Nüxíraxü̃xü̃ ga popera ga Cuáü̃ ümatüxü̃ 2:16 - Tupanaarü Ore

¹⁶ Erü guxü̃ma i ngúchaü̃gü i ñoma i naanewa ngẽxmagüxü̃ rü ñoma i naanearütama nixĩ rü tama Tupanaarü nixĩ. Rü ngẽma nixĩ i taxü̃nearü ngúchaü̃gü, rü taxetüarü ngúchaü̃gü, rü diẽrumaxã yigü icua̱xüü̃güxü̃.

Nüxíraxü̃xü̃ ga popera ga Cuáü̃ ümatüxü̃ 2:16 Referans Kwoze

Romanos 13:14

Rü name i nacüma pexĩ i tórü Cori ya Ngechuchu ya Cristu. Rü tama name i naxca̱x pedau nax pexenearü ngúchaü̃gu pexĩxü̃.

Gálatas 5:17

Erü ngẽma taxü̃nearü ngúchaü̃ rü tama Tupanaãxẽ i Üünexü̃arü ngúchaü̃maxã nawüxigu. Rü ngẽma Tupanaãxẽ i Üünexü̃arü ngúchaü̃ rü tama taxü̃nearü ngúchaü̃maxã nawüxigu. Erü ngẽma taxre i ngúchaü̃gü, rü nügüchi naxaie erü wüxichigü rü tamaxã inacuáxchaü̃. Rü ngẽmaca̱x i pema rü taxucürüwa penaxü i ngẽma pematama penaxwa̱xexü̃.

Naanearü ügüchiga 3:6

Rü yexguma ga yema nge rü nüxü̃ idawenü ga yema nanetüarü o rü ngĩxü̃́ nangúchaü̃ ga nax nangṍoxü̃ nax yemaacü cua̱x ngĩxü̃́ yexmaxü̃ca̱x. Rü iyacawe ga wüxipü̱xü ga norü o rü inangõ̱x. Rü ñu̱xũchi ngĩtemaxã ingau rü nüma rü ta nanangõ̱x.

Ucu̱xẽgüchiga 27:20

Ngẽma yu rü ngẽma naxma̱xü̃, rü taguma nüxü̃́ tingu ega woo ñuxre ya duü̃xẽ yuegu. Rü ngẽxgumarüxü̃ ta nixĩ ya yima yatüxetü nax taguma nüxü̃́ yanguxü̃ nax nüxü̃́ nangúchaü̃xü̃ ega ta̱xacüxü̃ nada̱u̱xgu.

Efesios 2:3

Rü guxãma ga yixema rü yemaacü chixexü̃gu tamaxẽ ga ü̃pa. Rü tóxrütama ngúchaü̃ ga chixexü̃we tarüxĩ, rü nagu taxĩ ga yema taxü̃ne naxwa̱xexü̃ rü yema taãxẽ nagu rüxĩnüxü̃. Rü yemagagu tüxna nangu i ngẽma poxcu ya Tupana norü numaxã mexẽẽxü̃ naxca̱x i guxü̃ma i ngẽma tama naga ĩnüexü̃.

Popera ga Chantiágu ümatüxü̃ 3:15

Erü ngẽma nax ixãũxãchiwa̱xegüxü̃ rü duü̃xü̃güchi nax ixaiexü̃ rü togüarü yexera yigü nax ixĩgüxẽẽchaü̃xü̃, rü tama Tupanawa ne naxũ, natürü ñoma i naanearü ĩnüwa rü ngo̱xo i Chatanáwa nixĩ i ne naxũxü̃.

Nüxíraxü̃xü̃ ga popera ga Pedru ümatüxü̃ 2:11

Pa Chauenexẽgü ya Pexü̃ Changechaü̃güxe, ñu̱xma nax paxaãchimare ñoma i naanewa pengẽxmagüxü̃, rü ngẽmaca̱x pexü̃ chaca̱xaxü̃ nax nüxü̃ perüxoexü̃ca̱x i guxü̃ma i ngẽma ngúchaü̃gü i chixexü̃ i ñoma i naanecüã̱x nagu ĩxü̃. Erü ngẽma ngúchaü̃gü rü chixexü̃gu nanagu̱xẽẽchaü̃ i peãxẽ.

Norü taxre ga popera ga Pedru ümatüxü̃ 2:10

Rü Tupana rü aixcüma tá nanapoxcue i ngẽma ngu̱xẽẽruü̃netagü i naxü̃nearü ngúchaü̃gu ĩxü̃ i tama naga ĩnüechaü̃xü̃ ya tórü Cori. Rü ngẽma ngu̱xẽẽruü̃netagü rü taxúegama naxĩnüechaü̃, rü nadauxcüraxü̃wa̱xegü. Rü tama namuü̃e nax namaxã naguxchigagüxü̃ i ngẽma ãẽ̱xgacügü i daxũcüã̱x. Rü ngẽmaãcü namaxẽ i ngẽma ngu̱xẽẽruü̃netagü. Natürü woo Tupanaarü orearü ngeruü̃gü i daxũcüã̱x i ngẽma ngu̱xẽẽruü̃netagüxü̃ rüyexeraxüchichiréxü̃, rü namuü̃e nax ngẽmaãcü namaxã naguxchigagüxü̃ i ngẽma ãẽ̱xgacügü i daxũcüã̱x.

Yochué 7:21

Rü Yericúwa nüxü̃ chadau ga wüxi ga mexẽchixü̃ ga naxchiru ga Babiróniacüã̱xarü ü rü 200 tachinü ga diẽru, rü wüximena̱xã ga úiru ga ngãxü̃ ga quíruarü yexera yaxü̃. Rü choxü̃́ nangúchaü̃ ga yema yemaxü̃gü, rü yemaca̱x chaugüxü̃́ chanade, rü chauchiü̃machiãgu chanata̱xgü. Rü ngẽma diẽrutachinügü rü aixepeguama chananu —ñanagürü.

Popera ga Títoca̱x naxümatüxü̃ ga Pauru 2:12

Rü Tupana rü tamaxã namecüma rü ngẽmawa nüxü̃ tacua̱x nax namexü̃ nax nüxü̃ rüxoexü̃ i ñoma i naanecüã̱xarü ngúchaü̃gü rü guxü̃ma i togü i chixexü̃gü i nape̱xewa ixügüxü̃. Rü ngẽma Tupana taxca̱x üxü̃ tüxü̃ nangu̱xẽxẽ nax mea yigümaxã icua̱xgüãcüma duü̃xü̃güpe̱xewa rü Tupanape̱xewa mea imaxẽxü̃ i ñoma i naanewa.

Wiyaegü 78:18

Rü nüxü̃ naxügümarechaü̃, rü yemaca̱x naxca̱x ínacagü ga namachi ga nüxü̃́ chi̱xéga.

Norü taxre ga popera ga Pedru ümatüxü̃ 2:18

Rü ngẽma ngu̱xẽẽruü̃netagü rü nügü yacua̱xüü̃güãcüma ore i taxuwama mexü̃maxã nidexagü. Rü tüxü̃ nixucu̱xẽgü nax tümaxü̃nearü ngúchaü̃gu taxĩxü̃ca̱x ya yíxema ngexwaca nüxü̃ rüxoexe i ngẽma chixexü̃ i nacüma.

Nüxíraxü̃xü̃ ga popera ga Pedru ümatüxü̃ 1:14

Rü ñu̱xma nax Tupanaxacügü pixĩgüxü̃, rü penaxwa̱xe nax naga pexĩnüexü̃. Rü tama name i nagu pexĩ ga yema perü ngúchaü̃ ga ü̃pa nagu pexĩxü̃ ga yexguma tauta Tupanaxü̃ pecua̱xgu.

Popera ga Títoca̱x naxümatüxü̃ ga Pauru 3:3

Yerü ga ü̃pa ga yixema rü ta rü chixexü̃gu tamaxẽ, rü tama Tupanaga taxĩnüe. Rü itayarütauxe rü naguxü̃raü̃xü̃ i tórü ngúchaü̃ tamaxã inacua̱x. Rü chixexü̃gu rüxĩnüeãcüma tamaxẽ rü taxãũxãchiwa̱xegü. Rü yigütanüwa yigüchi taxaie.

Ore i mexü̃ ga Matéu ümatüxü̃ 5:28

Natürü choma rü pemaxã nüxü̃ chixu, rü texé ya wüxi ya ngexü̃xü̃ dawenüxẽ rü tüxü̃́ nangúchaü̃xe nax ngĩmaxã tamaxü̃xü̃, rü tümaãẽwa marü ngĩmaxã tamaxü̃.

Wiyaegü 73:6

Rü ngẽma nax nügü yacua̱xüü̃güxü̃ rü norü nga̱xãẽxü̃ruxü̃ nixĩ. Rü ngẽma dai rü guxü̃guma naãẽwa nangẽxma.

Yox 31:1

Rü nüma ga Yox rü nidexachigüama rü ñanagürü: —Choma rü meama chaugüna chayanuxü̃ nax tama choxü̃́ nangúchaü̃xü̃ca̱x i pacügü.

Ore i mexü̃ ga Luca ümatüxü̃ 4:5

Rü yexguma ga ngo̱xo ga Chataná rü wüxi ga ma̱xpǘnechitaeruwa nanaga. Rü yéma paxaãchi nüxü̃ nüxü̃ nadauxẽxẽ ga guxü̃ma ga nachixü̃anegü ga ñoma ga naanecüã̱x.

Gálatas 5:24

Rü ngẽma aixcüma Ngechuchu ya Cristuarü duü̃xü̃gü ixĩgüxü̃, rü marü nüxü̃ narüxoe ga naxü̃nearü ngúchaü̃gü, rü guxü̃ma ga yema ngúchaü̃gü ga tama mexü̃.

Iraétanüxü̃arü muxchiga 11:4

Rü yema Iraétanüxü̃tanüwa nayexmagü ga togü ga duü̃xü̃gü ga chibüguxicatama rüxĩnüexü̃. Rü yema duü̃xü̃gü nixĩ ga nüxna cua̱xãchiexü̃ ga yema õna ga Equítuanewa nangõ̱xgüxü̃. Rü nüma ga Iraétanüxü̃ rü düxwa yemaga naxĩnüe rü yemaca̱x nidexagü rü ñanagürügü: —Chierüx tüxü̃́ nangẽxmagu i namachi nax nangṍxü̃ca̱x.

Ore i mexü̃ ga Matéu ümatüxü̃ 4:8

Rü yexguma ga nüma ga ngo̱xo ga Chataná rü wüxi ga ma̱xpǘne ga máchanexü̃chinewa nanaga. Rü yéma Ngechuchuxü̃ nanawe̱x ga guxü̃nema ga ñoma ga naanecüã̱x ga nachixü̃anegü nax ñuxãcü yamexẽchixü̃.

Wiyaegü 78:30

Natürü yexguma yexwacax yangugügutama rü naã̱xwatama nayexmagüyane ga nawemü, rü Tupana norü numaxã nanapoxcue. Rü yema yatügü ga rüporamaegüxü̃xü̃ nadai. Rü yemaacü nanayuexẽxẽ ga yema rümemaegüxü̃ ga yatügü ga Iraétanüxü̃.

Iraétanüxü̃arü muxchiga 11:34

Rü yemaca̱x nixĩ ga Quibúx-ataabámaxã naxüégagüãxü̃, yerü yexma nixĩ ga nata̱xgüxü̃ ga yema duü̃xü̃gü ga namachigu rüxĩnüexü̃.

Ucu̱xẽgüchiga 6:25

¡Taxṹ i norü mechametüca̱x, rü norü mexeneca̱x cugüxü̃́ cunangúchaü̃xẽxẽxü̃, rü taxṹ i cuxü̃ yayauxãxẽxü̃ ega cuxü̃ nadawenügu!

1 Corintios 10:6

Rü guxü̃ma ga yema nüxü̃ ngupetüxü̃ ga yema duü̃xü̃gü rü tórü cua̱xruxü̃ nixĩ nax tama chixexü̃ca̱xama idaugüxü̃ naxrüxü̃ ga tórü o̱xigü.

Naanearü ügüchiga 6:2

Rü yexguma Tupanaarü duü̃xü̃gü ngĩxü̃ daugügu ga yema ngecügü nax yamexẽchixü̃, rü ngĩxü̃ nidexechi ga yema nüxü̃́ ngúchaü̃cü nax ngĩmaxã yaxãmaxü̃ca̱x.

Popera ga Chantiágu ümatüxü̃ 4:16

Natürü i pema rü ngẽxguma pidexagügu rü pegü picua̱xüü̃gü. Rü guxü̃ma i ngẽma nax pegü picua̱xüü̃güxü̃ rü tama name.