Nüxíraxü̃xü̃ ga popera ga Cuáü̃ ümatüxü̃ 2:5 - Tupanaarü Ore

⁵ Natürü yíxema naga ĩnüxe i norü mugü, rü aixcüma Tupanaxü̃ tangechaü̃. Rü ngẽmawa nango̱x nax aixcüma Tupanaarü duü̃xü̃ tixĩxü̃.

Nüxíraxü̃xü̃ ga popera ga Cuáü̃ ümatüxü̃ 2:5 Referans Kwoze

Ore i mexü̃ ga Cuáü̃ ümatüxü̃ 14:23

Rü Ngechuchu nanangãxü̃, rü ñanagürü: —Yíxema choxü̃ ngechaü̃xe rü naga taxĩnü i ngẽma ore i tümamaxã nüxü̃ chixuxü̃. Rü Chaunatü tá tüxü̃ nangechaü̃. Rü choma rü Chaunatümaxã wüxigu tümaxü̃tawa tá tangexmagü.

Ore i mexü̃ ga Cuáü̃ ümatüxü̃ 14:21

Yíxema texé ya nüxü̃ cuáxe rü naga ĩnüxe i chorü mugü, rü tanango̱xẽxẽ nax aixcüma choxü̃ tangechaü̃xü̃. Rü Chaunatü tá tüxü̃ nangechaü̃ ya yíxema choxü̃ ngechaü̃xe, rü choma rü tá ta tüxü̃ changechaü̃. Rü chaugü tá tüxü̃ chawe̱x —ñanagürü ga Ngechuchu.

Ore i mexü̃ ga Luca ümatüxü̃ 11:28

Natürü ga Ngechuchu rü ñanagürü: —Yexeraãcü tataãxẽgü ya yíxema nüxü̃ ĩnüexe i Tupanaarü ore rü naga ĩnüexe —ñanagürü.

Nüxíraxü̃xü̃ ga popera ga Cuáü̃ ümatüxü̃ 3:24

Rü yíxema naga ĩnüxe i ngẽma Tupana tüxü̃ muxü̃, rü aixcüma Tupanaarü duü̃xü̃ tixĩ rü nüma ya Tupana rü tümawa namaxü̃. Rü nüxü̃ tacua̱x nax Tupanaarü duü̃xü̃gü ixĩgüxü̃ rü tawa nax namaxü̃xü̃, erü tawa namaxü̃ i Naãxẽ ya Üünexü̃ ga Tupana tüxna namuxü̃.

Wiyaegü 119:2

Rü tataãẽgü ya yíxema naga ĩnüexe i norü mugü rü guxü̃ i tümaarü maxü̃maxã Tupanaca̱x daugüxe.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:12

Rü ngẽmaca̱x ya yíxema Tupanaarü duü̃xü̃gü ixĩgüxe rü mea norü orega ĩnüexe rü name nixĩ nax yáxna namaxã taxĩnüexü̃ i tümaarü guxchaxü̃gü rü Ngechuchuaxü̃́ nax tayaxõgüamaxü̃.

Nüxíraxü̃xü̃ ga popera ga Cuáü̃ ümatüxü̃ 5:2

Rü ngẽxguma Tupanaxü̃ ingechaü̃gügu rü naxü̱xgu i ngẽma nüma tüxü̃ namuxü̃, rü nüxü̃ tacua̱x nax nüxü̃ ingechaü̃güxü̃ ta i ngẽma naxacügü ixĩgüxü̃.

Ore i mexü̃ ga Cuáü̃ ümatüxü̃ 15:5

Choma nixĩ i úbane, rü pema i nachacüügü. Rü yíxema chowa yaxṹẽchaxe rü choma i tümawa, rü aixcüma tá namu i norü o. Natürü ngẽxguma tama chowa peyaxũ̱xgüechagu, rü taxucürüwama ta̱xacü pexüe.

Echequié 36:27

Rü pewa tá chanamaxẽxẽ ya Chauãxẽ ya Üünecü nax ngẽmaãcü mea peyanguxẽẽxü̃ca̱x i chorü mugü.

Nüxíraxü̃xü̃ ga popera ga Cuáü̃ ümatüxü̃ 4:18

Rü ngẽxguma aixcüma yigü ingechaü̃gügu, rü taxuca̱xma tü̱xcüü̃ tamuü̃e. Rü ngẽma ngechaü̃ i aixcüma ixĩxü̃ rü inayanaxoxẽxẽ i ngẽma muü̃. Rü yíxema muü̃xe rü nagu tarüxĩnü nax ngürüãchi tá tapoxcuxü̃. Rü ngẽxguma chi texé poxcuca̱x muü̃gu rü tümagagu nixĩ erü tama aixcüma tümaenexẽxü̃ tangechaxü̃.

Wiyaegü 119:146

Pa Corix, cuxna nixĩ i chaca̱xaxü̃. ¡Rü choxü̃ rüngü̃xẽxẽ nax choxü̃́ natauxchaxü̃ca̱x nax chayanguxẽẽxü̃ i curü mugü!

2 Corintios 5:17

Rü ngẽxguma texé Cristuaxü̃́ yaxõ̱xgu, rü ngexwaca̱xü̃xü̃ i duü̃xü̃ tixĩ. Rü nũxcümaü̃xü̃ ga tümacüma rü marü tüxna inayarüxo, rü ngexwaca̱xü̃xü̃ i maxü̃ tüxü̃́ nangẽxma.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:17

Rü ñu̱xũchi ga yema coya ga Chataná, rü poraãcüxüchima ngĩmaxã nanu ga yema nge. Rü ínixũ nax nügü namaxã yadaixü̃ca̱x ga yema togü ga ngĩxacügü ga yema nge. Rü ngẽma ngĩxacügü i ngẽma coyamaxã nügü daixü̃, rü ngẽma nixĩ i ngẽma duü̃xü̃gü i mea Tupanaarü orega ĩnüexü̃ rü mea yaxõgüechaxü̃ ya Ngechuchu ya Cristuarü ore.

Nüxíraxü̃xü̃ ga popera ga Cuáü̃ ümatüxü̃ 5:20

Rü nüxü̃ tacua̱x ta nax ñoma ga naanewa nanguxü̃ ga Tupana Nane. Rü nüma nixĩ i tüxna naxããxü̃ ga cua̱x nax nüxü̃ icua̱xgüxü̃ca̱x ya yimá aixcüma Tupana ixĩcü. Rü yixema rü norü duü̃xü̃gü tixĩgü ya yimá aixcüma Tupana ixĩcü, erü Nane ya Ngechuchu ya Cristuarü duü̃xü̃gü tixĩgü. Rü nüma ya Tupana Nane nixĩ i aixcüma Tupana ixĩcü, rü nüma nixĩ i tüxna naxããxü̃ i maxü̃ i taguma gúxü̃.

1 Corintios 1:30

Rü nümatama ga Tupana nixĩ ga Ngechuchu ya Cristuarü duü̃xü̃güxü̃ pexü̃ yaxĩgüxẽẽxü̃. Rü tatanüwa nanamu ga Cristu nax nüma rü Tupanaarü cua̱x taxca̱x yixĩxü̃ca̱x. Rü Cristugagu nixĩ nax Tupana tüxü̃ dexü̃ rü tüxü̃ yamexẽẽxü̃ nax nape̱xewa ixüünegüxü̃ca̱x rü pecaduwa ínguxü̃xü̃ca̱x.

Romanos 8:1

Rü ñu̱xma ya Tupana rü marü taxuca̱xma nanapoxcue i ngẽma duü̃xü̃gü ya Ngechuchu ya Cristuarü duü̃xü̃gü ixĩgüxü̃.

Popera ga Chantiágu ümatüxü̃ 2:22

Rü ngẽmawa nüxü̃ tacua̱x rü tama nayaxõmare ga Abráü̃, natürü Tupanaga naxĩnü rü ta. Rü yema Tupanaga naxĩnüxü̃wa tüxü̃ nüxü̃ nacua̱xẽxẽ nax aixcüma Tupanaaxü̃́ yaxõõxü̃.

2 Corintios 5:21

Cristu rü taguma pecadu naxü. Natürü tagagu nixĩ ga Tupana ga Cristuxü̃ naxütanüxẽẽãxü̃ i guxü̃ma i tórü pecadugü nax yemaacü nagagu tüxü̃ ínanguxü̃xẽẽxü̃ca̱x nawa i tórü pecadugü nax nape̱xewa imexü̃ca̱x ya Tupana.

Ore i mexü̃ ga Cuáü̃ ümatüxü̃ 6:56

Texé ya chaxunemaxã ãwemüxe rü chaugüwa axexe rü chowa tayaxũ̱x rü choma i tümawa.

Ngu̱xẽẽtaeruü̃arü ore 8:5

Rü yíxema ãẽ̱xgacüga ĩnüxe rü taxuxü̃ma i guxchaxü̃ tüxü̃ nangupetü. Rü yíxema tümaãẽxü̃ cuáxe rü nüxü̃ tacua̱x i ñuxgu rü ñuxãcü tá tayanguxẽẽxü̃ i ngẽma ãẽ̱xgacüarü mugü.

Wiyaegü 106:3

Rü tataãxẽgü ya yíxema aixcüma mexü̃gu rüxĩnüexe rü naxügüxe i ngẽma aixcüma we̱xguxü̃.

Ucu̱xẽgüchiga 8:32

Rü ngẽmaca̱x, Pa Chaunegüx ¡choxü̃́ iperüxĩnüe rü chaucümagu pexĩ, rü tá petaãxẽgü!

Wiyaegü 119:4

Cumax, Pa Tupanax, toxna cunaxã i curü mugü nax aixcüma naga taxĩnüexü̃ca̱x.

Ucu̱xẽgüchiga 28:7

Yíxema nagu ixũxẽ i Tupanaarü mugü, rü wüxi ya nane ya naãẽxü̃ cuácü tixĩ. Natürü yíxema natanügu ãxẽ i ngẽma chixexü̃gu maxẽxü̃, rü tümanatüna ãne taxã.

Wiyaegü 105:45

Rü yemaacü Tupana nüxü̃ narüngü̃xẽxẽ ga yema duü̃xü̃gü yerü nanaxwa̱xe nax nagu namaxẽxü̃ ga norü mugü rü nagu naxĩxü̃ ga norü ngu̱xẽẽtae ga nüma namaxã nüxü̃ yaxuxü̃. Rü name i Cori ya Tupanaxü̃ ticua̱xüü̃gü.

Nüxíraxü̃xü̃ ga popera ga Cuáü̃ ümatüxü̃ 4:17

Rü ngẽxguma aixcüma taenexẽxü̃ ingechaü̃gügu, rü tórü maxü̃wa nango̱x i ngẽma ngechaü̃, rü taxũtáma nüxü̃ tamuü̃e i ngẽma ngunexü̃ i nagu Tupana tüxü̃ yacagüxü̃gu naxca̱x i tórü maxü̃. Erü yixema rü ñoma i naanewa rü Ngechuchurüxü̃ tixĩgü.

Norü taxre ga popera ga Cuáü̃ ümatüxü̃ 1:6

Ngẽxguma yigü ingechaü̃gügu, rü ngẽmawa nüxü̃ tacua̱x nax marü yanguxẽẽxü̃ i Tupanaarü mugü. Rü ngẽma nax pegü pengechaxü̃güxü̃ rü ngẽmatama nixĩ i mu ga noxritama peyaxõgügu nüxü̃ pexĩnüexü̃.