Nüxíraxü̃xü̃ ga popera ga Cuáü̃ ümatüxü̃ 2:14 - Tupanaarü Ore

¹⁴ Pa Chauxacügüx, pexca̱x chanaxümatü erü marü nüxü̃ pecua̱xgü ya Tanatü ya Tupana. Pa Papágüx, pexca̱x chanaxümatü erü marü nüxü̃ pecua̱xgü ya gumá noxriarü ügügumama yexmacü. Pa Ngextü̱xücügüx, pexca̱x chanaxümatü erü peporae, rü peãẽwa nangẽxmaecha i Tupanaarü ore, rü marü nüxü̃ perüyexera i ngẽma chixexü̃arü üruxü̃ i Chataná.

Nüxíraxü̃xü̃ ga popera ga Cuáü̃ ümatüxü̃ 2:14 Referans Kwoze

Wiyaegü 119:11

Rü chauãẽgu namaxã changuxü̃ i curü ore nax tama cupe̱xewa chixexü̃ chaxüxü̃ca̱x.

Nüxíraxü̃xü̃ ga popera ga Cuáü̃ ümatüxü̃ 2:13

Pa Papágüx, pexca̱x chanaxümatü i ñaa ore erü marü nüxü̃ pecua̱x ga gumá noxriarü ügügumama yexmacü. Pa Ngextü̱xücügüx, pexca̱x chanaxümatü erü marü nüxü̃ perüyexera i Chataná i chixexü̃arü üruxü̃.

Colosenses 3:16

Rü name nixĩ i guxü̃guma peãẽwa nangẽxma i Cristuarü ore i taãxẽ pexna ãxü̃. Rü name nixĩ i nüxü̃ pecuáãcüma ngẽma oremaxã pegü pengúexẽxẽ rü pegü pixucu̱xẽgü. Rü name nixĩ i Tupanana moxẽ pexãgüãcüma nagu pewiyaegü i naguxü̃raü̃xü̃ i norü wiyaegü.

Ore i mexü̃ ga Cuáü̃ ümatüxü̃ 15:7

Rü ngẽxguma chowa peyaxũ̱xgüechagu rü taguma nüxü̃ ipeyarüngümaegu i ngẽma ore i pexü̃ changúexẽẽxü̃, rü marü name i naxca̱x ípeca i ta̱xacü i penaxwa̱xexü̃, rü choma rü tá pexna chanaxã.

Efesios 6:10

Rü ñu̱xmax, Pa Chauenexẽgüx, rü name nixĩ i pegü peporaexẽxẽ namaxã i ngẽma pora i tórü Coriwa ne ũxü̃.

Ore i mexü̃ ga Cuáü̃ ümatüxü̃ 8:31

Rü yexguma ga Ngechuchu rü ñanagürü nüxü̃ ga yema Yudíugü ga nüxü̃́ yaxõgüxü̃: —Ngẽxguma pema meama peyaxõgüechagu i ngẽma pemaxã nüxü̃ chixuxü̃, rü aixcümaxü̃chi tá chorü ngúexü̃gü pixĩgü.

Ore i mexü̃ ga Cuáü̃ ümatüxü̃ 5:38

Rü ngẽma Chaunatüarü ore rü tama peãẽwa nixücu, erü tama nüxü̃́ peyaxõgü ya yimá Chaunatü núma namucü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:7

Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü. Rü yíxema nüxü̃ rüporamaexẽ i chixexü̃ rü tá tüxü̃ chanangõ̱xẽxẽ i norü o i ngẽma ori̱x i tüxü̃ maxẽxẽxẽxü̃ i Tupanaarü ori̱xnecüwa ngẽxmaxü̃’ ”, ñanagürü.

Norü tomaepü̱x ga popera ga Cuáü̃ ümatüxü̃ 1:3

Rü poraãcü chataãxẽ ga yexguma núma naxĩxgu ga ñuxre ga taenexẽgü, rü chomaxã nüxü̃ yaxugügu nax guxü̃guma mea naga cuxĩnüxü̃ i Tupanaarü ore i aixcüma ixĩxü̃.

Norü taxre ga popera ga Cuáü̃ ümatüxü̃ 1:2

Pexü̃ changechaü̃ erü toxrüxü̃ nüxü̃ pecua̱x i ngẽma ore i aixcüma ixĩxü̃ i guxü̃gutáma tawa ngẽxmaxü̃.

Popera ga Yudíugü ga yaxõgüxü̃ca̱x ümatüxü̃ 8:10

Natürü ngẽma ngunexü̃güwena rü wena tá ngẽma Iraétanüxü̃maxã ichaxuneta. Rü ñaãcü tá nixĩ i namaxã ichaxunetaxü̃: ‘Choma rü tá meama ngẽma duü̃xü̃güxü̃ nüxü̃ chacua̱xẽxẽ i chorü mugü nax aixcüma naãxẽwa rü norü maxü̃wa nangẽxmagüxü̃ca̱x. Rü choma rü tá norü Tupana chixĩ, rü nümagü rü tá chorü duü̃xü̃gü nixĩgü’.

Colosenses 1:11

Rü nüxna naxca̱x tacagü nax norü pora i mexẽchixü̃maxã pexü̃ naporaexẽẽxü̃ca̱x nax ngẽmaãcü guxü̃ma i guxchaxü̃gümaxã peporaexü̃ca̱x rü yáxna namaxã pexĩnüexü̃ca̱x rü petaãẽgüxü̃ca̱x.

Norü taxre ga popera ga Timutéuca̱x naxümatüxü̃ ga Pauru 2:1

Rü ñu̱xma, Pa Chaune, Pa Timutéux, ¡rü cugü naporaxẽxẽ namaxã i ngẽma pora ya Ngechuchu ya Cristu tüxna ãxü̃!

Filipenses 4:13

Rü Cristu nixĩ ya choxü̃ poraxẽẽcü, rü ngẽmaca̱x chomaxã nanguxü̃ nax chanaxüxü̃ i guxü̃ma i ngẽma Tupana naxwa̱xexü̃ nax chanaxüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:3

Rü woo guxchaxü̃gü cuxca̱x ínguxgu, natürü cunaxüama i ngẽma puracü i cha̱u̱xca̱x cuxüxü̃. Rü woo chaugagu ngúxü̃ quinge, natürü yáxna namaxã cuxĩnü, rü tama nüxü̃ curüchau.

Nüxíraxü̃xü̃ ga popera ga Cuáü̃ ümatüxü̃ 1:10

Natürü ngẽxguma chi ñagügu: “Tangearü pecaduã̱xgü”, ñagügu, rü dorata̱a̱x nüxü̃ tawogü ya Tupana rü tama aixcüma tawa nangẽxma i norü ore.

Ore i mexü̃ ga Cuáü̃ ümatüxü̃ 8:37

Marü nüxü̃ chacua̱x nax Abraáü̃taxa pixĩgüxü̃ i pemax. Natürü choxü̃ pima̱xgüchaü̃ erü tama aixcüma peyaxõgü i ngẽma ore i pemaxã nüxü̃ chixuxü̃.

Nüxíraxü̃xü̃ ga popera ga Cuáü̃ ümatüxü̃ 1:1

Pexca̱x tanaxümatü nachiga ya yimá woetama marü nüxíra yexmacü ga yexguma tauta naane ü̱xgu. Rü toma ga norü ngúexü̃gü nax tixĩgüxü̃, rü nüxü̃ taxĩnüe rü toxetümaxã nüxü̃ tadaugü. Rü aixcüma nüxü̃ tadaugü rü toxme̱xmaxã nüxü̃ tingõgügü. Rü nüma rü Ore i Maxẽxẽxẽruxü̃ nixĩ.