Nüxíraxü̃xü̃ ga popera ga Cuáü̃ ümatüxü̃ 4:18 - Tupanaarü Ore

¹⁸ Rü ngẽxguma aixcüma yigü ingechaü̃gügu, rü taxuca̱xma tü̱xcüü̃ tamuü̃e. Rü ngẽma ngechaü̃ i aixcüma ixĩxü̃ rü inayanaxoxẽxẽ i ngẽma muü̃. Rü yíxema muü̃xe rü nagu tarüxĩnü nax ngürüãchi tá tapoxcuxü̃. Rü ngẽxguma chi texé poxcuca̱x muü̃gu rü tümagagu nixĩ erü tama aixcüma tümaenexẽxü̃ tangechaxü̃.

Nüxíraxü̃xü̃ ga popera ga Cuáü̃ ümatüxü̃ 4:18 Referans Kwoze

Norü taxre ga popera ga Timutéuca̱x naxümatüxü̃ ga Pauru 1:7

Yerü Tupana rü tama tüxna nanamu ga wüxi ga naãxẽ i muü̃ tüxna ãxü̃, natürü tüxna nanamu ga Naãxẽ ya Üünexü̃ nax tüxü̃ naporaexẽẽxü̃ca̱x nax duü̃xü̃güxü̃ íngechaü̃güxü̃ca̱x rü taãẽxü̃ icuáxü̃ca̱x.

Romanos 8:15

Yerü pema rü tama penayauxgü ga wüxi ga naãxẽ i pexü̃ muü̃ẽẽxü̃. Natürü yema Naãxẽ ga peyauxgüxü̃ rü Tupanaxacügü pexü̃ nixĩgüxẽxẽ. Rü ngẽmatama Naãxẽ ya Üünexü̃ nixĩ i tüxü̃ rüngü̃xẽẽxü̃ nax Tupanaxü̃ ñagüxü̃: “Pa Papax”, ñagüxü̃ nüxü̃.

Nüxíraxü̃xü̃ ga popera ga Cuáü̃ ümatüxü̃ 4:12

Taguma texé Tupanaxü̃ tadau. Natürü ngẽxguma aixcüma yigü ingechaü̃gügu, rü Tupana rü tawa namaxü̃ rü norü ngechaü̃ rü tórü maxü̃wa nango̱x.

Popera ga Yudíugü ga yaxõgüxü̃ca̱x ümatüxü̃ 12:28

Rü ñu̱xma nax guxü̃guca̱x tórü ãẽ̱xgacü yixĩxü̃ ya Tupana, rü name nax nüxna moxẽ ixãgüxü̃, rü nüxü̃ ingechaü̃güãcüma rü nüxü̃ imuü̃eãcüma nüxü̃ icua̱xüü̃güxü̃, ngẽma nüma nanaxwa̱xexü̃rüxü̃.

Popera ga Chantiágu ümatüxü̃ 2:19

Cuma cuyaxõ nax nangẽxmaxü̃ ya wüxitama ya Tupana. Marü name. Natürü ngẽma ngo̱xogü rü ta ngẽmaãcü nayaxõgü, rü poraãcü muü̃maxã nidu̱xruxe.

Wiyaegü 119:120

Rü cupe̱xewa i choma rü chorü muü̃maxã chidu̱xrux rü aixcüma nagu chixũxchaü̃ i ngẽma curü mugü. -16-

Wiyaegü 73:19

Rü ngürüãchimare tá narüxo. Rü norü muü̃maxã tá nayue. Rü ngẽxguma ícurüdaxgu, Pa Corix, ñoma wüxíe pewa írüdaxü̃rüxü̃, rü cuma rü tá nüxü̃ cuxo erü tama aixcüma mea cupe̱xewa namaxẽ.

Yox 15:21

Rü nüxü̃ naxĩnü i nagagü i inaba̱i̱xgüxü̃. Rü ngẽxguma nagu naxĩnügu nax taxuxü̃ma i ãũcümaxü̃ nüxü̃́ ngẽxmaxü̃ rü ngĩ́ta̱xagüxü̃ naxca̱x ínayaxüãchi.

Ore i mexü̃ ga Matéu ümatüxü̃ 9:34

Natürü ga Parichéugü rü ñanagürügü: —Ñaa yatü rü ngo̱xogüarü ãẽ̱xgacü i Chatanáarü poramaxã nixĩ i ínawoxü̃ãxü̃ i ngo̱xogü —ñanagürügü.