Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:2 - Tupanaarü Ore

² Rü yema duü̃xü̃gü ga nüxíra woeguxü̃ nax wena norü naanegüwa rü ĩanegüwa nangugüxü̃ca̱x, rü yemagü nixĩ ga ñuxre ga Iraétanüxü̃ rü chacherdótegü, rü Lebítanüxü̃, rü yema Tupanapata ga taxü̃nearü puracüwa puracüexü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:2 Referans Kwoze

Neemía 7:73

Rü yema chacherdótegü, rü yema Lebítanüxü̃, rü yema ĩã̱xgüarü dauruü̃gü, rü yema wiyaetanüxü̃, rü yema duü̃xü̃gü ga guma ĩanecüã̱x, rü yema Tupanapata ga taxü̃newa puracüexü̃, rü guxü̃ma ga Iraétanüxü̃ rü norü ĩanewachigü ningugüetanü. Rü yexguma norü 7 ga tauemacüwa nanguxgu ga nax nawoeguxü̃ rü guxü̃ma ga yema Iraétanüxü̃ rü norü ĩanewachigü nayexmagü.

Édra 8:20

Rü naétüwa rü ínangugü ga 220 ga Tupanapatawaarü ngü̃xẽẽruü̃gü. Rü nũxcüma rü ãẽ̱xgacü ga Dabí nixĩ ga yemaacü inanucü naxca̱x ga Tupanapata ga taxü̃nearü puracü. Rü guxü̃ma ga yema 220 ga ngü̃xẽẽruü̃gü rü nayawǘgü ga naégagü.

Édra 2:70

Rü yema chacherdótegü rü yema Lebítanüxü̃ rü ñuxre ga yema togü ga duü̃xü̃gü rü yexma Yerucharéü̃gu naxãchiü̃gü. Natürü yema wiyaetanüxü̃, rü yema Tupanapata ga taxü̃nearü ĩã̱xarü dauruü̃gü, rü yema Tupanapata ga taxü̃newa puracüexü̃, rü yema togü ga Iraétanüxü̃ rü wüxichigü norü ĩanewa ningugüetanü.

Édra 2:58

Rü guxü̃wama ga yema Tupanapata ga taxü̃newa puracüexü̃taagü rü yema Charomóü̃xü̃tawa puracüexü̃taagü rü 392 nixĩ.

Édra 2:43

Rü yema Tupanapata ga taxü̃newa puracüexü̃ nixĩ ga Chiátanüxü̃, rü Achupátanüxü̃, rü Tabaótanüxü̃,

Neemía 7:60

Rü guxü̃wama ga yema Tupanapata ga taxü̃newa puracüexü̃ rü ñu̱xũchi yema Charomóü̃arü ngü̃xẽẽruü̃gütaagü ixĩgüxü̃ rü 392 nixĩ.

Édra 2:1

Rü ñaagü nixĩ ga naégagü ga yema Iraétanüxü̃ ga Yudáanegu buexü̃ ga ãẽ̱xgacü ga Nabucudonochó Babiróniawa gagüxü̃. Rü yemawena rü wenaxarü Yerucharéü̃ca̱x rü naigü ga ĩanegü ga Yudáarü naanewa yexmagüneca̱x nawoegu. Rü wüxichigü ga duü̃xü̃ rü norü ĩaneca̱x nataegu. Rü ñaagü nixĩ ga yema namaxã icua̱xgüxü̃: Chorobabé, rü Yochué, rü Neemía, rü Cheraía, rü Relaía, rü Maduquéu, rü Bicháü̃, rü Mispá, rü Bixbái, rü Reúü̃, rü Baaná. Rü yemagü nixĩ ga yema namaxã icua̱xgüxü̃ ga yexguma nawoegugu.

Neemía 10:29

Rü guxãma ga toma rü mea tanayauxgü ga yema uneta rü nüxü̃ tixu nax aixcüma tá mea naga taxĩnüexü̃ i ngẽma Tupanaarü mugü rü ucu̱xẽgü ga nüma ya Tupana norü duü̃ ga Moichéna naxãxü̃.

Neemía 11:1

Rü yema Iraétanüxü̃arü ãẽ̱xgacügü rü ĩane ga Yerucharéü̃gutama naxãpatagü. Rü yema togü ga Iraétanüxü̃ rü sortéu naxca̱x naxügü nax nüxü̃ nacua̱xgüxü̃ca̱x rü texégü tá tixĩ ya ĩane ya üünene ya Yerucharéü̃gu ãpatagüxe. Rü ngẽma 10 i nügütanüxü̃wachigü rü wüxitücumü tá nixĩ ya yima ĩane ya üünene ya Yerucharéü̃gu ãpatagüxü̃ rü ngẽma togü i 9 tücumü rü naigü ya ĩanewa tá naxĩ nax ngẽxma yaxãpatagüxü̃ca̱x.