Nüxíraxü̃xü̃ ga popera ga Cuáü̃ ümatüxü̃ 3:19 - Tupanaarü Ore

^19-20 Rü ngẽxguma aixcüma yigü ingechaü̃gügu, rü ngẽmawa nüxü̃ tacua̱x nax tawa nangẽxmaxü̃ i ngẽma ore i aixcüma ixĩxü̃, rü nüxü̃ tacua̱x nax Tupanape̱xewa naxacügü ixĩgüxü̃. Rü woo taãẽwa nagu rüxĩnügu nax tama Tupanaxacü ixĩgüxü̃, natürü nüxü̃ tacua̱x nax taãẽarü yexera yixĩxü̃ ya Tupana rü nüma rü guxü̃xü̃ma nacua̱x.

Nüxíraxü̃xü̃ ga popera ga Cuáü̃ ümatüxü̃ 3:19 Referans Kwoze

Popera ga Yudíugü ga yaxõgüxü̃ca̱x ümatüxü̃ 10:22

Rü ngẽmaca̱x tanaxwa̱xe i Tupanamaxã tixaixcümagü nax nüxü̃ rüxoexü̃ i tórü chixexü̃gü. Rü tanaxwa̱xe nax aixcüma nüxü̃́ yaxõgüxü̃, rü torü maxü̃newa nax nataxuxü̃ma i chixexü̃, rü taxü̃negü rü mechiüxü̃ i dexáwa yayauxgüxü̃. Rü ngẽmaãcü tanaxwa̱xe i Tupanana ingaicamagüxü̃.

Nüxíraxü̃xü̃ ga popera ga Cuáü̃ ümatüxü̃ 3:21

Pa Chauenexẽgü ya Pexü̃ Changechaü̃güxe, ngẽxguma taãẽwa nüxü̃ icua̱xgu nax Tupanaxacüxüchi ixĩgüxü̃, rü tama taxãnee nax nüxna ingaicamagüxü̃ ya Tanatü ya Tupana.

Ichaía 32:17

Rü ngẽma nax mea nügümaxã inacuáexü̃ i duü̃xü̃gü rü nataxutama i nu. Rü duü̃xü̃gü rü tá nataãẽgü rü guxü̃gutáma nügüxü̃́ nayaxõgü.

Ore i mexü̃ ga Cuáü̃ ümatüxü̃ 18:37

Rü yexguma ga Pirátu rü ñanagürü nüxü̃: —¿Ẽ̱xna wüxi i nachixü̃anearü ãẽ̱xgacü quixĩ i cumax? —ñanagürü. Rü Ngechuchu nanangãxü̃ rü ñanagürü: —Cumatama marü nüxü̃ quixu nax ãẽ̱xgacü chixĩxü̃. Rü choma rü chabu rü ñoma ga naanewa chaxũ nax duü̃xü̃gümaxã nüxü̃ chayarüxuxü̃ca̱x i ore i aixcüma ixĩxü̃. Rü guxãma ya yíxema ya yaxõgüxe i ngẽma ore i aixcüma ixĩxü̃, rü choxü̃́ itarüxĩnüe —ñanagürü.

Nüxíraxü̃xü̃ ga popera ga Cuáü̃ ümatüxü̃ 1:8

Ngẽxguma chi nüxü̃ ixuxgu rü: “Changearü pecaduã̱x”, ñagügu, rü yigütama tawomüxẽxẽ, rü tidoraemare.

Norü taxre ga popera ga Timutéuca̱x naxümatüxü̃ ga Pauru 1:12

Rü ngẽmaca̱x nixĩ i ngúxü̃ chingexü̃ rü chapoxcuxü̃ i ñu̱xmax. Natürü tama naxca̱x chaxãne i ngẽma, erü choma nüxü̃ chacua̱x nax texéaxü̃́ chayaxõxü̃. Rü nüxü̃ chacua̱x nax naporaxü̃ i nüma nax nüxna nadauxü̃ca̱x i ngẽma puracü i choxna naxãxü̃ ñu̱xmatáta ngẽma ngunexü̃ i nagu wena núma naxũxü̃.

Romanos 4:21

Rü aixcümaxü̃chi nayaxõ nax naporaxü̃ ya Tupana nax yanguxẽẽãxü̃ca̱x i guxü̃ma i ngẽma norü uneta.

Ore i mexü̃ ga Cuáü̃ ümatüxü̃ 13:35

Rü ngẽxguma wüxichigü pemücügüxü̃ pengechaü̃gu, rü guxü̃ma i duü̃xü̃gü tá nüxü̃ nicua̱xãchitanü nax chorü ngúexü̃gü pixĩgüxü̃ —ñanagürü.

Nüxíraxü̃xü̃ ga popera ga Cuáü̃ ümatüxü̃ 3:14

Yixema rü marü nüxna ítanguxü̃ i ngẽma yu, rü ñu̱xma rü marü maxü̃wa tangexmagü. Nüxü̃ tacua̱x i ngẽma erü nüxü̃ tangechaü̃gü i taenexẽgü. Yíxema tama tümaenexẽxü̃ ngechaü̃xe rü yuxme̱xwa tangexma.

Popera ga Yudíugü ga yaxõgüxü̃ca̱x ümatüxü̃ 11:13

Natürü nümagü ga Abráü̃ rü Ichaá rü Acóbu rü nayue, rü tama nüxü̃ nadaugü ga guxü̃ma ga yema Tupana namaxã ixunetaxü̃. Natürü Tupanaaxü̃́ nayaxõgü, rü yemaca̱x yáxü̃wama nüxü̃ nadau nax Tupana yanguxẽẽxü̃ ga yema norü uneta. Rü yemaca̱x nataãẽgü woo nüxü̃ nacua̱xgü nax ñoma to i nachixü̃anecüã̱xrüxü̃ paxaãchimare ñoma ga naanewa nayexmagüxü̃.

Romanos 8:38

Rü ngẽmaca̱x aixcüma chayaxõ nax taxuxü̃ma i ta̱xacü tá Tupanana tüxü̃ ixĩgachixẽẽxü̃ nax tama tüxü̃ nangechaü̃xü̃ca̱x. Rü woo iyuegu rü woo imaxẽgu, rü woo i orearü ngeruü̃gü i daxũcüã̱x, rü woo ngo̱xogü, rü woo naãxẽ i chixexü̃gü, rü woo ngẽma ñu̱xma nüxü̃ idauxü̃, rü woo ngẽma yixcüra tá nüxü̃ idauxü̃, rü woo i ngẽma daxũwa ngẽxmagüxü̃, rü woo i ngẽma naanetüü̃wa ngẽxmagüxü̃, rü woo i ta̱xacü Tupana üxü̃, rü taxũtáma Tupanana tüxü̃ nixĩgachixẽxẽ nax tama tórü Cori ya Ngechuchu ya Cristugagu tüxü̃ nangechaü̃xü̃ca̱x.

Nüxíraxü̃xü̃ ga popera ga Cuáü̃ ümatüxü̃ 2:21

Rü tama nax tama nüxü̃ pecuáxü̃ i ngẽma ore nixĩ i pexca̱x chanaxümatüxü̃. Rü pema rü marü meama nüxü̃ pecua̱x i ngẽma ore i aixcüma ixĩxü̃, rü ngẽmaca̱x nixĩ i pexca̱x chanaxümatüxü̃. Rü pema nüxü̃ pecua̱x rü ngẽma ore i aixcüma ixĩxü̃wa rü taxucürüwama dora nawa ne naxũ.

Wiyaegü 119:56

Rü ngẽma cuga nax chaxĩnüxü̃gagu rü chanayaxu i taãxẽ i taxü̃. -8-