacua̱x nax nüma rü tá tüxna naxããxü̃ i ngẽma naxca̱x nüxna ica̱xaxü̃.

Nüxíraxü̃xü̃ ga popera ga Cuáü̃ ümatüxü̃ 5:18

Rü nüxü̃ tacua̱x, rü yíxema Tupanaxacü ixĩxẽ, rü tama pecadu taxüecha, erü nüma ya Tupana Nane rü tüxna nadau. Rü Chataná rü taxuacüma tümamaxã inacua̱x.