Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:1 - Tupanaarü Ore

¹ Rü yemaacü ga guxü̃ma ga Iraétanüxü̃ rü nagu nawǘégagü ga yema popera ga Iraétanüxü̃arü ãẽ̱xgacügü nagu wǘégagüxü̃. Natürü yema duü̃xü̃gü ga Yudáanecüã̱xgü rü Babiróniaanewa nanagagü nagagu ga norü chixexü̃ ga naxügüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:1 Referans Kwoze

Neemía 7:64

Rü nümagü ga yema chacherdótegü rü yema natanüxü̃panegu naxca̱x nadaugü ga naéga. Natürü nataxuma ga naéga ga yema natanüxü̃panewa rü yemaca̱x ínanamuxü̃ ga chacherdótegütanüwa.

Neemía 7:5

Rü nüma ga Tupana rü chauãẽwa nananguxẽxẽ nax chanangutaque̱xexẽẽxü̃ca̱x ga yema duü̃xü̃gü ga tachigagüxü̃ rü yema ãẽ̱xgacügü rü naétü guxü̃ma ga duü̃xü̃gü nax yemaacü wüxi ga poperagu nügü yawǘgüxü̃ca̱x ga duü̃xü̃gü, natanüxü̃maxãchigü. Rü choma rü nüxü̃ chayangau ga yema popera ga nagu naxümatügüxü̃ ga naéga ga yema duü̃xü̃gü ga nüxíra Yerucharéü̃wa ngugüxü̃.

Édra 2:59

Rü nawoegu ga ñuxre ga Deraíataagü rü Tobíataagü, rü Necodátaagü ga ĩane ga Tex-mérawa, rü ĩane ga Tex-archáwa, rü ĩane ga Querúxwa, rü ĩane ga Adóü̃wa, rü ĩane ga Iméwa ne ĩxü̃. Rü guxü̃wama rü 652 nixĩgü ga norü mu. Rü nümagü ga yemagü rü tama nüxü̃ nacua̱xgü nax aixcüma Iraétanüxü̃ yaxĩgüxü̃.

Danié 1:2

Rü nüma ga Cori ya Tupana rü Nabucudonochóaxü̃́ nanatauxchaxẽxẽ nax Yoaquíü̃xü̃ yayaxuxü̃ rü Babiróniaanewa nagaaxü̃ muxü̃ma ga natanüxü̃maxã. Rü yexgumarüxü̃ ta nayana ga Tupanapata ga taxü̃nearü yemaxü̃gü ga üünexü̃, rü norü tupanapatagu nananucu ga Babiróniaanewa.

Yeremía 39:9

Rü nüma ga yema churaragüeru ga Nabucharadáü̃, rü Babiróniawa nanagagü ga yema yéma yaxǘgüxü̃ ga duü̃xü̃gü, rü yema nawaama nügü ügüxẽẽxü̃.

Norü taxre ga to ga popera ga ãẽ̱xgacügüchiga ümatüxü̃ 33:11

Rü yemaca̱x ga Cori ya Tupana rü Achíriaanearü churaragüerugüxü̃ namu nax Manachéca̱x íyaxü̃ãchixü̃ca̱x. Rü yemagü nixĩ ga Manachéxü̃ iyauxgüxü̃. Rü nayachotamaraü̃gü, rü nayachotachacüxügü rü ñu̱xũchi cadéna ga bróũchenaxca̱xmaxã nanaxütü̱xügü. Rü yemaacü Babiróniaanewa nanagagü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 8:40

Rü Uráü̃ nanegü rü churaragü ga tama muü̃wa̱xegüxü̃ nixĩ, rü würawa rü mexchinüxü̃chixü̃ nixĩgü. Rü namuxũchi ga nanegü rü nataagü. Rü guxü̃wama 150 nixĩ ga norü mu. Rü guxü̃ma ga nümagü rü Bẽyamíü̃tanüxü̃ nixĩgü.

Nüxíraxü̃xü̃ ga popera ga ãẽ̱xgacügüchiga 14:19

Rü yema togü ga naxüxü̃ ga Yeruboáü̃ rü yema dai ga nawa inaxãxü̃chiga rü toomachigü rü guxü̃ma i ngẽma rü Iraéanearü ãẽ̱xgacügüchiga nagu ümatüxü̃ i poperagu nixĩ i naxümatüxü̃.

Norü taxre ga popera ga ãẽ̱xgacügüchiga 24:14

Rü ñu̱xũchi nayagagü ga guxü̃ma ga Yerucharéü̃cüã̱xgü, rü norü ãẽ̱xgacügü rü yema churaragü ga yexeraãcü nüxü̃ rücua̱xmaegüxü̃, rü guxü̃ma ga yema ta̱xacüarü üxü̃ icua̱xgüxü̃, rü guxü̃ma ga yema fieruwa ta̱xacü íxüxü̃mügüxü̃. Rü yemaacü 10,000 wa nangu ga yema duü̃xü̃gü ga ínayauxü̃xü̃. Rü yema naanewa rü yema yexeraãcü ingearü diẽruã̱xgüxü̃xicatama yéma nayaxügü.

Norü taxre ga popera ga ãẽ̱xgacügüchiga 24:15

Rü Nabucudonochó rü nayagagü ga Yoaquíü̃, rü naé, rü naxma̱xgü, rü norü churaragüerugü, rü guxü̃ma ga yema yatügü ga Yudáanewa tachigagüxü̃ ga mexü̃ ügüxü̃. Rü Yerucharéü̃wa ínanagaxü̃ rü Babiróniawa nanagagü.

Norü taxre ga popera ga ãẽ̱xgacügüchiga 24:16

Rü yema churaragü ga Babiróniaanearü ãẽ̱xgacü igagüxü̃, rü 7,000 nixĩ ga norü mu. Rü ñu̱xũchi 1,000 nixĩ ga yema ta̱xacüarü üxü̃ icua̱xgüxü̃ rü yema fieruwa ta̱xacü íxüxü̃mügüxü̃. Rü naétü nayagagü ga yema yatügü ga iporaexü̃ rü daixü̃ cuáxü̃.

Édra 2:1

Rü ñaagü nixĩ ga naégagü ga yema Iraétanüxü̃ ga Yudáanegu buexü̃ ga ãẽ̱xgacü ga Nabucudonochó Babiróniawa gagüxü̃. Rü yemawena rü wenaxarü Yerucharéü̃ca̱x rü naigü ga ĩanegü ga Yudáarü naanewa yexmagüneca̱x nawoegu. Rü wüxichigü ga duü̃xü̃ rü norü ĩaneca̱x nataegu. Rü ñaagü nixĩ ga yema namaxã icua̱xgüxü̃: Chorobabé, rü Yochué, rü Neemía, rü Cheraía, rü Relaía, rü Maduquéu, rü Bicháü̃, rü Mispá, rü Bixbái, rü Reúü̃, rü Baaná. Rü yemagü nixĩ ga yema namaxã icua̱xgüxü̃ ga yexguma nawoegugu.

Neemía 11:1

Rü yema Iraétanüxü̃arü ãẽ̱xgacügü rü ĩane ga Yerucharéü̃gutama naxãpatagü. Rü yema togü ga Iraétanüxü̃ rü sortéu naxca̱x naxügü nax nüxü̃ nacua̱xgüxü̃ca̱x rü texégü tá tixĩ ya ĩane ya üünene ya Yerucharéü̃gu ãpatagüxe. Rü ngẽma 10 i nügütanüxü̃wachigü rü wüxitücumü tá nixĩ ya yima ĩane ya üünene ya Yerucharéü̃gu ãpatagüxü̃ rü ngẽma togü i 9 tücumü rü naigü ya ĩanewa tá naxĩ nax ngẽxma yaxãpatagüxü̃ca̱x.

Ichaía 3:2

Rü nüma rü tá nua inayanatauxexẽxẽ i ngẽma nügü írüporaxü̃, rü churara i daixü̃ cuáxü̃, rü ãẽ̱xgacü i guxchaxü̃arü mexẽẽruxü̃, rü orearü uruxü̃, rü ngẽma ẽxü̃guxü̃xü̃ cuáxü̃, rü ngẽma ĩanearü ãẽ̱xgacü, rü ngẽma churaragümaxã icuáxü̃, rü ngẽma muarü diẽruã́xü̃, rü ngẽma ucu̱xẽruxü̃ ixĩxü̃, rü ngẽma ta̱xacürü üxü̃ mea cuáxü̃, rü ngẽma mea dexaxü̃ cuáxü̃. Rü nüma rü tá inayanatauxexẽxẽ i guxü̃ma i ngẽma.

Yeremía 13:19

Rü yima Négueanearü ĩanegü rü norü uanügü rü nüxü̃ ínachomaeguãchi rü taxúema taxüpetü. Rü guxü̃ma i Yudátanüxü̃ rü to i nachixü̃anewa nanagagü.