Nüxíraxü̃xü̃ ga popera ga Cuáü̃ ümatüxü̃ 1:8 - Tupanaarü Ore

⁸ Ngẽxguma chi nüxü̃ ixuxgu rü: “Changearü pecaduã̱x”, ñagügu, rü yigütama tawomüxẽxẽ, rü tidoraemare.

Nüxíraxü̃xü̃ ga popera ga Cuáü̃ ümatüxü̃ 1:8 Referans Kwoze

Romanos 3:23

Rü guxãma rü pecadu taxü rü ngẽmaca̱x nüxna tayáxü̃gugü ya Tupana ya üünecü.

Popera ga Chantiágu ümatüxü̃ 3:2

Guxãma i yixema rü muẽ̱xpü̱xcüna chixexü̃ taxüe. Yimá yatü ya taguma chixexü̃xü̃ ixucü rü aixcüma mecü nixĩ, erü nüxü̃ nacua̱x nax mea nügüna nadauxü̃ nax tama chixexü̃ naxüxü̃ca̱x.

Ngu̱xẽẽtaeruü̃arü ore 7:20

Natürü ñoma i naanewa rü tataxuma ya texé aixcüma mea maxü̃́xẽ rü guxü̃guma mexü̃ üxe rü taguma chixexü̃ üxe.

Ichaía 53:6

Rü guxãma i yixema rü itarütauxe ñoma carnérugü irütauxexü̃rüxü̃. Yerü wüxichigü ga yixema rü nagu taxĩ ga tóxrütama ngúchaü̃. Natürü nüma ga Cori ya Tupana rü gumá norü duü̃cüxü̃ nayangexẽxẽ ga guxü̃ma ga tórü chixexü̃gü.

Nüxíraxü̃xü̃ ga popera ga Cuáü̃ ümatüxü̃ 2:4

Natürü ngẽxguma chi wüxíe ñagügu: “Choma rü Tupanaxü̃ chacua̱x”, ñagügu, natürü tama naga taxĩnügu i ngẽma norü mugü, rü wüxi i dorata̱xáxü̃ tixĩ rü tama nawa nangexma i ngẽma ore i aixcüma ixĩxü̃.

Nüxíraxü̃xü̃ ga popera ga Cuáü̃ ümatüxü̃ 1:10

Natürü ngẽxguma chi ñagügu: “Tangearü pecaduã̱xgü”, ñagügu, rü dorata̱a̱x nüxü̃ tawogü ya Tupana rü tama aixcüma tawa nangẽxma i norü ore.

Ucu̱xẽgüchiga 20:9

Taxucürüwa texé tügü tixu rü ñatagürü: —Chorü maxü̃ rü aixcüma name rü changearü pecaduã̱x —ñatagürü.

Yox 15:14

Rü nataxuma i yatü i aixcüma mea maxü̃xü̃ rü bai i nangẽxmaxü̃ i yatü i ngearü chixexü̃ã́xü̃.

Gálatas 6:3

Rü ngẽxguma texé nagu rüxĩnügu nax tachigacü tixĩxü̃, rüẽ̱xna woo taxuxü̃machire̱x tixĩxgu, rü tügütama tawomüxẽxẽ.

Ichaía 64:6

Rü guxãma i toma rü cupe̱xewa duü̃xü̃gü i ixãũãchixü̃ tixĩgü. Rü woo i ngẽma taxüxü̃ i toxca̱x mexü̃, rü cupe̱xewa rü ñoma wüxi i wexa i ãũãchixü̃rüxü̃ nixĩ. Rü guxãma chixexü̃gu tayi ñoma naixatügü i pagüxü̃ irüyi̱xixü̃rüxü̃. Rü torü chixexü̃gü rü toxü̃ nigagü ñoma buanecü i ta̱xacü ngextá cuegüxü̃rüxü̃.

Wiyaegü 143:2

¡Rü taxṹ i choxna naxca̱x cucaxü̃ i chorü chixexü̃gü nax poxcu chomaxã cuxueguxü̃ca̱x! Erü cupe̱xewa rü tataxuma ya texé ya tama nüxü̃ cuáxe nax chixexü̃ taxüxü̃.

Popera ga Chantiágu ümatüxü̃ 1:26

Rü ngẽxguma chi wüxíe tügü ixuxgu nax wüxi i ore i mexü̃ tixõxü̃ natürü tama nüxna tada̱u̱xgu ya tümaarü conü, rü tügütama tawomüxẽxẽ rü taxuwama name i ngẽma ore i tixõxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:5

Rü ngẽmaãcü i ngẽma duü̃xü̃gü i chixeãẽgüxü̃, rü nügümaxã nanueecha, rü tama nüxü̃ nacua̱xgü i ngẽma ore i aixcüma ixĩxü̃, rü nagu narüxĩnüe rü Tupanaarü orewa yixĩxü̃ i diẽru ngĩxü̃ nayauxgüxü̃.

Yox 25:4

¿Rü wüxi i duü̃xü̃ rü ñuxãcü tá Tupanape̱xewa nügü nixu nax nangearü pecaduã́xü̃? ¿Rü wüxi i duü̃xü̃ i wüxi ya ngexewa buxü̃ rü ñuxãcü tá nügü nixu nax nataxuxũma i norü chixexü̃?

Nüxíraxü̃xü̃ ga popera ga ãẽ̱xgacügüchiga 8:46

Rü ngẽxguma curü duü̃xü̃gü guxü̃ i duü̃xü̃gürüxü̃ cupe̱xewa chixexü̃ naxügügu rü ngẽmaca̱x namaxã cunuxgu, rü norü uanügüme̱xẽgu cunayixẽẽgu nax ngẽmaãcü to i nachixü̃ane i yáxü̃guxü̃wa rüe̱xna ngaicamaguxü̃wa nagagüãxü̃ca̱x,

1 Corintios 3:18

Tama name i texé tügütama tawomüxẽxẽ. Rü ngẽxguma petanüwa texé tügügu rüxĩnügu nax aixcüma nüxü̃ tacuáxü̃ i ñoma i naanearü cua̱x, rü name nixĩ i ñoma taxuxü̃ma tacuáxü̃rüxü̃ tügü tixĩxẽxẽ. Rü ngẽxguma tá nixĩ i wüxi i duü̃xü̃ i aixcüma nüxü̃ cuáxe tixĩxü̃.

Yox 14:4

Rü taxúema tümamaxã nanguxü̃ nax wüxi i chixexü̃wa tanayaxuxü̃ i ta̱xacü i mexü̃.

Norü taxre ga to ga popera ga ãẽ̱xgacügüchiga ümatüxü̃ 6:36

Rü ngẽxguma curü duü̃xü̃gü guxü̃ i duü̃xü̃gürüxü̃ cupe̱xewa chixexü̃ ügügu rü ngẽmaca̱x namaxã cunuxgu, rü norü uanügüme̱xẽgu cunayixẽxẽgu nax ngẽmaãcü to i nachixü̃ane i yáxü̃guxü̃wa rüe̱xna ngaicamaxü̃guxü̃wa nagagüãxü̃ca̱x,

Norü taxre ga popera ga Cuáü̃ ümatüxü̃ 1:2

Pexü̃ changechaü̃ erü toxrüxü̃ nüxü̃ pecua̱x i ngẽma ore i aixcüma ixĩxü̃ i guxü̃gutáma tawa ngẽxmaxü̃.

Nüxíraxü̃xü̃ ga popera ga Cuáü̃ ümatüxü̃ 1:6

Rü ngẽxguma chi: “Tanatü ya Tupanatanüxü̃ tixĩgü”, ñagügu, natürü ẽanexü̃wa imaxẽgu, rü tidoraemare rü tama tixaixcümagü.

Popera ga Chantiágu ümatüxü̃ 1:22

Rü tama name i iperüxĩnüemare i ngẽma ore, natürü name nixĩ i penaxü i ngẽma pemaxã nüxü̃ yaxuxü̃. Erü ngẽxguma iperüxĩnüemaregu rü tama penaxü̱xgu, rü pegütama pewomüxẽẽgümare.

Norü taxre ga popera ga Timutéuca̱x naxümatüxü̃ ga Pauru 3:13

Natürü ngẽma yatügü i chixexü̃gu maxẽxü̃ rü ngẽma idorata̱a̱xgüxü̃ rü yexeraxü̃ i chixexü̃ tá naxügü. Erü nümagü rü tá togüxü̃ nawomüxẽẽgü, rü ngẽxgumarüxü̃ ta i ngẽma togü rü tá nayawomüxẽxẽgü.

Yox 9:2

—Choma rü meama nüxü̃ chacua̱x i guxü̃ma i ngẽma nüxü̃ quixuxü̃. Rü aixcüma nixĩ nax Tupanape̱xewa rü nataxuxü̃ ya yatü ya ngearü chixexü̃ã́cü.

Norü tomaepü̱x ga popera ga Cuáü̃ ümatüxü̃ 1:3

Rü poraãcü chataãxẽ ga yexguma núma naxĩxgu ga ñuxre ga taenexẽgü, rü chomaxã nüxü̃ yaxugügu nax guxü̃guma mea naga cuxĩnüxü̃ i Tupanaarü ore i aixcüma ixĩxü̃.

Norü taxre ga popera ga Pedru ümatüxü̃ 2:13

Rü nümagü rü ngúxü̃ tá ningegü nagagu i ngẽma ngúxü̃ i toguã̱xü̃ yangexẽẽgüxü̃. Rü nümagü rü namaxã nataãẽgü i ngẽma naxü̃nearü ngúchaü̃ i ngunecütama naxügüxü̃. Rü ngẽxguma pemaxã nachibüegu, rü wüxi i chixexü̃chixü̃ rü ãnexü̃chi nixĩgü, erü ngéma rü ta nanaxügü i norü chixexü̃gü i namaxã pexü̃ nawomüxẽẽgüchaü̃xü̃.

Yeremía 2:35

Natürü guxü̃ma i ngẽma chixexü̃ i cuxüxü̃étüwa rü cugü ícupoxü̃ rü ñacurügü: “Choma rü taxuxü̃ma i chixexü̃ chaxü, rü Tupana rü tama chomaxã nanu”, ñacurügü. Rü ñu̱xma nax nüxü̃ quixuxü̃ nax taxuxü̃ma i chixexü̃ cuxüxü̃, rü choma rü tá cuxna chaca rü cuxü̃ íchaxuaxü̃ naxca̱x i ngẽma chixexü̃ i cuxüxü̃.

Ore i mexü̃ ga Cuáü̃ ümatüxü̃ 8:44

Penatü rü chataná nixĩ rü pema rü naxacügü pixĩgü. Rü ngẽmaca̱x penaxü i ngẽma nüma pexü̃́ nanaxwa̱xexü̃. Rü ngẽma chataná rü noxriarü ügügumama wüxi i máẽtaxü̃ nixĩ. Rü taguma ore i aixcümaxü̃gu narüxĩnü rü taguma ore i aixcümaxü̃ nixu. Rü ngẽxguma yadexaxgu rü doraxü̃xicatama nixu, erü nüma rü wüxi i dorata̱xáxü̃ nixĩ. Rü guxü̃ma i dorata̱xaxü̃natü nixĩ.

Romanos 3:10

Erü Tupanaarü ore i ümatüxü̃wa rü ñanagürü: “Rü tataxuma ya texé ya aixcüma Tupanape̱xewa mexẽ, rü bai ya wüxíe.

Nüxíraxü̃xü̃ ga popera ga Cuáü̃ ümatüxü̃ 4:20

Ngẽxguma chi texé ñagügu: “Choma rü Tupanaxü̃ changechaü̃”, ñagügu, natürü tümaenexẽchi taxaixgu, rü tidora. Erü ngẽxguma tama nüxü̃ tangechaü̃gu i tümaenexẽ i nüxü̃ tadauxü̃, rü taxuacüma nüxü̃ tangechaü̃ ya Tupana ya tama nüxü̃ tadaucü.

Lebítanüxü̃arü puracüchiga 13:12

Natürü ngẽxguma chacherdóte nüxü̃ da̱u̱xgu nax yaxũxü̃ i wüxíearü da̱xawe rü tümacutüwa inaxügüxü̃ rü ñu̱xmata tümaeruwa nangu, rü nüma ya chacherdóte rü tá mea nanangugü i ngẽma da̱xawe. Rü ngẽxguma nüxü̃ nada̱u̱xgu nax guxü̃ i tümaxü̃newa nanguxü̃ rü nax yacómüãchixü̃ i guxü̃ma i tümacha̱xmüxü̃, rü ngẽmawa tá nüxü̃ nacua̱x nax marü tümaca̱x yataanexü̃ rü tama taxãũãchixü̃.

Norü taxre ga popera ga ãẽ̱xgacügüchiga 20:15

Rü yexguma ga nüma ga Ichaía rü ãẽ̱xgacüna naca rü ñanagürü: —¿Rü ta̱xacü nixĩ ga nüxü̃ nadaugüxü̃ i nua cupatawa? —ñanagürü. Rü nüma ga Echequía rü nanangãxü̃ rü ñanagürü: —Nüxü̃ nadaugü i guxü̃ma i ngẽmaxü̃gü i chopatawa ngẽxmaxü̃. Rü guxü̃ma nüxü̃ chawe̱x rü taxuxü̃ma ichicu̱x —ñanagürü.