Nüxíraxü̃xü̃ ga popera ga Cuáü̃ ümatüxü̃ 4:4 - Tupanaarü Ore

⁴ Pa Chauxacügüx, pema rü Tupanaxacügü pixĩgü. Rü marü nüxü̃ perüyexera i ngẽma dorata̱a̱xgüxü̃. Erü ngẽma Tupanaãxẽ ya Üünecü i peãẽwa ngẽxmaxü̃ rü marü nüxü̃ narüyexera i ngẽma Cristuarü uanü i ñoma i naanewa ngẽxmaxü̃.

Nüxíraxü̃xü̃ ga popera ga Cuáü̃ ümatüxü̃ 4:4 Referans Kwoze

Romanos 8:31

¿Rü ñuxũ ñagüxü̃ tá i ñu̱xma i ngẽmachiga? Rü ngẽxguma Tupana taétüwa üxgu, ¿rü texé tá nüxü̃ tarüyexera nax chixexü̃ tamaxã taxüxü̃ca̱x?

Nüxíraxü̃xü̃ ga popera ga Cuáü̃ ümatüxü̃ 5:4

Erü guxãma ya yíxema aixcüma Tupanaxacü ixĩxẽ, rü tama ñoma i naanearü ngúchaü̃ i chixexü̃gu tarüxĩnü. Rü tórü õgagu nüxü̃ tarüyexera i ngẽma ngúchaü̃gü i ñoma i naanewa ngẽxmagüxü̃.

Romanos 8:37

Natürü woo guxü̃ma i ngẽma tüxü̃ nax ngupetüxü̃, rü Ngechuchu ya Cristu ya tüxü̃ ngechaü̃cü, rü tüxü̃ naporaexẽẽãma nax taxuxü̃ma i guxchaxü̃gü tüxü̃ rüyexeraxü̃ca̱x.

Nüxíraxü̃xü̃ ga popera ga Cuáü̃ ümatüxü̃ 4:16

Rü ngẽmaãcü nüxü̃ tacua̱x rü tayaxõgü nax Tupana rü poraãcü tüxü̃ nangechaü̃xü̃. Rü nüma nixĩ i guxãxü̃ nangechaü̃xü̃. Rü yíxema tümaenexẽxü̃ ngechaü̃xe, rü Tupanaarü duü̃xü̃ tixĩ, rü nüma ya Tupana rü tümawa namaxü̃.

1 Corintios 2:12

Rü yixema rü tama ñoma i naanecüã̱x i naãxẽ nixĩ ga iyauxgüxü̃. Natürü tanayauxgü i ngẽma Naãxẽ ya Üünexü̃ ga Tupana taxca̱x núma muxü̃ nax nüxü̃ icuáxü̃ca̱x i guxü̃ma i ngẽma ngü̃xẽẽgü ga Tupana norü ngechaü̃maxã tüxna ãxü̃.

Nüxíraxü̃xü̃ ga popera ga Cuáü̃ ümatüxü̃ 5:19

Nüxü̃ tacua̱xgü nax Tupanaxacügü ixĩgüxü̃, natürü guxü̃ma i ñoma i naanecüã̱x rü Chatanáme̱xẽwa nangẽxmagü.

Nüxíraxü̃xü̃ ga popera ga Cuáü̃ ümatüxü̃ 4:13

Rü nüma rü marü tüxna nanamu ga Naãxẽ ya Üünexü̃. Rü ngẽmawa nüxü̃ tacua̱x nax aixcüma norü duü̃xü̃gü ixĩgüxü̃ rü nüma rü tawa nax namaxü̃xü̃.

Efesios 6:10

Rü ñu̱xmax, Pa Chauenexẽgüx, rü name nixĩ i pegü peporaexẽxẽ namaxã i ngẽma pora i tórü Coriwa ne ũxü̃.

Efesios 3:17

Rü ngẽxgumarüxü̃ ta nüxna naxca̱x chaca nax perü õgagu pewa namaxü̃xü̃ca̱x ya Cristu. Rü nüxna chaca nax ngẽma Tupanaarü ngechaü̃ i pewa ngẽxmaxü̃ca̱x rü pema rü wüxigu guxü̃ma i yaxõgüxü̃maxã nüxü̃ pecuáxü̃ nax ñuxãcü nataxüchixü̃ i norü ngechaü̃ i namaxã tüxü̃ nangechaü̃xü̃ ya Cristu.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:11

Rü nümagü ga yema taenexẽgü, rü marü Chatanáxü̃ narüyexeragü namaxã ga nagü ga gumá Carnéruxacü rü namaxã ga Tupanaarü ore ga yema taenexẽgü nüxü̃ ixugüxü̃. Nümagü rü tama namuü̃e rü tama nayanuxũgü ga norü maxü̃ woo yema orexü̃ yaxugüxü̃ca̱x nayuegu.

Nüxíraxü̃xü̃ ga popera ga Cuáü̃ ümatüxü̃ 3:24

Rü yíxema naga ĩnüxe i ngẽma Tupana tüxü̃ muxü̃, rü aixcüma Tupanaarü duü̃xü̃ tixĩ rü nüma ya Tupana rü tümawa namaxü̃. Rü nüxü̃ tacua̱x nax Tupanaarü duü̃xü̃gü ixĩgüxü̃ rü tawa nax namaxü̃xü̃, erü tawa namaxü̃ i Naãxẽ ya Üünexü̃ ga Tupana tüxna namuxü̃.

Ore i mexü̃ ga Cuáü̃ ümatüxü̃ 12:31

Rü ñu̱xma tá nixĩ i napoxcuexü̃ i duü̃xü̃gü naxca̱x i norü pecadugü. Rü ñu̱xma tá nixĩ i ínata̱xüchixü̃ i ngẽma ñoma i naanewa poraxü̃ i Chataná.

Ore i mexü̃ ga Cuáü̃ ümatüxü̃ 17:23

Rü chanaxwa̱xe nax ngẽma choxna cumugüxü̃wa changexmaxü̃ rü cuma i chowa nax cungexmaxü̃ nax ngẽmaãcü aixcüma wüxitama ixĩgüxü̃ca̱x i yixema. Rü ngẽmaãcü i ñoma i naanecüã̱x i duü̃xü̃gü rü tá nüxü̃ nicua̱xãchitanü nax cuma núma choxü̃ cumuxü̃. Rü tá nüxü̃ nicua̱xãchitanü nax cuma nüxü̃ cungechaü̃xü̃ i ngẽma choxna cumugüxü̃ ngẽma choxü̃ cungechaü̃xü̃rüxü̃.

Nüxíraxü̃xü̃ ga popera ga Cuáü̃ ümatüxü̃ 4:6

Natürü i yixema rü Tupanaxacügü tixĩgü. Rü yíxema Tupanaxü̃ cuáxe rü tüxü̃́ itarüxĩnü. Natürü yíxema tama Tupanaxü̃ cuáxe rü tama tüxü̃́ itarüxĩnü. Rü ngẽmawa nüxü̃ tacua̱x nax texé tixĩgüxü̃ ya aixcüma Tupanaãxẽarü duü̃xü̃gü ixĩgüxe rü texé tixĩgüxü̃ ya uanüarü duü̃xü̃gü ixĩgüxe.

2 Corintios 6:16

¿Rü ñuxãcü Tupanapatawa nangẽxmaxü̃ i tupananetachicüna̱xãgü? Erü yixema rü Tupana ya Maxü̃cüpata tixĩgü, rü tawa namaxü̃ i nümax. Rü nümatama ya Tupana rü ñanagürü: “Ngẽma duü̃xü̃gütanüwa tá chamaxü̃, rü natanügu tá chayarüxũũxü̃. Rü norü Tupana tá chixĩ, rü nümagü rü tá chorü duü̃xü̃gü nixĩgü”, ñanagürü.

Nüxíraxü̃xü̃ ga popera ga Cuáü̃ ümatüxü̃ 2:13

Pa Papágüx, pexca̱x chanaxümatü i ñaa ore erü marü nüxü̃ pecua̱x ga gumá noxriarü ügügumama yexmacü. Pa Ngextü̱xücügüx, pexca̱x chanaxümatü erü marü nüxü̃ perüyexera i Chataná i chixexü̃arü üruxü̃.

1 Corintios 6:13

Rü ngẽxgumarüxü̃ ta rü ñuxre i duü̃xü̃gü rü ñanagürügü: “Õna rü taxü̃neca̱x nixĩ, rü taxü̃ne rü õnaca̱x nixĩ”, ñanagürügü. Rü aixcüma ngẽmaãcü nixĩ, natürü ya Tupana rü tá inayanaxoxẽxẽ i guxü̃ma i ngẽma. Rü taxü̃ne rü tama nai i ngexü̃maxã namaxã nax ingẽãẽmarexü̃ca̱x nixĩ. Erü taxü̃nemaxã nixĩ i inaxüxü̃ i tórü Coriarü ngúchaü̃. Rü tórü Cori nixĩ ya taxü̃nearü yora.

Efesios 2:2

Yerü ga pemax rü nagu pexĩ ga yema chixexü̃ i ñoma i naanecüã̱x i duü̃xü̃gü nagu ĩxü̃. Rü pema rü naga pexĩnüe ga Chataná i ngo̱xogüarü ãẽ̱xgacü ixĩxü̃. Rü nüma nixĩ i nüxü̃́ nangúchaü̃xẽẽãxü̃ nax chixexü̃ naxügüxü̃ca̱x i ngẽma duü̃xü̃gü i tama Tupanaga ĩnüexü̃.

Ore i mexü̃ ga Cuáü̃ ümatüxü̃ 16:11

Rü Naãxẽ ya Üünexü̃ tá duü̃xü̃güxü̃ nüxü̃ nacua̱xẽxẽ nax texé tixĩxü̃ ya yíxema Tupana marü poxcu tümamaxã naxueguxe. Rü nüma nixĩ i Chataná i ñoma i naanemaxã icuáxü̃.

2 Corintios 4:4

Erü nümagü nax tama yaxõgüãxü̃, rü ñoma i naanearü ãẽ̱xgacü i Chataná nixĩ i nüxü̃́ naguxchaxẽẽxü̃ nax tama nüxü̃ nacua̱xgüxü̃ca̱x i Cristu ya Üünecüarü ore i ñoma omürüxü̃ poraãcü nangóonexẽẽxü̃. Rü Cristuwa nixĩ i nügü nawéxü̃ ya Tupana.

Ore i mexü̃ ga Cuáü̃ ümatüxü̃ 14:30

Marü taxũtáma muxü̃ i orexü̃ pemaxã chixu, erü marü paxa tá ínangu i Chataná i ñoma i naanemaxã icuáxü̃. Natürü nüma rü taxuwama choxü̃ narüyexera.

Nüxíraxü̃xü̃ ga popera ga Cuáü̃ ümatüxü̃ 2:1

Pa Chauxacügüx, pexca̱x chanaxümatü i ñaa ore nax tama pecadu pexügüxü̃ca̱x. Natürü ngẽxguma chi wüxíe pecadu uxgu, rü Tupanape̱xewa tüxü̃́ nangẽxma ya tümaarü chogüruxü̃. Rü yimá nixĩ ya Ngechuchu ya Cristu ya aixcüma mecü ixĩcü.