Nüxíraxü̃xü̃ ga popera ga Cuáü̃ ümatüxü̃ 3:17 - Tupanaarü Ore

¹⁷ Rü ngẽxguma chi texéaxü̃́ nangẽxmagu i taxü̃ i tümaarü diẽru, rü chi nüxü̃ tada̱u̱xgu i tümamücü nax nüxü̃́ nataxuxü̃ rü tama nüxü̃ tarüngü̃xẽẽgu, rü taxuacüma ñatagürü: “Choma rü Tupanaxü̃ changechaü̃”, ñatagürü.

Nüxíraxü̃xü̃ ga popera ga Cuáü̃ ümatüxü̃ 3:17 Referans Kwoze

Popera ga Yudíugü ga yaxõgüxü̃ca̱x ümatüxü̃ 13:16

¡Rü taxṹ i nüxü̃ ipeyarüngümaexü̃ nax togüxü̃ perüngü̃xẽẽxü̃ rü namaxã pengauxü̃ i ngẽma pexü̃́ ngẽxmaxü̃! Erü ngẽma nixĩ i ãmare i Tupanana pexãxü̃ i aixcüma namaxã nataãẽxü̃.

Nüxíraxü̃xü̃ ga popera ga Cuáü̃ ümatüxü̃ 4:20

Ngẽxguma chi texé ñagügu: “Choma rü Tupanaxü̃ changechaü̃”, ñagügu, natürü tümaenexẽchi taxaixgu, rü tidora. Erü ngẽxguma tama nüxü̃ tangechaü̃gu i tümaenexẽ i nüxü̃ tadauxü̃, rü taxuacüma nüxü̃ tangechaü̃ ya Tupana ya tama nüxü̃ tadaucü.

Ore i mexü̃ ga Luca ümatüxü̃ 3:11

Rü Cuáü̃ rü nanangãxü̃ rü ñanagürü: —Yíxema taxrechiruxe rü name nixĩ ya yíxema tüxü̃́ nataxúxena tanaxã i wüxi. Rü yíxema õnaã́xẽ rü name nixĩ i yíxema tüxü̃́ nataxúxemaxã tangau i tümaarü õna —ñanagürü.

Ucu̱xẽgüchiga 19:17

Ngẽxguma wüxi i duü̃xü̃ i ngearü diẽruã́xü̃xü̃ curüngü̃xẽẽgu diẽrumaxã, rü Tupanaxü̃ nixĩ i curüngü̃xẽẽxü̃. Rü nüma ya Cori ya Tupana rü tá cuxü̃́ tüxü̃ natáeguxẽxẽ.

Popera ga Chantiágu ümatüxü̃ 2:15

Rü ngẽxguma chi wüxi i taenexẽ rü ẽ̱xna taeya̱x i yaxõxü̃ rü natauxchirugu rü nangewemügu, rü chi wüxíe i pema rü ñapegügu: “¡Mexü̃ cuxü̃ üpetü, rü icu̱xcuchi nax tama cuxü̃ nadeyuxü̃ca̱x, rü mea nachibü!” ñapegügu, rü ¿ta̱xacüwa name i ngẽma ega tama nüxna penaxãxgu i ngẽma nüxü̃́ taxuxü̃?

Ucu̱xẽgüchiga 28:9

Yíxema tama naga ĩnüxe i Tupanaarü mugü, rü nüma ya Tupana rü taxũtáma tüxü̃́ nüxü̃ naxĩnü i tümaarü yumüxẽ.

2 Corintios 8:9

Erü pema rü marü nüxü̃ pecua̱x nax ñuxãcü tamaxã namecümaxü̃ ga tórü Cori ya Ngechuchu ya Cristu. Rü woo nüxü̃́ nayexma ga guxü̃ma, natürü ñoma wüxi ga ngearü diẽruã́xü̃rüxü̃ pexca̱x nügü nixĩxẽxẽ nax ngẽmaãcü pexü̃́ nangẽxmaxü̃ca̱x i taxü̃ i Tupanaarü ngü̃xẽxẽ.

Nüxíraxü̃xü̃ ga popera ga Cuáü̃ ümatüxü̃ 5:1

Guxü̃ma ya yíxema yaxṍxe nax Cristu yixĩxü̃ ya Ngechuchu, rü Tupana nane tixĩ. Rü guxãma ya yíxema Tanatü ya Tupanaxü̃ ngechaü̃güxe, rü nüxü̃ tangechaü̃ ta i naxacügü.

Ucu̱xẽgüchiga 12:10

Yimá yatü ya mexü̃gu rüxĩnücü, rü mea nüxna nadau i naxü̃nagü. Natürü ngẽma yatü i chixexü̃gu maxü̃xü̃, rü tama nüxü̃́ nangechaü̃tümüxü̃.

Ucu̱xẽgüchiga 14:31

Tupanaaxü̃́ nangu̱x i ngẽxguma texé wüxi i ngearü diẽruã́xẽmaxã chixri icua̱xgu. Natürü Tupana rü tümamaxã nataãxẽ ya yíxema ngearü diẽruã́xẽmaxã mea icuáxe.

Ucu̱xẽgüchiga 21:13

Texé ya tama nüxü̃ rüngü̃xexẽ́xẽ i ngẽma ngearü diẽruã́xü̃ ega ngü̃xẽẽca̱x tüxna nacaxgu, rü tümax rü tá ta taxúetama tüxü̃ tarüngü̃xẽxẽ ega tüxí ngü̃xẽẽca̱x ítacaxgu.