Nüxíraxü̃xü̃ ga popera ga Cuáü̃ ümatüxü̃ 3:4 - Tupanaarü Ore

⁴ Natürü guxãma ya yíxema pecadu ügüxe, rü chixexü̃ nixĩ i taxüxü̃. Erü ngẽxguma tama Tupanaga taxĩnügu, rü pecadu taxü.

Nüxíraxü̃xü̃ ga popera ga Cuáü̃ ümatüxü̃ 3:4 Referans Kwoze

Nüxíraxü̃xü̃ ga popera ga Cuáü̃ ümatüxü̃ 5:17

Guxü̃ma i chixexü̃ i ixüxü̃, rü pecadu nixĩ. Natürü nangẽxma i pecadu i tama tüxü̃ iyarütauxẽẽxü̃.

Romanos 3:20

Rü ñu̱xma nax taxúema aixcüma naga ĩnüexü̃ i ngẽma mugü, rü ngẽmaca̱x taxucürüwama texé tügü tixu nax ngẽma mugü taxaurexü̃gagu Tupanape̱xewa tamexü̃. Erü ngẽma mugü tüxü̃ nüxü̃ cua̱xẽẽxü̃ nixĩ nax ipecaduã̱xgüxü̃.

Iraétanüxü̃arü muxchiga 15:31

Erü nüxü̃ naxo i chorü ore rü tama nayanguxẽxẽ i chorü mugü. Rü ngẽmaca̱x tá petanüwa ípenata̱xüchi rü ngẽmaãcü guxü̃gutáma nayange i ngẽma chixexü̃ i naxüxü̃” —ñanagürü.

2 Corintios 12:21

Rü chaxoegaãxẽ erü ngẽxguma wena petanüwa chaxũxgu, rü ngürüãchi Tupana tá pegagu choxü̃ naxãnexẽxẽ rü choxü̃ naxauxẽxẽ nagagu nax muxü̃ma i pemax rü marü ñuxgumama pecadu pexügüechaxü̃, rü tama nüxü̃ perüxoechaü̃xü̃ nax Tupanape̱xewa chixexü̃ pexügüxü̃, rü nai i ngexü̃maxã nax pemaxẽxü̃, rü togü i chixexü̃ nax pexügüxü̃.

Romanos 4:15

Nüxü̃ tacua̱x rü ngẽma mugü ga Moiché ümatüxü̃ rü poxcuwa tüxü̃ naga erü taxúema aixcüma mea tayanguxẽxẽ. Natürü yexguma chi nataxuxguma ga yema mugü rü tataxuchima nax texé chixri yanguxẽẽxü̃.

Danié 9:11

Rü guxü̃ma i chautanüxü̃ i Iraétanüxü̃ rü tama naga naxĩnüe i curü mugü. Rü cuxna nixĩgachi rü tama naga naxĩnüe i curü ucu̱xẽgü. Rü yemaca̱x ga yema poxcu ga curü duü̃ ga Moichéwa nüxü̃ quixuxü̃ rü togu nangu.

Norü taxre ga to ga popera ga ãẽ̱xgacügüchiga ümatüxü̃ 24:20

Rü yemaca̱x ga Tupanaãxẽ rü chacherdóte ga Yoiadá nane ga Chacaríana nangu. Rü nüma ga Chacaría rü wüxi ga nachica ga daxũgu ünagüxü̃gu nachinagü, rü guxü̃ma ga duü̃xü̃güxü̃ ñanagürü: —Cori ya Tupana rü ñanagürü pexü̃: “¿Tü̱xcüü̃ tama naga pexĩnüe i chorü mugü? ¿Tü̱xcüü̃ pematama naxca̱x pedau i perü poxcu? Pema rü choxna pixĩgachitanü, rü ngẽmaca̱x i choma rü tá ta pexna chixũgachi” —ñanagürü.

1 Chamué 15:24

Yexguma ga Chaú rü Chamuéxü̃ ñanagürü: —Rü aixcüma pecadu chaxü. Rü tama naga chaxĩnü i ngẽma Cori ya Tupanaarü mu rü curü ucu̱xẽgü, yerü nüxü̃ chamuü̃ ga duü̃xü̃gü rü yemaca̱x naga chaxĩnü rü chanaxü ga yema nüma choxna naxca̱x nacagüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 10:13

Rü yemaacü nixĩ ga nayuxü̃ ga Chaú nagagu ga yema chixexü̃ ga naxüxü̃. Yerü nüma ga Chaú rü tama Tupanaga naxĩnü rü ñu̱xũchi yuüxü̃ ga ẽxü̃guxü̃xü̃ cuáxü̃na nayaca. Rü tama nüxna naca ga Tupana. Rü yemagagu nixĩ ga nüma ga Tupana ga nayuxẽẽãxü̃ ga Chaú rü Ichaxí nane ga Dabíxü̃ naxunetaxü̃ nax nüma Iraéanecüã̱xgüarü ãẽ̱xgacü yixĩxü̃ca̱x.

Popera ga Chantiágu ümatüxü̃ 5:15

Rü ngẽxguma mea Tupanaaxü̃́ yaxõgüãcüma nayumüxẽgügu, rü tá tümaca̱x nitaane, rü nüma ya Cori ya Tupana tá tüxü̃ ínarüdaxẽxẽ nawa i tümaarü da̱xawe. Rü ngẽxguma chi ta̱xacürü pecadu taxü̱xgu, rü Tupana tá tüxü̃́ nüxü̃ inarüngüma.

Nüxíraxü̃xü̃ ga popera ga ãẽ̱xgacügüchiga 8:47

natürü ega chi ngẽma nachixü̃anewa nüxna yacua̱xãchigügu i norü chixexü̃ i cupe̱xewa naxügüxü̃ rü cuxca̱x nawoegu̱xgu rü cuxna nacagügu nax nüxü̃́ nüxü̃ curüngü̃maxü̃ca̱x i norü chixexü̃gü,

Ichaía 53:8

Rü ma̱xwa nanagagü woo taxuxü̃ma ga chixexü̃ naxü, rü tataxuma ga texé ga naétüwa idexáxe. Rü taxúema texé ítanapoxü̃, rü tama ñoma i naanewa maxẽxü̃ ga duü̃xü̃güaxü̃́ nangechaxü̃tümüxü̃. Rü chautanüxü̃arü chixexü̃gagu nayama̱xgü.

Ore i mexü̃ ga Matéu ümatüxü̃ 5:19

Rü yíxema tama naga ĩnüxe i ngẽma mugü, rü woo naxíragu i ngẽma mu, rü duü̃xü̃güxü̃ tangúexẽẽgu nax tama naga naxĩnüexü̃ca̱x, rü yíxema rü tá guxü̃arü yexera wixweama tata̱x ya Tupana ãẽ̱xgacü ixĩxü̃wa. Natürü yíxema naga ĩnüxe i Tupanaarü mugü rü nangúexẽẽ́xẽ i duü̃xü̃gü nax naga naxĩnüexü̃ca̱x, rü yíxema rü tá tatachiga ya Tupana ãẽ̱xgacü ixĩxü̃wa.

Ngechuchuarü ngúexü̃gü ga yamugüxü̃arü puracüchiga 23:3

Rü yexguma ga Pauru rü ñanagürü nüxü̃: —Tupana tá cuxü̃ napéa̱x, Pa Ãẽ̱xgacüx. Cuma rü düxétüwaxica cume natürü aixepena rü nachixe i curü maxü̃. Rü ñu̱xma rü ngéma curüto nax Moiché ümatüxü̃ i mugü nüxü̃ ixuxü̃ãcüma choxna cucaxü̃ca̱x. Natürü chixexü̃ cuxü erü cumatama rü tama naga cuxĩnü i ngẽma Tupana tüxü̃ muxü̃ rü cunamu nax choxü̃ napéa̱xü̃ca̱x —ñanagürü ga Pauru.