Nüxíraxü̃xü̃ ga popera ga Cuáü̃ ümatüxü̃ 5:14 - Tupanaarü Ore

¹⁴ Rü ngẽmaca̱x tama taxãnee nax nüxna ingaicamagüxü̃ ya Tupana. Rü nüxü̃ tacua̱x rü nüma tüxü̃ naxĩnü i ngẽxguma norü ngúchaü̃ yixĩxgu i ngẽma naxca̱x nüxna ica̱xaxü̃.

Nüxíraxü̃xü̃ ga popera ga Cuáü̃ ümatüxü̃ 5:14 Referans Kwoze

Ore i mexü̃ ga Cuáü̃ ümatüxü̃ 14:13

Rü guxü̃ma i ta̱xacü i chauégagu Tupanaxü̃tawa naxca̱x ípecaxü̃ rü tá pexna chanaxã. Rü ngẽmaãcü tá chanaxü nax chaugagu nangóxü̃ca̱x i Chaunatüarü pora.

Yeremía 33:3

“¡Choxna naca rü tá cuxü̃ changãxü̃! Rü tá cuxü̃ nüxü̃ chacua̱xẽxẽ i ta̱xacü i taxü̃ i ẽxü̃guxü̃ i taguma nüxü̃ cucuáxü̃.

Ore i mexü̃ ga Cuáü̃ ümatüxü̃ 15:7

Rü ngẽxguma chowa peyaxũ̱xgüechagu rü taguma nüxü̃ ipeyarüngümaegu i ngẽma ore i pexü̃ changúexẽẽxü̃, rü marü name i naxca̱x ípeca i ta̱xacü i penaxwa̱xexü̃, rü choma rü tá pexna chanaxã.

Ore i mexü̃ ga Matéu ümatüxü̃ 21:22

Rü guxü̃ma i ngẽma naxca̱x ípeca̱xaxü̃ i perü yumüxẽwa, rü tá penayauxgü ega aixcüma peyaxõgüãcüma naxca̱x ípeca̱xgu —ñanagürü.

Wiyaegü 34:17

Rü yíxema ixaixcümagüxe rü Cori ya Tupanaarü ngü̃xẽẽca̱x ítacagü, rü nüma rü nüxü̃ naxĩnü i tümaarü yumüxẽ rü guxü̃ma i tümaarü oegaãẽgüwa tüxü̃ ínanguxü̃xẽxẽ.

Popera ga Chantiágu ümatüxü̃ 4:3

Rü ngẽxguma naxca̱x ípecaxgu, rü tama penayaxu, erü naxca̱x ípeca i ngẽma tama Tupana pexü̃́ naxwa̱xexü̃. Rü ngẽma pematama penaxwa̱xexü̃ nixĩ i naxca̱x ípecaxü̃ nax namaxã pegütama petaãẽxẽẽmarexü̃ca̱x.

Ore i mexü̃ ga Cuáü̃ ümatüxü̃ 9:31

Rü guxãma rü meama nüxü̃ tacua̱x rü Tupana tama nüxü̃ naxĩnü i pecaduã̱xgüxü̃arü yumüxẽ. Natürü Tupana rü tüxü̃́ nüxü̃ naxĩnü i tümaarü yumüxẽ ya yíxema nüxü̃ icua̱xüxü̃güxe rü naxǘxe i Tupanaarü ngúchaü̃.

Efesios 3:12

Rü ñu̱xma nax Cristuarü duü̃xü̃gü ixĩgüxü̃ rü nüxü̃́ nax yaxõgüxü̃, rü tüxü̃́ natauxcha nax Tupanana ingaicamagüxü̃ rü taxuca̱xma nüxü̃ nax imuü̃exü̃.

Ore i mexü̃ ga Cuáü̃ ümatüxü̃ 16:24

Ñu̱xmarüta i pema rü taxuxü̃ca̱xma chauégagu ípecagü. ¡Naxca̱x ípeca rü tá penayaxu i ngẽma naxca̱x ípecaxü̃! Rü ngẽmaãcü tá aixcüma petaãẽgü.

Nüxíraxü̃xü̃ ga popera ga Cuáü̃ ümatüxü̃ 2:28

Rü ñu̱xmax, Pa Chauxacügüx, rü name nixĩ nax meama Cristuaxü̃́ peyaxõgüxü̃ nax tama nüxü̃ imuü̃exü̃ca̱x, rü tama ixãneexü̃ca̱x nape̱xewa i ngẽxguma wena nua naxũxgu.

Ucu̱xẽgüchiga 15:29

Nüma ya Cori ya Tupana, rü nüxna nixũgachi i ngẽma chixexü̃gu maxẽxü̃. Natürü tüxü̃́ nüxü̃ naxĩnü i tümaarü yumüxẽ ya yíxema aixcüma mexü̃gu rüxĩnüexe.

Popera ga Chantiágu ümatüxü̃ 5:16

Rü ngẽmaca̱x name nixĩ i pegümaxã nüxü̃ pixu i perü pecadugü rü pegüca̱x peyumüxẽgü nax pexca̱x yataanegüxü̃ca̱x. Rü yimá mecü ya yatüarü yumüxẽ rü aixcüma napora rü taxü̃ i mexü̃ nawa ínanguxuchi.

Wiyaegü 69:33

Erü nüma ya Cori ya Tupana rü tüxü̃ naxĩnü ya yíxema tüxü̃́ nataxúxe i tümaarü ngẽmaxü̃gü. Rü tama tüxü̃ naxo ya yíxema norü duẽxẽgü ya poxcuexe.

Wiyaegü 31:22

Rü yexguma guxchaxü̃wa chayexmayane rü nagu charüxĩnü nax choxna quixũgachixü̃. Natürü yexguma cuxna chacaxgu nax choxü̃ curüngü̃xẽẽxü̃ca̱x, rü cuma rü choxü̃ cuxĩnü nax aita cuxca̱x chaxüxü̃.

Popera ga Yudíugü ga yaxõgüxü̃ca̱x ümatüxü̃ 10:35

Rü ngẽmaca̱x i ñu̱xmax, rü tama name nax nüxü̃ perüxoexü̃ nax Cristuaxü̃́ peyaxõgüxü̃. Erü Tupana rü perü õgagu tá pexna nanaxã i perü ãmare i maxü̃ i taguma gúxü̃.

Popera ga Yudíugü ga yaxõgüxü̃ca̱x ümatüxü̃ 3:14

Rü ñu̱xma rü Cristumaxã tüxü̃́ nangẽxma i maxü̃ i taguma gúxü̃ ega yaxõgüechagu rü noxrirüü̃tama naga ixĩnüegu ñu̱xmatata nawa nangu nax nataeguxü̃ i nüma.

Ore i mexü̃ ga Cuáü̃ ümatüxü̃ 11:42

Choma nüxü̃ chacua̱x rü guxü̃guma choxü̃ cuxĩnü. Natürü moxẽ cuxna chaxã i ñu̱xma erü chanaxwa̱xe i ñaa duü̃xü̃gü nax yaxõgüãxü̃ nax cuma núma choxü̃ cumuxü̃ —ñanagürü.

Yox 34:28

Rü chixri tümamaxã inacua̱xgü ya yíxema ngearü diẽruã̱xgüxe. Rü ngẽmaca̱x nüma ya Tupana rü nüxü̃ naxĩnü nax aita taxüexü̃ rü ngü̃xẽẽca̱x ítacagüxü̃ ya yíxema ngearü diẽruã̱xgüxe.

Popera ga Yudíugü ga yaxõgüxü̃ca̱x ümatüxü̃ 3:6

Natürü nüma ya Ngechuchu rü Moichéarü yexera nixĩ erü Tupana Nanexü̃chi nixĩ. Rü nüma nixĩ i nüxna nadauxü̃ i guxü̃ma i ngẽma Tupanaarü duü̃xü̃gü ixĩgüxü̃. Rü yixema rü ta rü Tupanaarü duü̃xü̃gü tixĩgü ega aixcüma Ngechuchuaxü̃́ yaxõgügu rü taguma nüxü̃ rüxoegu. Rü Tupana nanaxwa̱xe nax guxü̃guma Ngechuchumaxã itaãẽgüxü̃ erü nüxü̃ tacua̱x nax wüxi i ngunexü̃ rü tá taxca̱x nataeguxü̃ nax wüxiwa namaxã ingexmagüxü̃ca̱x.

Wiyaegü 145:19

Rü yíxema nüxü̃ ngechaü̃güxe, rü tüxna nanaxã i ngẽma naxca̱x ítaca̱xaxü̃. Rü ngẽxguma norü ngü̃xẽẽca̱x nüxna tacagüegu, rü nüma rü tüxü̃ naxĩnü rü tümaarü guxchaxü̃wa tüxü̃ ínanguxü̃xẽxẽ.

Ucu̱xẽgüchiga 10:24

Ngẽma yatü i chixexü̃gu maxü̃xü̃, rü ngẽma yexera naxca̱x namuü̃xü̃ tá nixĩ i ngẽma naxca̱x ínguxü̃, natürü ngẽma duü̃xü̃ i naãẽxü̃ cuáxü̃, rü tá nüxna nangu i ngẽma nüxü̃́ ngúchaü̃xü̃.