Nüxíraxü̃xü̃ ga popera ga Cuáü̃ ümatüxü̃ 4:21 - Tupanaarü Ore

²¹ Rü Ngechuchu ya Cristu tamaxã nüxü̃ nixu i ñaa mu, rü ñanagürü: “Yíxema Tupanaxü̃ ngechaü̃xe, rü tanaxwa̱xe nax tümaenexẽxü̃ rü ta tangechaü̃xü̃”, ñanagürü.

Nüxíraxü̃xü̃ ga popera ga Cuáü̃ ümatüxü̃ 4:21 Referans Kwoze

Lebítanüxü̃arü puracüchiga 19:18

Rü tama name nax namaxã cunuxwa̱xexü̃ i cutanüxü̃ rü bai nax naxchi cuxaixü̃. ¡Rü cumücüxü̃ nangechaü̃, ñoma cugütama cungechaü̃xü̃rüxü̃! Rü choma nixĩ ya Cori ya Tupana.

Nüxíraxü̃xü̃ ga popera ga Cuáü̃ ümatüxü̃ 3:11

Rü yema nüxíra marü nüxü̃ pexĩnüexü̃ ga ore rü ñaa nixĩ. Rü name nixĩ nax guxãma yigü ingechaxü̃güxü̃.

1 Tesalonicenses 4:9

Rü ngẽma nax pegü pengechaü̃güxü̃chiga, rü taxuca̱xma pexca̱x chanaxümatü i poperawa. Yerü Tupanatama nixĩ ga marü pexü̃ ngúexẽẽcü nax pegü pengechaü̃güxü̃.

Nüxíraxü̃xü̃ ga popera ga Pedru ümatüxü̃ 3:8

Rü chanaxwa̱xe i guxãma i pemax rü wüxigu perüxĩnüe, rü pegüxü̃́ pengechaü̃tümüxü̃gü rü pegü pengechaü̃gü, ñoma pegüenexẽxü̃chixü̃ pengechaü̃xü̃rüxü̃. Rü chanaxwa̱xe i aixcüma pemecümagü rü pegü íperüxíxragü.

Gálatas 5:14

Erü guxü̃ma i Tupanaarü mugü rü wüxitama i muwa nüxü̃ nixu rü ñanagürü: “¡Nüxü̃ nangechaü̃ i cumücü nax cugütama cungechaü̃xü̃rüxü̃!” ñanagürü.

Ore i mexü̃ ga Cuáü̃ ümatüxü̃ 15:12

Rü choma pexü̃ chamu nax pemücügüxü̃ pengechaü̃güxü̃ca̱x, ngẽma choma nax pexü̃ changechaü̃xü̃rüxü̃.

Nüxíraxü̃xü̃ ga popera ga Cuáü̃ ümatüxü̃ 3:23

Rü nüma tüxü̃ namu nax Nane ya Ngechuchu ya Cristuaxü̃́ yaxõgüxü̃ rü yigü ingechaü̃güxü̃, yema nüma tüxü̃ namuxü̃rüxü̃.

Nüxíraxü̃xü̃ ga popera ga Cuáü̃ ümatüxü̃ 3:14

Yixema rü marü nüxna ítanguxü̃ i ngẽma yu, rü ñu̱xma rü marü maxü̃wa tangexmagü. Nüxü̃ tacua̱x i ngẽma erü nüxü̃ tangechaü̃gü i taenexẽgü. Yíxema tama tümaenexẽxü̃ ngechaü̃xe rü yuxme̱xwa tangexma.

Nüxíraxü̃xü̃ ga popera ga Pedru ümatüxü̃ 4:8

Rü guxü̃arü yexera i ngẽma pexü̃́ chanaxwa̱xexü̃ nixĩ nax aixcüma pegü pengechaü̃güxü̃ i wüxichigü. Erü ngẽxguma aixcüma pegü pengechaü̃gügu rü ngẽmaãcü inayarüxo i muxü̃ma i pecadugü.

Ore i mexü̃ ga Luca ümatüxü̃ 10:37

Rü yexguma ga yema ngúexẽẽruxü̃ ga Moichéarü mugüwa ngu̱xẽẽtaexü̃ rü ñanagürü: —Yema Chamáriaanecüã̱x nixĩ ga yema yatümücü ixĩxü̃, yerü nüxü̃́ nangechaü̃tümüxü̃ —ñanagürü. Rü yexguma ga Ngechuchu rü ñanagürü nüxü̃: —¡Ñu̱xma rü íixũ rü yema Chamáriaanecüã̱x üxü̃rüxü̃ naxü! —ñanagürü nüxü̃.

Nüxíraxü̃xü̃ ga popera ga Cuáü̃ ümatüxü̃ 4:11

Pa Chauenexẽgü ya Pexü̃ Changechaü̃güxe, yexguma yemaacü tüxü̃ nangechaü̃gu ga Tupana, rü ngẽmaca̱x name nixĩ i yixema rü ta yigü tangechaü̃gü.

Gálatas 5:6

Rü ngẽmaca̱x i ñu̱xma nax Ngechuchu ya Cristuarü duü̃xü̃gü ixĩgüxü̃, rü taxuwama name ega woo íiwíecha̱xmüpe̱xechiraü̃gu rüe̱xna tama, erü tama ngẽma nixĩ i Tupanape̱xewa tüxü̃ mexẽẽxü̃. Rü ngẽma Tupana naxwa̱xexü̃ i ñu̱xma nixĩ nax aixcüma yaxõgüxü̃ rü ngẽmaãcü yigü nax ingechaü̃güxü̃.

Nüxíraxü̃xü̃ ga popera ga Cuáü̃ ümatüxü̃ 3:18

Pa Chauxacügüx, tama name i taa̱xmaxã rü tórü oremaxãxicatama nüxü̃ tangechaü̃ i taenexẽ. Natürü tanaxwa̱xe i tórü maxü̃maxã rü tórü ü i mexü̃maxã nüxü̃ tangechaü̃.

Ore i mexü̃ ga Matéu ümatüxü̃ 5:43

Pema rü marü nüxü̃ pexĩnüe ga yema mu ga ñaxü̃: ‘¡Nüxü̃ nangechaü̃ i cumücü, rü naxchi naxai i curü uanü!’ ñaxü̃.

Nüxíraxü̃xü̃ ga popera ga Cuáü̃ ümatüxü̃ 2:7

Pa Chauenexẽgüx, ñaa Tupanaarü mu i pexca̱x chaxümatüxü̃ rü tama wüxi i ngexwaca̱xü̃xü̃ i mu nixĩ. Rü ngẽmatama mu ga noxritama peyaxõgügu peyauxgüxü̃ nixĩ i pexca̱x chaxümatüxü̃. Rü ngẽmatama mu nixĩ i ngẽma ore ga marü nüxü̃ pexĩnüexü̃.