Nüxíraxü̃xü̃ ga popera ga Cuáü̃ ümatüxü̃ 5:10 - Tupanaarü Ore

¹⁰ Rü yíxema nüxü̃́ yaxṍxe ya Tupana Nane rü nüxü̃ tacua̱x nax aixcüma yixĩxü̃ i ngẽma ore ya Tupana nüxü̃ ixuxü̃ i Nanechiga. Natürü yíxema tama Tupanaaxü̃́ yaxṍxe rü dorata̱a̱x nüxü̃ tawogü ya Tupana erü tama tayaxõ i ngẽma ore ya Tupana nüxü̃ ixuxü̃ i Nanechiga.

Nüxíraxü̃xü̃ ga popera ga Cuáü̃ ümatüxü̃ 5:10 Referans Kwoze

Romanos 8:16

Rü ngẽmatama Naãxẽ ya Üünexü̃ nixĩ i aixcüma taãxẽwa tüxü̃ nüxü̃ cua̱xẽẽxü̃ nax Tupanaxacügü ixĩgüxü̃.

Gálatas 4:6

Rü Tupana tüxna nanamu ga Naãxẽ ya Üünexü̃ nax tüxü̃ nüxü̃ nadauxẽẽxü̃ca̱x nax aixcüma naxacügüxüchi ixĩgüxü̃. Rü ngẽmaca̱x i ñu̱xma rü marü name i “Pa Chaunatüx”, ñatarügü nüxü̃ ya Tupana.

Ore i mexü̃ ga Cuáü̃ ümatüxü̃ 3:33

Natürü ngẽxguma texé nüxü̃́ yaxõxgu i norü ore, rü tanango̱xẽxẽ nax aixcüma yixĩxü̃ i ngẽma Tupana nüxü̃ ixuxü̃.

Ore i mexü̃ ga Cuáü̃ ümatüxü̃ 5:38

Rü ngẽma Chaunatüarü ore rü tama peãẽwa nixücu, erü tama nüxü̃́ peyaxõgü ya yimá Chaunatü núma namucü.

Popera ga Yudíugü ga yaxõgüxü̃ca̱x ümatüxü̃ 3:12

Rü ñu̱xma Pa Chauenexẽgüx, rü name nixĩ i pegüna pedaugü nax tama ngürüãchi pechixearü maxü̃ã́xü̃ca̱x, rü ngẽmagagu nax nüxü̃ perüxoexü̃ nax Tupana ya Maxü̃cüaxü̃́ peyaxõgüxü̃.

Iraétanüxü̃arü muxchiga 23:19

Rü Tupana rü tama duü̃xü̃gü nagu rüxĩnüxü̃gu narüxĩnü, rü taguma nidora rü taguma nanaxüchicüxü i norü ĩnü. Rü ngẽxguma ta̱xacüxü̃ yaxuxgu rü aixcümama nanaxü. Rü ngẽxguma ta̱xacüca̱x inaxunetagu rü aixcümama nayanguxẽxẽ.

Nüxíraxü̃xü̃ ga popera ga Cuáü̃ ümatüxü̃ 5:1

Guxü̃ma ya yíxema yaxṍxe nax Cristu yixĩxü̃ ya Ngechuchu, rü Tupana nane tixĩ. Rü guxãma ya yíxema Tanatü ya Tupanaxü̃ ngechaü̃güxe, rü nüxü̃ tangechaü̃ ta i naxacügü.

Nüxíraxü̃xü̃ ga popera ga Cuáü̃ ümatüxü̃ 1:10

Natürü ngẽxguma chi ñagügu: “Tangearü pecaduã̱xgü”, ñagügu, rü dorata̱a̱x nüxü̃ tawogü ya Tupana rü tama aixcüma tawa nangẽxma i norü ore.

Wiyaegü 25:14

Rü nüma ya Cori ya Tupana rü tümamücü nixĩ ya yíxema nüxü̃ ngechaü̃güxe. Rü tümaca̱x nanango̱xẽxẽ i norü uneta.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:17

Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü. Rü yíxema nüxü̃ rüporamaexẽ i ngẽma chixexü̃ rü tá tüxna chanaxã i paũ i daxũcüã̱x. Rü tá tüxna chanaxã ya wüxi ya nutaxacü ya chócü i wüxi i naéga i ngexwaca̱xü̃xü̃ nagu ümatüxü̃. Rü yíxema nayaxúxexicatama tixĩ ya nüxü̃ cuáxe i ngẽma naéga’ ”, ñanagürü i Naãxẽ ya Üünexü̃.

Colosenses 3:3

Yerü yema nũxcümaü̃xü̃ ga perü maxü̃ rü marü nayu. Rü ñu̱xma rü Cristugagu Tupana pexna nanaxã i maxü̃ i ngexwaca̱xü̃xü̃.

Ucu̱xẽgüchiga 3:32

Erü nüma ya Cori ya Tupana rü nüxü̃ naxo i ngẽma chixexü̃gu maxẽxü̃, natürü tümamaxã naxãmücü ya yíxema mexü̃gu maxẽxe.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:17

Rü ñu̱xũchi ga yema coya ga Chataná, rü poraãcüxüchima ngĩmaxã nanu ga yema nge. Rü ínixũ nax nügü namaxã yadaixü̃ca̱x ga yema togü ga ngĩxacügü ga yema nge. Rü ngẽma ngĩxacügü i ngẽma coyamaxã nügü daixü̃, rü ngẽma nixĩ i ngẽma duü̃xü̃gü i mea Tupanaarü orega ĩnüexü̃ rü mea yaxõgüechaxü̃ ya Ngechuchu ya Cristuarü ore.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:28

Rü tá tüxna chanaxã ya yimá woramacuri ya pa̱xmama nüxü̃ idaucü”.

Norü taxre ga popera ga Pedru ümatüxü̃ 1:19

Rü yemaacü nüxü̃ tadau nax aixcüma yixĩxü̃ ga yema ore ga nũxcümaü̃güxü̃ ga Tupanaarü orearü uruü̃gü nüxü̃ ixugügüxü̃. Yerü yema nüxü̃ yaxugügüxü̃rüü̃tama nixĩ ga nüxü̃ tadauxü̃. Rü name nixĩ i pema rü ta aixcüma mea nagu perüxĩnüe i ngẽma ore, erü wüxi i omü i ẽanexü̃wa ibáxixü̃rüxü̃ nixĩ. Rü ngẽma ore rü tá pexü̃ nüxü̃ nacua̱xẽxẽ i Tupanachiga ñu̱xmatáta ínangu ya tórü Cori ya Ngechuchu ya Cristu ya yimá woramacuri ya ngunetüxü̃ ngócürüxü̃ ixĩcü. Rü ngẽxguma ínanguxgu i nüma rü tá perü maxü̃gu nabáxi.

Ore i mexü̃ ga Cuáü̃ ümatüxü̃ 3:16

Rü Tupana rü poraãcü nüxü̃ nangechaü̃ i ñoma i naanecüã̱x i duü̃xü̃gü. Rü yemaca̱x inanamu ga Nane ga nügümaxã wüxicacü nax guxãma ya texé ya nüxü̃́ yaxõgüxe rü tama itarütauxexü̃ca̱x rü tüxü̃́ nangẽxmaxü̃ca̱x i maxü̃ i taguma gúxü̃.

Ichaía 53:1

¿Texé tá tayaxõ ga yema ore ga nüxü̃ ixuxü̃? ¿Rü texéca̱x nixĩ ga nango̱xẽxẽãxü̃ ga norü pora ya Cori ya Tupana?

Yox 24:25

Rü ngẽxguma tama aixcüma ngẽmaãcü yixĩxgu ¿rü texé tá chomaxã nüxü̃ tixuxü̃ nax doramare yixĩxü̃ i ngẽma nüxü̃ chixuxü̃? ¿Rü texé tá itayanaxoxẽxẽ i ngẽma chorü ore? —ñanagürü ga Chofá.

Yeremía 15:18

¿Rü ta̱xacüca̱x i ngẽma ngúxü̃ i chingexü̃ rü taguma choxü̃ nangupetü? ¿Rü ta̱xacüca̱x i ngẽma chorü o̱xri rü nangearü üxü̃ã́xü̃, rü tama inaxĩnüchaü̃xü̃ i üxü̃güwa? Rü cuma rü cha̱u̱xca̱x rü ñoma wüxi i natü i ngearü dexáã́xü̃rüxü̃ chomaxã quixĩ —ñanagürü ga Yeremía.

Ore i mexü̃ ga Cuáü̃ ümatüxü̃ 3:18

Rü yíxema Tupana Naneaxü̃́ yaxṍxe, rü Tupana rü tama poxcu tümamaxã naxuegu. Natürü yíxema tama nüxü̃́ yaxṍxe, rü marü poxcu tümamaxã naxuegu, erü tama nüxü̃́ tayaxõ ya yimá Tupana Nane ya nügümaxã wüxicacü.

Gálatas 4:1

Rü dücax, ngẽxguma wüxi i buxü̃ yunatügu, rü ngẽma buxü̃ rü tama ngẽxgumatama nanayaxu i nanatüarü ngẽmaxü̃gü. Rü woo guxü̃ma i nanatüarü ngẽmaxü̃arü yora yixĩxgu, natürü ngexü̃rüüxü̃ i nanatüarü mugüruü̃mare nixĩ ñu̱xmata naya̱x.

Ngechuchuarü ngúexü̃gü ga yamugüxü̃arü puracüchiga 8:37

Rü ñanagürü ga Ferípe: —Ngẽxguma aixcüma meama cuyaxõxgu, rü marü name nax cuxü̃ íchabaiexẽxẽxü̃ —ñanagürü. Rü nanangãxü̃ ga yema ãẽ̱xgacü, rü ñanagürü: —Ngẽmáacü chayaxõ nax Ngechuchu ya Cristu yixĩxü̃ ya Tupana Nane —ñanagürü.