Biblia Todo Logo
Bib sou entènèt

- Piblisite -




Nüxíraxü̃xü̃ ga popera ga Cuáü̃ ümatüxü̃ 3:14 - Tupanaarü Ore

14 Yixema rü marü nüxna ítanguxü̃ i ngẽma yu, rü ñu̱xma rü marü maxü̃wa tangexmagü. Nüxü̃ tacua̱x i ngẽma erü nüxü̃ tangechaü̃gü i taenexẽgü. Yíxema tama tümaenexẽxü̃ ngechaü̃xe rü yuxme̱xwa tangexma.

Gade chapit la Kopi




Nüxíraxü̃xü̃ ga popera ga Cuáü̃ ümatüxü̃ 3:14
31 Referans Kwoze  

Rü ngẽxguma Tupanaxü̃ ingechaü̃gügu rü naxü̱xgu i ngẽma nüma tüxü̃ namuxü̃, rü nüxü̃ tacua̱x nax nüxü̃ ingechaü̃güxü̃ ta i ngẽma naxacügü ixĩgüxü̃.


Rü ngẽxguma wüxichigü pemücügüxü̃ pengechaü̃gu, rü guxü̃ma i duü̃xü̃gü tá nüxü̃ nicua̱xãchitanü nax chorü ngúexü̃gü pixĩgüxü̃ —ñanagürü.


Rü ngẽma nax pegü pengechaü̃güxü̃chiga, rü taxuca̱xma pexca̱x chanaxümatü i poperawa. Yerü Tupanatama nixĩ ga marü pexü̃ ngúexẽẽcü nax pegü pengechaü̃güxü̃.


Aixcüma pemaxã nüxü̃ chixu rü yíxema texé ya choxü̃́ irüxĩnüxe i chorü ore, rü nüxü̃́ yaxṍxe ya yimá Chaunatü ya núma choxü̃ mucü, rü tüxü̃́ nangẽxma i maxü̃ i taguma gúxü̃. Rü Chaunatü rü taxũtáma tümamaxã nanaxuegu nax tapoxcuxü̃, erü marü nüxna ítanguxuchi nax tayuxü̃, rü tüxü̃́ nangẽxma i maxü̃ i taguma gúxü̃.


Rü ñu̱xma nax naga pexĩnüexü̃ i Tupanaarü ore i aixcüma ixĩxü̃ rü pexü̃́ natauxcha nax pegü pengechaü̃güxü̃ erü Tupana rü marü pexü̃́ inayanaxoxẽxẽ i perü chixexü̃gü. Rü ngẽmaca̱x penaxwa̱xe i guxü̃ i perü ngúchaü̃maxã aixcüma pegü pengechaü̃gü.


Rü nüma i Ãẽ̱xgacü rü tá nanangãxü̃, rü ñanagürü tá: “Aixcüma pemaxã nüxü̃ chixu rü yexguma nüxü̃ perüngü̃xẽxẽgügu i ngẽma chorü duü̃xü̃ i yexeraãcü ngearü ngẽmaxü̃áxü̃, rü choxü̃ nixĩ ga perüngü̃xẽxẽgüxü̃”, ñanagürü tá nüxü̃.


Rü ñu̱xma rü name nax guxü̃guma pegü pengechaü̃güxü̃ ñoma peenexẽxü̃ pengechaü̃xü̃rüxü̃.


Rü choma pexü̃ chamu nax pemücügüxü̃ pengechaü̃güxü̃ca̱x, ngẽma choma nax pexü̃ changechaü̃xü̃rüxü̃.


Taguma texé Tupanaxü̃ tadau. Natürü ngẽxguma aixcüma yigü ingechaü̃gügu, rü Tupana rü tawa namaxü̃ rü norü ngechaü̃ rü tórü maxü̃wa nango̱x.


Rü nüma tüxü̃ namu nax Nane ya Ngechuchu ya Cristuaxü̃́ yaxõgüxü̃ rü yigü ingechaü̃güxü̃, yema nüma tüxü̃ namuxü̃rüxü̃.


Rü chanaxwa̱xe i guxãma i pemax rü wüxigu perüxĩnüe, rü pegüxü̃́ pengechaü̃tümüxü̃gü rü pegü pengechaü̃gü, ñoma pegüenexẽxü̃chixü̃ pengechaü̃xü̃rüxü̃. Rü chanaxwa̱xe i aixcüma pemecümagü rü pegü íperüxíxragü.


Rü marü nüxü̃ tacuáchiga nax aixcüma Ngechuchu ya Cristuaxü̃́ peyaxõgüxü̃, rü aixcüma nüxü̃ pengechaü̃güxü̃ i guxü̃ma i ngẽma duü̃xü̃gü i Tupanaarü ixĩgüxü̃.


Rü ngẽmaca̱x, ñu̱xma nax nüxü̃ chacuáxü̃ nax aixcüma tórü Cori ya Ngechuchuaxü̃́ peyaxõgüxü̃ rü nax aixcüma nüxü̃ pengechaü̃güxü̃ i guxü̃ma i ngẽma togü i Tupanaarü ixĩgüxü̃, rü ngẽmaca̱x taguma nüxü̃ charüchau nax Tupanana pexca̱x moxẽ chaxãxü̃ rü pexna chacua̱xãchixü̃ i chorü yumüxẽwa.


Pa Chauenexẽgüx ya Tupana Naneaxü̃́ Yaxõgüxex, pexca̱x chanaxümatü i ñaa ore nax nüxü̃ pecuáxü̃ca̱x nax pexü̃́ nangẽxmaxü̃ i maxü̃ i taguma gúxü̃.


Rü ngẽma nixĩ i pexü̃ chamuxü̃ nax pemücügüxü̃ pengechaü̃güxü̃ca̱x.


Rü ngẽxguma chi naga ixĩnüegu i norü mugü, rü nüxü̃ tacua̱x nax aixcüma Tupanaxü̃ icuáxü̃.


Rü ngẽma nax Tupanaga pexĩnüexü̃étüwa penaxwa̱xe nax peenexẽgüxü̃ pengechaü̃güxü̃. Rü ngẽma nax peenexẽgüxü̃ pengechaü̃güxü̃étüwa penaxwa̱xe nax guxü̃ma i duü̃xü̃güxü̃ pengechaü̃güxü̃.


Rü yemaca̱x, woo tórü pecadugagu ñoma iyuexü̃rüxü̃ tixĩgü, natürü ga Tupana rü tüxna nanaxã ga maxü̃ ga yexguma Cristuxü̃ ínadaxẽẽgu. Rü ñu̱xma rü pexü̃́ nangẽxma i maxü̃ i taguma gúxü̃, erü Tupana pemaxã namecüma.


Nüxü̃ tacua̱x rü ngẽxguma iyanaxoxgu i ñaa toxone i paxaãchi toxü̃́ ngẽxmaxü̃, rü daxũguxü̃ i naanewa tá tanayaxu i wüxi i toxone i tagutáma iyarüxoxü̃ i Tupanatama toxca̱x mexẽẽxü̃ rü tama i duü̃xü̃gü.


Rü ngẽma duü̃xü̃gü i cuxü̃́ yaxõgüxü̃ rü naporae, rü choma rü aixcüma namaxã chataãxẽ.


Rü ü̃pa ga pema rü perü chixexü̃gagu rü perü pecadugagu ñoma peyuexü̃rüxü̃ pixĩgü.


Natürü ngẽxguma Tupanaãxẽ ya Üünecü tawa ngẽxmagu, rü yigü tangechaü̃gü, rü tataãẽgü, rü tama yigümaxã tanue, rü yáxna yigümaxã taxĩnüe, rü yigümaxã tamecümagü, rü yigü tarüngü̃xẽẽgü, rü tayanguxẽxẽ i ngẽma nüxü̃ ixuxü̃ rü aixcüma Tupanaaxü̃́ tayaxõgü.


Natürü ñu̱xma rü name nixĩ nax ipetaãxẽgüxü̃ rü itaãẽgüxü̃ erü cuenexẽ ga gumá cha̱u̱xca̱x rü marü yucü, rü maxü̃cü taxca̱x ínangu. Rü woo tüxna inayarütaxu, rü wenaxarü taxca̱x nango̱x” —ñatarügü.


Erü daa chaune rü cha̱u̱xca̱x rü marü nayu, natürü maxü̃cü cha̱u̱xca̱x ínangu. Rü marü inayarütauxchire̱x, rü wenaxarü nango̱x”, ñanagürü. Rü yexguma inanaxügüe nax napetaegüxü̃.


Yíxema nüxna ixũgachixe i nacüma i mexü̃, rü yuexü̃tanüwa tá taxũ.


Erü nüma ya torü capitáü̃ rü guxü̃ i Yudíugüxü̃ nangechaü̃. Rü nümatama nanaxütanü nax naxügüã̱xü̃ca̱x ga tórü ngutaque̱xepataxü̃ —ñanagürügü.


Swiv nou:

Piblisite


Piblisite