Nüxíraxü̃xü̃ ga popera ga Cuáü̃ ümatüxü̃ 2:12 - Tupanaarü Ore

¹² Pa Chauxacügüx, pexca̱x chanaxümatü erü Tupana rü Cristugagu marü pexü̃́ nüxü̃ narüngü̃ma i perü pecadugü.

Nüxíraxü̃xü̃ ga popera ga Cuáü̃ ümatüxü̃ 2:12 Referans Kwoze

Ngechuchuarü ngúexü̃gü ga yamugüxü̃arü puracüchiga 10:43

Rü guxü̃ma ga yema nũxcümaü̃güxü̃ ga Tupanaarü orearü uruü̃gü rü Ngechuchuchigaxü̃ nixugü nax yíxema nüxü̃́ yaxõgüxe rü Tupana tá tüxü̃́ nüxü̃ irüngümaxẽ i tümaarü pecadugü —ñanagürügü.

Ngechuchuarü ngúexü̃gü ga yamugüxü̃arü puracüchiga 13:38

Rü ñu̱xmax, Pa Chauenexẽgüx, rü chanaxwa̱xe i nüxü̃ pecua̱x rü yimátama Ngechuchugagu Tupana tüxü̃́ nüxü̃ narüngüma i tórü pecadugü ngẽxgumarüxü̃ i pemaxã nüxü̃ tixuxü̃rüxü̃.

Efesios 1:7

Rü Tupana rü poraãcü tüxü̃ nangechaü̃, rü yemaca̱x nanamu ga Nane nax taxca̱x nayuxü̃ rü nagü ibaxü̃ nax yemaacü tüxü̃ ínanguxü̃xẽẽü̃ca̱x rü tüxü̃́ nüxü̃ iyanangümaxü̃ca̱x ga tórü pecadugü.

Ngechuchuarü ngúexü̃gü ga yamugüxü̃arü puracüchiga 4:12

Rü yimá Ngechuchuxicatama nixĩ ya tórü maxẽxẽxẽruxü̃, erü yixicatama nixĩ ga Tupana nüxü̃ unetacü i ñoma i naanewa nax tüxü̃ namaxẽxẽẽxü̃ca̱x —ñanagürü ga Pedru.

Wiyaegü 106:8

Natürü nüma ga Tupana rü Equítuanecüã̱xarü ãẽ̱xgacüme̱xẽwa ínananguxü̃xẽẽama yerü taxucürüwama inayanaxoxẽxẽ ga norü uneta ga marü Abraáü̃maxã nüxü̃ yaxuxü̃.

Colosenses 1:14

Rü gumá Nanegagu nixĩ ga tüxü̃ namaxẽxẽẽxü̃ rü tüxü̃́ nüxü̃ iyanangümaxü̃ ga tórü pecadugü.

Wiyaegü 25:11

Pa Cori Pa Tupanax, nata i chorü chixexü̃ i cupe̱xewa chaxüxü̃ ¡Rü choxü̃́ nüxü̃ irüngüma i ngẽma nax taxúema chixri cuchiga idexaxü̃ca̱x!

Nüxíraxü̃xü̃ ga popera ga Cuáü̃ ümatüxü̃ 1:7

Natürü ngẽxguma chi Tupanarüxü̃ ngóonexü̃wa imaxẽgu, rü yigütanüxü̃ tixĩgü, rü Tupana Nane ya Ngechuchu rü nagümaxã tüxü̃́ inayanaxoxẽxẽ i guxü̃ma i pecadugü.

Nüxíraxü̃xü̃ ga popera ga Cuáü̃ ümatüxü̃ 1:4

Rü ngẽmaca̱x pexca̱x tanaxümatü i ñaa ore nax wüxigu aixcüma itaãẽgüxü̃ca̱x.

Ore i mexü̃ ga Luca ümatüxü̃ 24:47

Rü yematama ore i ümatüxü̃wa nüxü̃ nixu rü yimá Cristuégagu tá nixĩ i nüxü̃ yaxugüxü̃ i ore i mexü̃. Rü Yerucharéü̃wa tá inaxügü i ngẽma ñu̱xmatáta guxü̃ i naanewa nangu nax ngẽmaãcü duü̃xü̃gü nüxü̃ rüxoexü̃ca̱x i nacüma i chixexü̃ nax Tupana nüxü̃́ nüxü̃ rüngü̃maxü̃ca̱x i norü pecadugü.

Ore i mexü̃ ga Luca ümatüxü̃ 5:20

Rü yexguma Ngechuchu nüxü̃ da̱u̱xgu nax aixcüma nüxü̃́ yaxõgüãxü̃ ga yema yatügü ga nawãĩxãchicüxü̃ yéma rüchü̱xüxüetaü̃güxü̃, rü ñanagürü gumá nawãĩxãchicüxü̃: —Pa Yatüx, marü cuxü̃́ nüxü̃ charüngüma i curü pecadugü —ñanagürü.

Nüxíraxü̃xü̃ ga popera ga Cuáü̃ ümatüxü̃ 2:21

Rü tama nax tama nüxü̃ pecuáxü̃ i ngẽma ore nixĩ i pexca̱x chanaxümatüxü̃. Rü pema rü marü meama nüxü̃ pecua̱x i ngẽma ore i aixcüma ixĩxü̃, rü ngẽmaca̱x nixĩ i pexca̱x chanaxümatüxü̃. Rü pema nüxü̃ pecua̱x rü ngẽma ore i aixcüma ixĩxü̃wa rü taxucürüwama dora nawa ne naxũ.

Yeremía 14:7

Rü nüma ga Yeremía rü Cori ya Tupanaxü̃ ñanagürü: —¡Pa Corix, nüxü̃ tacua̱x nax cupe̱xewa poraãcü chixexü̃ taxüxü̃, natürü tanaxwa̱xe nax toxü̃ curüngü̃xẽẽxü̃ nax ngẽmaãcü i duü̃xü̃gü cuxü̃ natachigaxẽẽxü̃ca̱x. Rü muẽ̱xpü̱xcüna tama cuga taxĩnüe rü poraãcü cupe̱xewa chixexü̃ taxü.

Nüxíraxü̃xü̃ ga popera ga Cuáü̃ ümatüxü̃ 2:7

Pa Chauenexẽgüx, ñaa Tupanaarü mu i pexca̱x chaxümatüxü̃ rü tama wüxi i ngexwaca̱xü̃xü̃ i mu nixĩ. Rü ngẽmatama mu ga noxritama peyaxõgügu peyauxgüxü̃ nixĩ i pexca̱x chaxümatüxü̃. Rü ngẽmatama mu nixĩ i ngẽma ore ga marü nüxü̃ pexĩnüexü̃.

Nüxíraxü̃xü̃ ga popera ga Cuáü̃ ümatüxü̃ 2:1

Pa Chauxacügüx, pexca̱x chanaxümatü i ñaa ore nax tama pecadu pexügüxü̃ca̱x. Natürü ngẽxguma chi wüxíe pecadu uxgu, rü Tupanape̱xewa tüxü̃́ nangẽxma ya tümaarü chogüruxü̃. Rü yimá nixĩ ya Ngechuchu ya Cristu ya aixcüma mecü ixĩcü.

Nüxíraxü̃xü̃ ga popera ga Cuáü̃ ümatüxü̃ 1:9

Natürü ngẽxguma chi Tupanamaxã nüxü̃ ixuxgu i tórü pecadugü, rü nüma ya Tupana ya ixaixcümacü rü tá tüxü̃́ nüxü̃ inarüngüma i tórü pecadugü rü tá inayanaxoxẽxẽ i guxü̃ma i tórü chixexü̃gü.

Efesios 4:32

Rü name nixĩ i pegü perüngü̃xẽẽgü rü pegümaxã pemecümagü, rü pegüxü̃́ pengechaü̃tümüxü̃gü i wüxichigü. Rü ngẽxguma petanüwa texé ta̱xacürü chixexü̃ pexca̱x ü̱xgu, rü name i tüxü̃́ nüxü̃ perüngü̃ma ya wüxíechigü, yema Cristugagu Tupana pexü̃́ nüxü̃ rüngü̃maxü̃rüxü̃ ga perü pecadugü.

1 Corintios 6:11

Rü yexgumarüü̃tama pixĩgü ga ñuxre ga pema ga ü̃pax. Natürü i ñu̱xma ya Tupana rü marü pexü̃́ ínanapi i perü chixexü̃ nax noxrüxicatama pixĩgüxü̃ca̱x. Rü ñu̱xma rü nape̱xewa pime yerü Naãxẽ ya Üünexü̃ rü tórü Cori ya Ngechuchu ya Cristuégagu marü perü pecaduna pexü̃ ínanguxü̃xẽxẽ.