Nüxíraxü̃xü̃ ga popera ga Cuáü̃ ümatüxü̃ 2:18 - Tupanaarü Ore

¹⁸ Pa Chauxacügüx, paxa tá nawa nangu nax iyanaxoxü̃ i ñoma i naane. Pema rü marü nüxü̃ pexĩnüchiga rü tá ínangu i Cristuarü uanü, natürü marü ínangugü i muxü̃ma. Rü ngẽmawa nüxü̃ tacua̱x nax marü nagúxchaü̃xü̃ i ñoma i naane.

Nüxíraxü̃xü̃ ga popera ga Cuáü̃ ümatüxü̃ 2:18 Referans Kwoze

Nüxíraxü̃xü̃ ga popera ga Cuáü̃ ümatüxü̃ 4:3

Natürü guxü̃ma i ngẽma orearü uruü̃gü i tama nüxü̃ ixugüxü̃ nax duü̃xü̃rüxü̃ ñoma ga naanewa nanguxü̃ ga Ngechuchu ya Cristu, rü ngẽma rü tama nüxü̃́ nangẽxma i Tupanaãxẽ ya Üünecü, rü Cristuarü uanüãxẽ nixĩ i nawa ngẽxmaxü̃. Marü nüxü̃ pexĩnüe nax ínanguxchaü̃xü̃ i Cristuarü uanü, natürü ñu̱xma rü marü ñoma i naanewa nangẽxma.

Norü taxre ga popera ga Cuáü̃ ümatüxü̃ 1:7

Guxü̃wama i ñoma i naanewa rü nanaxĩane i muxü̃ma i womüxẽẽwa̱xegüxü̃. Rü tama nayaxõgü nax Ngechuchu ya Cristu rü duü̃xü̃xü̃ yaxĩxü̃. Rü ngẽma ngẽmaãcü idexaxü̃, rü wüxi i womüxẽẽruxü̃ nixĩ, rü Cristuarü uanü nixĩ.

Nüxíraxü̃xü̃ ga popera ga Cuáü̃ ümatüxü̃ 2:22

¿Texé tixĩ ya idorata̱xáxe? Yíxema ñagüxe: “Ngechuchu rü tama aixcüma Cristu ya Tupana Nane nixĩ”, ñagüxe. Rü yíxema tixĩ ya Cristuarü uanü, erü tama nüxü̃ tacuáxchaü̃ ya Tanatü ya Tupana rü Nane ya Ngechuchu.

Ore i mexü̃ ga Matéu ümatüxü̃ 24:24

Erü Cristunetagü rü Tupanaarü orearü uruü̃netagü tá ínangugü. Rü tá nanaxügü i muxü̃ma i cua̱xruü̃gü i taxü̃gü. Rü ngẽxguma nüxü̃́ natauxchagu, rü ngẽmamaxã tá tüxü̃ nawomüxẽẽgü rü woo ya yíxema duü̃xẽgü ya Tupana tüxü̃ dexe.

Ore i mexü̃ ga Matéu ümatüxü̃ 24:5

Erü muxũchixü̃ tá chauégagu ínangugü, rü ñanagürügü tá: “Choma nixĩ i Cristu”, ñanagürügü tá. Rü muxü̃ma i duü̃xü̃güxü̃ tá nawomüxẽẽgü.

Nüxíraxü̃xü̃ ga popera ga Cuáü̃ ümatüxü̃ 4:1

Pa Chauenexẽgü ya Pexü̃ Changechaü̃güxe, ¡Taxṹ i nüxü̃́ peyaxõgüxü̃ i guxü̃ma i ngẽma nügü ixugügüxü̃ nax Tupanaarü orearü uruü̃gü yixĩgüxü̃! Rü name nixĩ i penangugü i norü ore nax nüxü̃ pecuáxü̃ca̱x rü aixcüma Tupanaãxẽ yixĩxü̃ i nawa idexaxü̃, rüe̱xna tama. Erü guxü̃wama i ñoma i naanewa rü nangẽxma i muxü̃ma idorata̱a̱xgüxü̃ i nügü ixugüxü̃ nax Tupanaarü orearü uruü̃gü yixĩgüxü̃.

Ore i mexü̃ ga Márcu ümatüxü̃ 13:6

Erü muxũchixü̃ i duü̃xü̃gü rü tá ínangugü, rü chauégagu ñanagürügü tá: “Choma nixĩ i Cristu”, ñanagürügü tá. Rü muxũchixü̃ i duü̃xü̃güxü̃ tá nawomüxẽxẽ.

Norü taxre ga popera ga Pedru ümatüxü̃ 2:1

Nũxcüma rü Yudíugütanüwa nayexma ga Tupanaarü orearü uruü̃güneta. Rü ngẽxgumarüxü̃ tá ta petanüwa nangẽxma i ngu̱xẽẽruü̃netagü. Rü nümagü rü cúãcü tá doramaxã nanaxüchicüxü i Tupanaarü ore, rü ngẽmaãcü tá nayaxã ya yimá tórü Cori ya norü Maxẽxẽẽruü̃chire̱x ixĩcü. Rü ngẽmagagu tá noxtacüma napoxcue i ngẽma duü̃xü̃gü i ngẽmaãcü maxẽxü̃, rü paxa tá inayarüxogü.

Ore i mexü̃ ga Matéu ümatüxü̃ 24:11

Rü muxũchixü̃ i orearü uruü̃güneta tá ínangugü. Rü tá nüxü̃ nixugügü nax Tupana yixĩxü̃ ya núma namugücü nax nüxü̃ yaxugüxü̃ca̱x i ore. Rü ngẽmaãcü tá muxũchixü̃ i duü̃xü̃güxü̃ nawomüxẽẽgü.

Popera ga Yúda ümatüxü̃ 1:18

Rü nümagü rü ñanagürügü pexü̃: “Ngẽxguma nagúxchaü̃gu i naane rü tá nangẽxma i duü̃xü̃gü i tá nüxü̃ cugüexü̃ i Tupanaarü ore rü noxrütama ngúchaü̃ i chixexü̃gumare maxẽxü̃”, ñanagürügü pexü̃.

Norü taxre ga popera ga Pedru ümatüxü̃ 3:3

Natürü guxü̃arü yexera chanaxwa̱xe i nagu perüxĩnüe i ñaa ore i pemaxã tá nüxü̃ chixuxü̃. Rü ngẽxguma nagúxchaü̃gu i ñoma i naane, rü tá ínangugü i duü̃xü̃gü i nagu ĩxü̃ i naxü̃nearü ngúchaü̃gü. Rü nümagü rü tá nacugüeãcüma ñanagürügü: “Dücax, Cristu inaxuneta nax wena núma naxũxü̃. ¿Rü ta̱xacü namaxã nangupetü i ñu̱xma nax tama ínanguxü̃? Rü marü düxwa nayue ga tanatügü, natürü noxri naane üxgumama rü nanaxairügumaraü̃echa i guxü̃ma”, ñanagürügü tá.

Popera ga Yudíugü ga yaxõgüxü̃ca̱x ümatüxü̃ 1:2

Natürü i ñomaü̃cüxü ya Tupana rü Nanewatama nixĩ i tamaxã yadexaxü̃. Rü Nanemaxã nixĩ ga naxüaxü̃ ga ñoma ga naane rü daxũguxü̃ ga naane rü üa̱xcü rü tauemacü rü woramacurigü. Rü ñu̱xũchi gumá Nanena nanana ga guxü̃ma ga yema nax noxrü yixĩxü̃ca̱x.

Nüxíraxü̃xü̃ ga popera ga Pedru ümatüxü̃ 1:20

Rü nüma ga Tupana rü woetama nũxcümaxü̃chima tauta naane ixügügu, rü marü Cristuxü̃ naxuneta nax pexca̱x nayuxü̃ca̱x. Natürü ñomaü̃cüü nixĩ ga nangóxü̃ ga gumá Cristu nax pexü̃ nangü̃xẽẽxü̃ca̱x.

Nüxíraxü̃xü̃ ga popera ga Pedru ümatüxü̃ 1:5

Rü ñu̱xma nax Tupanaaxü̃́ peyaxõgüxü̃, rü nüma rü norü poramaxã tá pexna nadau ñu̱xmatáta penayauxgü i ngẽma maxü̃ i taguma gúxü̃ i tá pexna naxãxü̃ i ngẽxguma nagu̱xgu i naane.

Ore i mexü̃ ga Cuáü̃ ümatüxü̃ 21:5

Rü yexguma ga Ngechuchu rü nüxna naca, rü ñanagürü nüxü̃: —Pa Ngextü̱xücügüx, ¿taxuxü̃ma i perü choxni? —ñanagürü. Rü nümagü rü nanangãxü̃gü rü ñanarügügü: —Taxuxü̃ma —ñanarügügü.

Romanos 13:11

Rü name nixĩ i penaxü i ngẽma mexü̃ ixĩxü̃ erü paxa naxüpetü i ngẽma ngunexü̃gü i nagu imaxẽxü̃. Rü name nixĩ i pegü ípemexẽxẽ rü paxa penaxü i tórü Coriarü puracü. Erü ñu̱xma rü yema noxri yaxõgüguarü yexera ningaicamachigü i ngẽma ngunexü̃ i nagu tá taxca̱x nataeguxü̃ ya tórü Cori.

Romanos 13:12

Rü woo nangẽxmagu i taxü̃ i chixexü̃ i ñoma ẽanexü̃rüxü̃ ixĩxü̃, natürü paxa tá ínangu ya Cristu nax nügüxü̃tawa tüxü̃ nagagüxü̃ca̱x. Rü ngẽmaca̱x name nixĩ i nüxü̃ tarüxoe i guxü̃ma i ngẽma chixexü̃ ixĩxü̃ rü nagu taxĩ i Tupanaarü ore i ñoma omürüxü̃ ixĩxü̃.

Nüxíraxü̃xü̃ ga popera ga Pedru ümatüxü̃ 4:7

Rü marü ningaica nax nagúxü̃ i ñoma i naane rü guxü̃ma i ta̱xacü i nawa ngẽxmaxü̃. Rü ngẽmaca̱x name nixĩ nax pexuãẽgüxü̃, rü mea peãxẽxü̃ pecuáxü̃, rü guxü̃guma peyumüxẽgüxü̃.