Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:20 - Tupanaarü Ore

²⁰ Rü nũxcüma nüxíra namaxã icuácü ga yema puracü nixĩ ga Fineéx ga Ereachá nane. Rü nüma ga Cori ya Tupana rü guxü̃guma namaxã nayexma.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:20 Referans Kwoze

1 Chamué 16:18

Rü yexguma ga wüxi ga norü duü̃xü̃ rü ñanagürü: —Choma nüxü̃ chadau i wüxi i Ichaxí nane i Beréü̃wa ngẽxmaxü̃, rü meama paxetaxü̃ nacua̱x. Rü ñu̱xmachi wüxi i poracü nixĩ i daiwa rü nüxü̃ cuácü nixĩ ega yadexaxgu. Rü nüma rü mecü nixĩ rü Cori ya Tupana nüxü̃ rüngü̃xẽẽcü nixĩ —ñanagürü.

Iraétanüxü̃arü muxchiga 31:6

Rü nüma ga Moiché rü inanamuãchitanü nax daiwa naxĩxü̃ca̱x. Rü nüma ga chacherdóte ga Ereachá nane ga Fineéx nixĩ ga íyaxümücüxü̃. Rü nüma nixĩ ga namaxã inacuáxü̃ ga yema Tupanapataarü yemaxü̃gü ga üünexü̃ ga íyanaxü̃ rü guma cornétagü ga nagu yacuegüne nax ínaxügüeãxü̃ca̱x nax nügü nada̱i̱xü̃.

Iraétanüxü̃arü muxchiga 4:33

Rü ngẽma tá nixĩ i norü puracügü i ngẽma Merarítanüxü̃. Rü chacherdóte ya Aróü̃ nane ya Itamá tá nixĩ ya yima Merarítanüxü̃maxã icuácü” —ñanagürü ga Tupana.

Iraétanüxü̃arü muxchiga 4:16

Rü Ereachá i chacherdóte i Aróü̃ naneme̱xẽwa tá nixĩ i nangẽxmaxü̃ i ngẽma chíxü̃ i omü namaxã inaigüxü̃ rü ngẽma pumarate̱xe i yixixü̃, rü ngẽma ãmaregü i trigugü i guxü̃guma choxna pexãgüxü̃, rü ngẽma chíxü̃ i baeruxü̃ ixĩxü̃. Rü ñu̱xũchi nüma tá nixĩ i nüxna nadauxü̃ ya Tupanapata rü guxü̃ma i norü ngẽmaxü̃gü i üünegüxü̃ i nawa ngẽxmagüxü̃ —ñanagürü ga Tupana.

Iraétanüxü̃arü muxchiga 3:32

Rü Ereachá ga chacherdóte ga Aróü̃ nane nixĩ ga namaxã icuáxü̃ ga guxü̃ma ga Lebítanüxü̃. Rü naétü namaxã inacua̱x ga yema Tupanapatana daugüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:19

Rü Charúü̃ rü Coré nane nixĩ, rü Coré rü Ebiachá nane nixĩ, rü Ebiachá rü Coré nane nixĩ. Rü Coré nataagü nixĩ ga nüxna daugüxü̃ ga yema ĩã̱x ga Tupanapataca̱x nawa ixücuxü̃, yema norü o̱xigü nüxna daugüxü̃rüxü̃.

Naanearü ügüchiga 39:2

Natürü ga Cori ya Tupana rü Yúchemaxã nayexma. Rü yemaca̱x meama nüxü̃ nangupetü ga norü cori ga Potifáchiü̃wa.

Naanearü ügüchiga 39:3

Rü yema norü cori rü nüxü̃ nicua̱xãchi nax Yúchexü̃tawa nayexmaxü̃ ga Tupana, yerü guxü̃ma ga yema naxüxü̃, rü meama inixũ.

Ínachoxü̃xü̃chiga 3:12

Rü nüma ga Tupana rü nanangãxü̃, rü ñanagürü: —Choma rü tá chacuxü̃tagu. Rü ñaa tá nixĩ i cua̱xruxü̃ nax chomatama cuxü̃ ngéma chamuxü̃. Rü ngẽxguma tá Equítuanewa marü ícunanguxü̃ẽẽgu i chorü duü̃xü̃gü, rü guxãma i pema rü daa ma̱xpǘnewa tá choxü̃ peyarücua̱xüü̃gü —ñanagürü.

Yochué 22:13

Natürü naxü̃pa nax yéma naxĩxü̃, rü yéma nanamugü ga Fineéx ga chacherdóte ga Ereachá nane nax Garaáxwa naxũxü̃ca̱x nax namaxã yanadexaxü̃ca̱x ga yema Rubéü̃tanüxü̃, rü Gáxtanüxü̃, rü ngãxü̃tücumü ga Manachétanüxü̃.