Nüxíraxü̃xü̃ ga popera ga Cuáü̃ ümatüxü̃ 3:21 - Tupanaarü Ore

²¹ Pa Chauenexẽgü ya Pexü̃ Changechaü̃güxe, ngẽxguma taãẽwa nüxü̃ icua̱xgu nax Tupanaxacüxüchi ixĩgüxü̃, rü tama taxãnee nax nüxna ingaicamagüxü̃ ya Tanatü ya Tupana.

Nüxíraxü̃xü̃ ga popera ga Cuáü̃ ümatüxü̃ 3:21 Referans Kwoze

Nüxíraxü̃xü̃ ga popera ga Cuáü̃ ümatüxü̃ 2:28

Rü ñu̱xmax, Pa Chauxacügüx, rü name nixĩ nax meama Cristuaxü̃́ peyaxõgüxü̃ nax tama nüxü̃ imuü̃exü̃ca̱x, rü tama ixãneexü̃ca̱x nape̱xewa i ngẽxguma wena nua naxũxgu.

Popera ga Yudíugü ga yaxõgüxü̃ca̱x ümatüxü̃ 4:16

Rü ñu̱xma nax tüxü̃́ nangẽxmaxü̃ ya tórü ngü̃xẽẽruxü̃ ya Ngechuchu, rü tüxü̃́ natauxcha nax tama imuü̃eãcüma nüxna ingaicamaxü̃ ya tórü Tupana ya tüxü̃ ngechaü̃cü nax ngẽmaãcü nüma nüxü̃́ ingechaü̃tümüxü̃güxü̃ca̱x rü tüxü̃ nangechaü̃ãcüma tüxü̃ nangü̃xẽẽxü̃ca̱x i ngẽxguma guxchaxü̃gü taxca̱x ínguxgu.

2 Corintios 1:12

Rü ngẽma toxü̃ taãẽxẽẽxü̃ nixĩ nax toõxẽwa nüxü̃ tacuáxü̃ nax ñoma i naanewa rü aixcüma Tupana naxwa̱xexü̃ãcüma mea tamaxẽxü̃. Rü pepe̱xewa nixĩ ga guxü̃arü yexera yemaacü mea tamaxẽxü̃. Natürü tocüma rü tama ñoma i naanecüã̱xarü cua̱xwa ne naxũ, erü Tupana ya toxü̃ ngechaü̃cü nixĩ ya nüxü̃́ tayaxõcü.

Nüxíraxü̃xü̃ ga popera ga Cuáü̃ ümatüxü̃ 5:14

Rü ngẽmaca̱x tama taxãnee nax nüxna ingaicamagüxü̃ ya Tupana. Rü nüxü̃ tacua̱x rü nüma tüxü̃ naxĩnü i ngẽxguma norü ngúchaü̃ yixĩxgu i ngẽma naxca̱x nüxna ica̱xaxü̃.

Wiyaegü 101:2

Rü chanaxwa̱xe nax aixcüma mea cuxca̱x chamaxü̃xü̃. ¿Rü ñuxgu tá chauxü̃tawa cuxũ nax choxü̃ curüngü̃xẽẽxü̃ca̱x? Rü ngẽmaãcü i chorü maxü̃ rü aixcüma tá name nape̱xewa i chopatacüã̱xgü.

Nüxíraxü̃xü̃ ga popera ga Cuáü̃ ümatüxü̃ 4:17

Rü ngẽxguma aixcüma taenexẽxü̃ ingechaü̃gügu, rü tórü maxü̃wa nango̱x i ngẽma ngechaü̃, rü taxũtáma nüxü̃ tamuü̃e i ngẽma ngunexü̃ i nagu Tupana tüxü̃ yacagüxü̃gu naxca̱x i tórü maxü̃. Erü yixema rü ñoma i naanewa rü Ngechuchurüxü̃ tixĩgü.

Popera ga Yudíugü ga yaxõgüxü̃ca̱x ümatüxü̃ 10:22

Rü ngẽmaca̱x tanaxwa̱xe i Tupanamaxã tixaixcümagü nax nüxü̃ rüxoexü̃ i tórü chixexü̃gü. Rü tanaxwa̱xe nax aixcüma nüxü̃́ yaxõgüxü̃, rü torü maxü̃newa nax nataxuxü̃ma i chixexü̃, rü taxü̃negü rü mechiüxü̃ i dexáwa yayauxgüxü̃. Rü ngẽmaãcü tanaxwa̱xe i Tupanana ingaicamagüxü̃.

Yox 22:26

Rü ngẽxguma rü tá curü taãxẽ nixĩ ya Tupana rü taxuca̱xtama nüxü̃ cuxãne.

1 Corintios 4:4

Natürü ñu̱xma nax chomatama nagu charüxĩnüxü̃ nax nataxuxü̃ma i chorü chixexü̃ i Tupanape̱xewa, rü tama ngẽmaca̱x Tupana choxü̃ nadau nax changearü pecaduã́xü̃. Erü nümatama ya tórü Cori ya Tupana nixĩ ya choxü̃ cuáarü maxü̃ãcü.

Yox 27:6

Rü ñu̱xma nax chamaxü̃xü̃ rü tagutáma nüxü̃ charüchau nax nüxü̃ chixuxü̃ nax taxuxü̃ma i chixexü̃ chaxüxü̃, erü chowa rü nataxuma i ta̱xacü i naxca̱x chaxãnexü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:8

Rü ñu̱xma chanaxwa̱xe i guxü̃wama nayumüxẽgü i yatügü. Rü chanaxwa̱xe i ngearü pecaduã̱xãcüma naxugüme̱xẽ. Rü tama name i nügümaxã nanueãcüma rüe̱xna nügü nachoxü̃gagüãcüma nayumüxẽgü.

Romanos 14:22

Rü ngẽxguma cuma nagu curüxĩnügu nax namexü̃ nax cunangṍxü̃ i ngexü̃rüüxü̃mare i õna, rü Tupanape̱xewa rü name nixĩ i cuxicatama nüxü̃ cucua̱x i ngẽma. Rü tataãxẽ ya yíxema tümaãẽwa nüxü̃ cuáxe nax Tupanape̱xewa namexü̃ i ngẽma taxüxü̃.

Efesios 3:12

Rü ñu̱xma nax Cristuarü duü̃xü̃gü ixĩgüxü̃ rü nüxü̃́ nax yaxõgüxü̃, rü tüxü̃́ natauxcha nax Tupanana ingaicamagüxü̃ rü taxuca̱xma nüxü̃ nax imuü̃exü̃.

Nüxíraxü̃xü̃ ga popera ga Cuáü̃ ümatüxü̃ 2:7

Pa Chauenexẽgüx, ñaa Tupanaarü mu i pexca̱x chaxümatüxü̃ rü tama wüxi i ngexwaca̱xü̃xü̃ i mu nixĩ. Rü ngẽmatama mu ga noxritama peyaxõgügu peyauxgüxü̃ nixĩ i pexca̱x chaxümatüxü̃. Rü ngẽmatama mu nixĩ i ngẽma ore ga marü nüxü̃ pexĩnüexü̃.

Nüxíraxü̃xü̃ ga popera ga Cuáü̃ ümatüxü̃ 3:2

Pa Chauenexẽgü ya Pexü̃ Changechaü̃güxe, ñu̱xma rü marü Tupanaxacügü tixĩgü. Rü woo tama tüxü̃ nüxü̃ nacua̱xẽxẽ nax ñuxãcü tá ixĩgüxü̃ i yixcüra, natürü nüxü̃ tacua̱x nax Ngechuchurüxü̃ tá ixĩgüxü̃ i ngẽxguma nüma nango̱xgu, erü tá nüxü̃ tadau nax nañuxraü̃xü̃ i nüma.