Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:19 - Tupanaarü Ore

¹⁹ Rü Charúü̃ rü Coré nane nixĩ, rü Coré rü Ebiachá nane nixĩ, rü Ebiachá rü Coré nane nixĩ. Rü Coré nataagü nixĩ ga nüxna daugüxü̃ ga yema ĩã̱x ga Tupanapataca̱x nawa ixücuxü̃, yema norü o̱xigü nüxna daugüxü̃rüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:19 Referans Kwoze

Wiyaegü 84:10

Rü ngẽma 1,000 i ngunexü̃ i nagu ngextámare changexmaxü̃arü yexera rü narümemae nixĩ nax wüxitama i ngunexü̃ cupataã̱xtüwa changexmaxü̃. Rü narümemae nax cupataarü ĩã̱xarü dauruü̃mare chixĩxü̃, Pa Tupanax, rü tama chixexü̃ ínaxügüxü̃wa nax changexmaxü̃.

Wiyaegü 49:1

¡Dücax, Pa Guxü̃ma i Duü̃xü̃gü i Ñoma i Naanewa Maxẽxü̃x, rü mea iperüxĩnüe i ñaa ore!

Wiyaegü 44:1

Pa Tupanax, tomatama nüxü̃ taxĩnüchiga ga yema taxü̃ ga mexü̃ ga nũxcüma cuxüxü̃. Yerü torü o̱xigü rü tomaxã nüxü̃ nixugüe ga yema mexü̃gü ga nũxcüma curü poramaxã cuxüxü̃.

Wiyaegü 42:1

Rü ñoma wüxi i cowü i ta̱xawaxüchixü̃ i natüca̱x dauxü̃rüxü̃ chixĩ nax cuxca̱x chadauxü̃, Pa Chorü Tupanax.

Norü taxre ga popera ga ãẽ̱xgacügüchiga 11:15

Rü yexguma ga nüma ga Yoiadá rü tagaãcü yema churaragüeruxü̃ namu rü ñanagürü: —¡Ngĩxü̃ ípegaxüchi i nua! ¡Rü taxũtáma nuxã Tupanapata ya taxü̃nechiãgu ngĩxü̃ pima̱x! Rü ngẽxguma texé ngĩétüwa chogügu ¡rü peyama̱xama! —ñanagürü. Rü yema ãẽ̱xgacüpataarü ücuchichica ga cowarugümaxã ínanguxü̃güxü̃gu ngĩxü̃ iyauxgü. Rü yexma ngĩxü̃ nima̱xgü.

Norü taxre ga popera ga ãẽ̱xgacügüchiga 11:9

Rü nüma ga yema churaragüeru rü chacherdóte ga Yoiadága naxĩnüe rü nanaxügü ga yema namaxã nüxü̃ yaxuxü̃. Rü wüxichigü ga yema churaragüeru rü norü churaragütücumümaxã inacua̱x. Rü yemaacü yema chocuxü̃ ga churaragü ga ãẽ̱xgacüpatawa dauxü̃taegüxü̃, rü yema churaragü ga yema puracüwa íchoxü̃xü̃, rü wüxichigü ga ngü̃chigaarü ngunexü̃gu guma chacherdótepe̱xewa naxĩĩxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:18

Rü ngẽma Lebítanüxü̃ rü ñu̱xma rü ta nüxna nadaugü i ngẽma Tupanapataarü ĩã̱x i éstewaama üxü̃ i nawa yaxücuxü̃ ya ãẽ̱xgacü. Rü yemagü nixĩ ga Lebítanüxü̃ ga Tupanapataarü ĩã̱xgüarü dauruü̃gü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:20

Rü nũxcüma nüxíra namaxã icuácü ga yema puracü nixĩ ga Fineéx ga Ereachá nane. Rü nüma ga Cori ya Tupana rü guxü̃guma namaxã nayexma.

Yeremía 52:24

Rü nüma ga Nabucharadáü̃ rü ínanayauxü̃ ga Cheraía ga chacherdótearü ãẽ̱xgacü rü Chofonía ga naweama ücü. Rü yexgumarüxü̃ ta Tupanapatawa ínanayauxü̃ ga yema tomaepü̱x ga ĩã̱xarü dauruü̃gü.

Norü taxre ga popera ga ãẽ̱xgacügüchiga 12:10

Rü yexguma marü naxããcugu ga diẽruchixü̃, rü nüma ga ãẽ̱xgacüarü diẽruarü ugüruxü̃, rü nüma ga chacherdóte rü ngĩxü̃ nixugügüxü̃ ga diẽru, rü wüxi ga chocagu ngĩxü̃ nanucu.

Yeremía 35:4

Rü Tupanapatawa chanagagü nawa ga yema Anáü̃ nanegüarü ucapu. Rü nüma ga Anáü̃ ga Idalía nane rü Tupanaarü duü̃xü̃ nixĩ. Rü yema ucapu rü yema Tupanapataarü ãẽ̱xgacügüarü ucapucüwawa nayexma. Rü Tupanapataarü ĩã̱xgüarü dauruxü̃ ga Maacheíaarü ucapuétüwa nayexma. Rü nüma ga Maachía rü Charúü̃ nane nixĩ.