Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:22 - Tupanaarü Ore

²² Rü guxü̃wama ga yema duü̃xü̃gü ga ĩã̱xarü dauruü̃ca̱x nadexü̃ rü 212 nixĩ ga norü mu. Rü yemagü nixĩ ga nawa ngo̱xégaxü̃ ga yema popera ga natanüxü̃ nagu iwǘgüxü̃ ga wüxichigü ga norü ĩanewa. Rü Dabí rü Chamué ga Tupanaarü orearü uruxü̃ nixĩ ga noxri nüxü̃ unetagüxü̃ ga yema Lebítanüxü̃ naxca̱x ga yema puracü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:22 Referans Kwoze

1 Chamué 9:9

(Nũxcüma yexguma wüxi ga Iraétanüxü̃ Tupanana caxchaü̃gu rü ñanagürü: “¡Ngĩxã nüxna tayaca ya yimá Ẽxü̃guxü̃xü̃ Cuácü!” ñanagürü. Rü nũxcüma rü “Ẽxü̃guxü̃xü̃ Cua̱xcümaxã nanaxugü”, natürü i ñu̱xma rü “Orearü Uruxü̃maxã nanaxugü”.)

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:13

Rü yexgumarüxü̃ ta Charomóü̃maxã nüxü̃ nixu nax ñuxãcü tá naxügüãxü̃ ga Chacherdótegü rü Lebítanüxü̃ ga yexguma norü puracü naxügügu nax Tupanaxü̃ yacua̱xüü̃güxü̃. Rü namaxã nüxü̃ nixu nachiga ga guxü̃ma ga Tupanapata ga taxü̃nearü nawechigü ga namaxã tá Tupanapata ga taxü̃nearü puracü naxügüxü̃.

Neemía 12:44

Rü yema ngunexü̃gu rü nüxü̃ taxuneta ga yatügü nax namaxã inacua̱xgüxü̃ca̱x ga guma ĩpatagü ga nagu nanuxü̃ne ga Tupanaarü yemaxü̃gü ga ãmaregü, rü nüxíraxü̃xü̃ ga nanetüarü ogü, rü yema duü̃xü̃güarü naanegüarü owa nüxna üxü̃ ga chacherdótegü rü Lebítanüxü̃ ngẽma Tupanaarü mugü nüxü̃ ixuxü̃rüxü̃. Yerü yema Yudátanüxü̃ rü namaxã nataãẽgü ga yema puracü ga chacherdótegü rü Lebítanüxü̃ ügüxü̃.

Neemía 11:36

Rü nayexma ga nümaxü̃ ga Lebítanüxü̃ ga Yudátanüxü̃arü naanewa rü Bẽyamíü̃tanüxü̃arü naanewa nüxna tanaxãgüxü̃ ga norü naane nax yemagu naxãpatagüxü̃ca̱x.

Norü taxre ga to ga popera ga ãẽ̱xgacügüchiga ümatüxü̃ 31:18

Rü guxü̃ma ga yema Lebítanüxü̃ ga iwǘgüxü̃ tümamaxã ga naxma̱xgü, rü nanegü rü naxacügü nixĩ ga nayauxgüxü̃ ga õna. Yerü yema Lebítanüxü̃ nixĩ ga guxü̃guma ímemaregüxü̃ nax naxügüã̱xü̃ca̱x ga Tupanaarü puracü.

Norü taxre ga to ga popera ga ãẽ̱xgacügüchiga ümatüxü̃ 31:15

Rü yema chacherdótegüarü ĩanegüwa Coré nüxü̃́ nayexma ga norü ngü̃xẽẽruü̃gü. Rü nümagü rü Edéü̃, rü Miniamíü̃, rü Yechúa, rü Chemaía, rü Amaría, rü Checanía nixĩgü. Rü yemagü nixĩ ga meama natanüxü̃ ga chacherdótegüxü̃ rü Lebítanüxü̃xü̃ yanuaxü̃ ga yema ãmaregü rü õnagü ga yexguma nawa nangugügu nax Tupanaca̱x napuracüexü̃. Rü woo ga yema yaexü̃ rü yema buxü̃gü rü nanayaxu ga õna.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:21

Rü ñaagü nixĩ i ngẽma chacherdótegü rü Lebítanüxü̃. Rü nüma rü ínamemaregü nax naxügüãxü̃ca̱x i Tupanapata ya taxü̃nearü puracü. Rü ngẽxgumarüxü̃ ta ínamemaregü i ngẽma puracütanüxü̃ i nüxü̃ icua̱xüchixü̃ nax ñuxãcü ta̱xacü naxügüxü̃. Rü ãẽ̱xgacügü rü guxü̃ma i duü̃xü̃gü rü ínamemaregü nax cuxü̃ nangü̃xẽẽgüxü̃ —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:31

Rü wüxi ga Lebítanüxü̃ ga Matatía nixĩ ga nüxü̃ cuáxü̃ nax naxüaxü̃ ga Tupanaarü ãmare ga paũ. Rü nüma rü Corétanüxü̃ ga Charúü̃ nane ga yacü nixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:16

Rü yema woeguxü̃tanüwa nayexma ta ga Adía ga Chemaía nane. Rü Chemaía rü Gará nane nixĩ, rü Gará rü Yedutúü̃ nane nixĩ. Rü nayexma ta ga Berequía ga Achá nane. Rü Achá rü Ercaná nane nixĩ. Rü nüma ga Ercaná rü Netopátanüxü̃arü ĩanexacügügu naxãpata.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:23

Rü yexguma nawa nanguxgu nax naxügüãxü̃ ga yema puracü rü yema ĩã̱xarü dauruü̃gü rü nawena nanegü nixĩ ga nüxí nüxna daugüxü̃ ga yema Tupanapataarü ĩã̱xgü.

Norü taxre ga to ga popera ga ãẽ̱xgacügüchiga ümatüxü̃ 23:19

Rü nüma ga Yoiadá rü yexgumarüxü̃ ta yexma nanamugü ga ĩã̱xarü dauruü̃gü nax nüxna nadaugüxü̃ca̱x ga Tupanapata ga taxü̃nearü ĩã̱xgü nax taxúxema ixücuxü̃ca̱x ya wüxíe ya tama Tupanape̱xewa tügü mexeẽ́xe.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:29

Rü guxü̃ma ga yema Dabí üxü̃ ga yexguma ãẽ̱xgacü yixĩxgu rü yema popera ga Tupanaarü orearü uruxü̃ ga Chamué ümatüxü̃gu naxümatü. Rü yexgumarüxü̃ ta ga yema Dabí üxü̃ rü naxümatü nagu ga yema popera ga Tupanaarü orearü uruxü̃ ga Natáü̃ ümatüxü̃, rü nagu ga yema popera ga Tupanaarü orearü uruxü̃ ga Gáx ümatüxü̃ ga Dabíchiga.