Nüxíraxü̃xü̃ ga popera ga Cuáü̃ ümatüxü̃ 2:17 - Tupanaarü Ore

¹⁷ Natürü ñoma i naane rü guxü̃ma i ngẽma ngúchaü̃gü i chixexü̃gü i nawa ngẽxmagüxü̃ rü tá narüxo. Natürü yíxema Tupanaga ĩnüxe rü guxü̃gutáma tamaxü̃.

Nüxíraxü̃xü̃ ga popera ga Cuáü̃ ümatüxü̃ 2:17 Referans Kwoze

Ore i mexü̃ ga Matéu ümatüxü̃ 24:35

Rü ñoma i naane rü ngẽma daxũwa nüxü̃ idauxü̃ rü tá nagu̱x. Natürü chorü ore rü tagutáma inayarüxo rü aixcüma tá ningu.

Romanos 12:2

Rü tama name i ñoma i naanecüã̱x i duü̃xü̃gücümagu pexĩ. Natürü name nixĩ i Tupanana pegü pexãgü nax nüma pexü̃ naxüchicüüxü̃ca̱x rü ngexwaca̱xü̃xü̃ i peãxẽ pexü̃́ ngẽxmaxü̃ca̱x. Rü ngẽmaãcü tá nüxü̃ pecua̱x i ta̱xacü nixĩ ya Tupana pexü̃́ naxwa̱xexü̃, rü ta̱xacü nixĩ i nape̱xewa mexü̃, rü ta̱xacü nixĩ i namaxã nataãẽxü̃ rü ta̱xacü nixĩ i aixcüma mexü̃.

1 Corintios 7:31

Rü yíxema tüxü̃́ nangẽxmaxẽ i tümaarü ngẽmaxü̃gü i ñoma i naanewa, rü tanaxwa̱xe nax ñoma taxuxü̃ma tüxü̃́ ngẽmaxü̃ãcü tamaxẽxü̃. Erü ñoma i naane i ñu̱xma nüxü̃ idauxü̃ rü paxa tá nagu̱x.

Popera ga Yudíugü ga yaxõgüxü̃ca̱x ümatüxü̃ 10:36

Rü ngẽma guxchaxü̃gü i pexca̱x íngugüxü̃, rü name nixĩ i yáxna namaxã pexĩnüe nax penaxüxü̃ca̱x i Tupanaarü ngúchaü̃ rü penayaxuxü̃ca̱x i ngẽma ãmare i pemaxã inaxunetaxü̃.

Ore i mexü̃ ga Márcu ümatüxü̃ 3:35

Erü guxãma ya texé ya naxǘxe i Tupanaarü ngúchaü̃, rü yíxema tixĩ ya chauenexẽ rü chaueya̱x rü chaué —ñanagürü.

Nüxíraxü̃xü̃ ga popera ga Pedru ümatüxü̃ 1:5

Rü ñu̱xma nax Tupanaaxü̃́ peyaxõgüxü̃, rü nüma rü norü poramaxã tá pexna nadau ñu̱xmatáta penayauxgü i ngẽma maxü̃ i taguma gúxü̃ i tá pexna naxãxü̃ i ngẽxguma nagu̱xgu i naane.

1 Tesalonicenses 4:3

Rü ngẽma Tupana naxwa̱xexü̃ nixĩ nax aixcüma namexü̃ i perü maxü̃ rü naxca̱xicatama nax pemaxẽxü̃. ¡Rü taxṹ i pexenearü ngúchaü̃ pexü rü nai i ngexü̃maxã pemaxẽ!

Ore i mexü̃ ga Cuáü̃ ümatüxü̃ 4:14

Natürü texé ya yíxema choma tá tüxna chaxãxü̃ i dexáwa axexe, rü tagutáma wena tita̱xawa. Erü ngẽma dexá i choma tá tüxna chaxãxü̃ rü wüxi ya puchu ya guxü̃guma ibaibecürüxü̃ tá nixĩ i tümawa, erü ngẽma dexáwa nangẽxma i maxü̃ i taguma gúxü̃ —ñanagürü.

Wiyaegü 143:10

¡Rü choxü̃ nangu̱xẽxẽ nax chanaxüxü̃ca̱x i curü ngúchaü̃! Erü cuma nixĩ i chorü Tupana quixĩxü̃. Rü chanaxwa̱xe i cuãxẽ i üünexü̃ rü mexü̃ i nacümagu choxü̃ nixũxẽxẽ.

Ore i mexü̃ ga Matéu ümatüxü̃ 7:21

Rü tama guxü̃ma i duü̃xü̃gü i nügü ixugüxü̃ nax chorü duü̃xü̃gü yixĩgüxü̃ rü tá nichocu i ngextá Tupana ãẽ̱xgacü ixĩxü̃wa. Rü yíxema aixcüma Chaunatü ya dauxü̃gucüarü ngúchaü̃ ügüxexicatama tá tixĩ i ngéma ichocuxe.

Popera ga Chantiágu ümatüxü̃ 4:14

Pema rü tama nüxü̃ pecua̱x nax ta̱xacü tá pexü̃ üpetüxü̃ i moxü̃. ¿Ta̱xacü nixĩ i perü maxü̃? Perü maxü̃ rü tá inayarüxo ñoma wüxi i cherena i paxaãchi nüxü̃ idauxü̃ rü ngẽxgumatama ngupetüxü̃rüxü̃.

Ore i mexü̃ ga Cuáü̃ ümatüxü̃ 6:58

Marü pemaxã nüxü̃ chixu nax choma rü paũ i daxũwa ne ũxü̃ chixĩxü̃. Natürü choma rü tama yema paũ ga maná ga nũxcümaü̃güxü̃ ga perü o̱xigü ngõ̱xgüxü̃rüxü̃ chixĩ. Yerü woo ga yema paũ nax nangõ̱xgüxü̃ ga perü o̱xigü rü nayueamatama. Natürü texé ya choxü̃ yaxúxe, ñoma paũ tangṍxü̃rüxü̃, rü choxü̃́ yaxṍxe rü guxü̃gutáma tamaxü̃ —ñanagürü.

Ore i mexü̃ ga Matéu ümatüxü̃ 21:31

Rü ñu̱xma, Pa Chacherdótegüarü Ãẽ̱xgacügü rü Yudíugüarü Ãẽ̱xgacügüx, ¡rü chomaxã nüxü̃ pixu rü ngexcürüücü ga gumá taxre ga nane ga aixcüma naxücü ga yema nanatü naxwa̱xexü̃! —ñanagürü. Rü nümagü nanangãxü̃gü rü ñanagürügü: —Gumá nüxíra namuãcü nixĩ ga naga ĩnücü —ñanagürügü. Rü yexguma ga Ngechuchu rü ñanagürü nüxü̃: —Aixcüma pemaxã nüxü̃ chixu rü ngẽma yatügü i Rómaarü ãẽ̱xgacüca̱x diẽru ngĩxü̃ dexü̃ rü ngẽma ngexü̃gü i naxü̃nemaxã taxexü̃ tá nixĩ i nüxíra pexü̃pa ichocuxü̃ ya Tupana ãẽ̱xgacü íxĩxü̃wa.

1 Tesalonicenses 5:18

¡Rü woo ta̱xacü pexü̃ ngupetügu, rü Tupanana moxẽ pexãgü! Erü ngẽma nixĩ ya Tupana naxwa̱xexü̃ nax penaxüxü̃ i pema ya Ngechuchu ya Cristuarü duü̃xü̃gü nax pixĩgüxü̃.

Colosenses 4:12

Rü ngẽxgumarüxü̃ ta pexü̃ narümoxẽ i Epáparu. Rü nüma rü petanüxü̃ nixĩ, rü aixcüma nanaxü i Cristuarü puracü. Rü nüma rü guxü̃guma norü yumüxẽwa Tupanaxü̃ naca̱xaxü̃ pexca̱x nax tama nüxna pixĩgachixü̃ca̱x i norü ore rü peyaxõgüamaxü̃ca̱x rü aixcüma penaxüxü̃ca̱x i ngẽma Tupanaarü ngúchaü̃.

Ucu̱xẽgüchiga 10:25

Ngẽma yatü i chixexü̃gu maxü̃xü̃ rü tá inarütaxu i ngẽxguma naxca̱x ínanguxgu i guxchaxü̃gü i ñoma buanecü ya taxüchicürüxü̃ ixĩxü̃, natürü yimá yatü ya mea maxü̃cü, rü taguma inayangu i ngẽxguma guxchaxü̃ naxca̱x ínguxgu.

Colosenses 1:9

Rü ngẽmaca̱x i toma ga noxritama pexü̃ tacuáchigagu, rü taguma nüxü̃ tarüchau nax pexca̱x tayumüxẽgüxü̃. Rü guxü̃guma Tupanana naxca̱x tacagü nax mea pexü̃ nüxü̃ nacua̱xẽẽxü̃ca̱x i ngẽma norü ngúchaü̃ nax penaxüxü̃. Rü ngẽxgumarüxü̃ ta nüxna naxca̱x taca nax pexna naxããxü̃ca̱x i naguxü̃raü̃xü̃ i cua̱x i Naãxẽ ya Üünexü̃wa ne ũxü̃.

Ore i mexü̃ ga Cuáü̃ ümatüxü̃ 7:17

Ngẽxguma texé naxüxchaü̃gu i Tupanaarü ngúchaü̃ rü tá nüxü̃ tacua̱x rü aixcüma Tupanaxü̃tawa chanayaxu i ngẽma chorü ngu̱xẽẽtae rü ẽ̱xna chaugüxü̃tawatama chanayaxu i ngẽma.

Wiyaegü 90:9

Rü ngẽmagagu i curü nu rü toétü nangu rü torü maxü̃ rü paxãma nagu̱x. Rü ñoma wüxi i ngü̃ãcüürüxü̃ paxãma naxüpetü ya torü taunecügü.

Wiyaegü 39:6

Rü wüxichigüarü maxü̃ rü ñoma wüxi i gáuxchipeta i ngupetüxü̃rüxü̃ nixĩ. Rü natüca̱xma nananutaque̱xe i norü ngẽmaxü̃gü, natürü tama nüxü̃ nacua̱x i texéarü tá yixĩxü̃ i nawena.

Wiyaegü 102:26

Rü guxü̃ma i ngẽma rü tá inayarüxo, natürü i cuma rü guxü̃gutáma cunaxa̱i̱xrügumaraxü̃. Rü ñoma i naane rü ngẽma dauxü̃wa nüxü̃ idauxü̃ rü wüxi i naxchirurüxü̃ tá nangau. Rü cuma rü tá cunaxüchicüxü rü ñoma wüxi i duü̃xü̃ i naxchiru i ngauxü̃ ítáxü̃ rü ngexwaca̱xü̃xü̃ i naxchirugu icúxü̃rüxü̃ tá nixĩ.