Nüxíraxü̃xü̃ ga popera ga Cuáü̃ ümatüxü̃ 2:9 - Tupanaarü Ore

⁹ Rü ngẽxguma chi wüxíe ñagügu: “Choma rü ngóonexü̃wa changexma”, ñagügu, natürü tümaenexẽchi taxaixgu, rü ẽanexü̃watama tangexma.

Nüxíraxü̃xü̃ ga popera ga Cuáü̃ ümatüxü̃ 2:9 Referans Kwoze

Nüxíraxü̃xü̃ ga popera ga Cuáü̃ ümatüxü̃ 4:20

Ngẽxguma chi texé ñagügu: “Choma rü Tupanaxü̃ changechaü̃”, ñagügu, natürü tümaenexẽchi taxaixgu, rü tidora. Erü ngẽxguma tama nüxü̃ tangechaü̃gu i tümaenexẽ i nüxü̃ tadauxü̃, rü taxuacüma nüxü̃ tangechaü̃ ya Tupana ya tama nüxü̃ tadaucü.

Nüxíraxü̃xü̃ ga popera ga Cuáü̃ ümatüxü̃ 2:11

Natürü yíxema tümaenexẽchi aixe, rü ẽanexü̃watama tangexma, rü ẽanexü̃gu tixũ. Rü tama nüxü̃ tacua̱x nax ngextá taxũxü̃, erü ngẽma ẽanexü̃ rü tüxü̃ nixoxetüxẽxẽ.

Wiyaegü 82:5

Natürü i pemax, Pa Ãẽ̱xgacügüx, rü tama peãẽxü̃ pecua̱x rü peechitamare pemaxẽ. Rü ngẽmaca̱x nangẽxma i taxü̃ i chixexü̃ i petanüwa rü ngẽma duü̃xü̃gü i namaxã pecuáxü̃ rü pemaxã nanue.

Norü taxre ga popera ga Pedru ümatüxü̃ 1:9

Natürü yíxema tama nagu ixũxe i ngẽma pemaxã nüxü̃ chixuxü̃, rü ñoma tangexetüxü̃rüxü̃ tixĩ. Rü ñoma wüxi i duü̃xü̃ i tama yáxü̃gu dauxerüxü̃ tixĩ, erü nüxü̃ itayarüngüma nax ñuxãcü Tupana tüxü̃́ nüxü̃ rüngü̃maxü̃ ga tümaarü pecadugü ga noxri.

Nüxíraxü̃xü̃ ga popera ga Cuáü̃ ümatüxü̃ 2:4

Natürü ngẽxguma chi wüxíe ñagügu: “Choma rü Tupanaxü̃ chacua̱x”, ñagügu, natürü tama naga taxĩnügu i ngẽma norü mugü, rü wüxi i dorata̱xáxü̃ tixĩ rü tama nawa nangexma i ngẽma ore i aixcüma ixĩxü̃.

Nüxíraxü̃xü̃ ga popera ga Cuáü̃ ümatüxü̃ 1:6

Rü ngẽxguma chi: “Tanatü ya Tupanatanüxü̃ tixĩgü”, ñagügu, natürü ẽanexü̃wa imaxẽgu, rü tidoraemare rü tama tixaixcümagü.

Ore i mexü̃ ga Cuáü̃ ümatüxü̃ 9:41

Rü Ngechuchu nanangãxü̃ rü ñanagürü nüxü̃: —Ngẽxguma chi ngexetügüxü̃ pixĩgügu rü taxũchima pegagu nixĩ nax pepecaduã̱xgüxü̃. Natürü ngẽma nax pegü pixuxü̃ nax pidauuchixü̃ rü ngẽmaca̱x pegagutama nixĩ nax pepecaduã̱xgüxü̃ —ñanagürü.

Lebítanüxü̃arü puracüchiga 19:17

¡Rü taxṹ i naxchi cuxaiechaxü̃ i cuenexẽ! ¡Rü naxuxcu̱xẽ i cumücü i ngẽxguma chixexü̃ naxü̱xgu rü taxṹ i norü chixexü̃gu cuxãxü̃!

2 Chamué 13:22

Rü yexgumacürüwa nüma ga Acharóü̃ rü Anóü̃chi naxai rü taguma namaxã nidexachaü̃ yerü naeya̱x ga Tamáraxü̃ niyaxu ga Anóü̃.

Ngechuchuarü ngúexü̃gü ga yamugüxü̃arü puracüchiga 1:15

Rü yema ngunexü̃gügu ga yexguma nangutaque̱xegügu ga yema yaxõgüxü̃ ga maneca 120 ixĩgüxü̃ rü Pedru rü inachi ga norü ngãxü̃tanüwa, rü ñanagürü:

Nüxíraxü̃xü̃ ga popera ga Cuáü̃ ümatüxü̃ 3:10

Rü marü nüxü̃ tacua̱x nax texé tixĩgüxü̃ ya Tupanaxacügü rü texé tixĩgüxü̃ ya Chatanáxacügü. Erü yíxema tama mexü̃ ǘxe rü tama tümaenexẽxü̃ ngechaü̃xe, rü tama Tupanaxacü tixĩ.