Nüxíraxü̃xü̃ ga to ga popera ga ãẽ̱xgacügüchiga ümatüxü̃ 7:29 - Tupanaarü Ore

²⁹ Rü yema Manachétaagüme̱xẽwa nayexma ga ĩanegü ga Bex-cheáü̃, rü Taanáx, rü Meguídu, rü Dóx, namaxã ga norü ĩanexacüchigü. Rü yema ĩanegüwa nixĩ ga namaxẽxü̃ ga nataagü ga Yúche ga Iraé nane.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 7:29 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 16:16

Rü yema ngo̱xoãẽgü, rü nanangutaque̱xexẽxẽ ga guxü̃ma ga ñoma ga naanewa yexmagüxü̃ ga nachixü̃anecüã̱xgüarü ãẽ̱xgacügü. Rü yema nachica ga nawa nangutaque̱xegüxü̃, rü Armaguedóü̃ nixĩ i naéga i Yudíugügawa.

Chacaría 12:11

Rü ngẽma ngunexü̃gu rü ĩane ya Yerucharéü̃wa rü tá taxü̃ i ngechaü̃ ínangu yexguma Yudáanearü ãẽ̱xgacü ga Adáx-rimóü̃ ga Meguíduarü doxonexü̃gu yu̱xgurüxü̃.

Norü taxre ga to ga popera ga ãẽ̱xgacügüchiga ümatüxü̃ 35:22

Natürü nüma ga Yochía rü tama inaxĩnüchaü̃ nax Tupana yixĩxü̃ ga Necáuwa idexacü. Rü yemaca̱x nügü nanatoraxü̃xẽxẽ rü Meguíduarü doxonexü̃wa naxũ nax yexma Necáumaxã nügü nada̱i̱xü̃ca̱x.

Norü taxre ga popera ga ãẽ̱xgacügüchiga 23:29

Rü wüxi ga ngunexü̃gu rü nüma ga Equítuanearü ãẽ̱xgacü ga Faraóü̃ ga Necáu rü natü ga Eufrátewa naxũ nax Achíriaanearü ãẽ̱xgacüxü̃ yanangü̃xẽẽxü̃ca̱x. Rü yexguma ga nüma ga ãẽ̱xgacü ga Yochía rü inaxũãchi nax Necáumaxã nügü nada̱i̱xü̃ca̱x. Natürü yexguma ĩane ga Meguídugu Yochíaxü̃ yanga̱u̱xgu rü nüma ga Necáu rü Yochíaxü̃ nima̱x.

Norü taxre ga popera ga ãẽ̱xgacügüchiga 9:27

Rü yemaxü̃ nada̱u̱xgu ga Ocochía ga Yudáanearü ãẽ̱xgacü, rü ĩane ga Bex-agáü̃ca̱x niña nagu ga yema nama ga ĩane ga Gúruwa daxü̃. Natürü nüma ga Yeú rü nawe nangẽ rü norü churaragüxü̃ namu nax yama̱xgüãxü̃ca̱x. Rü guma ĩane ga Ibeáü̃arü ngaicamagu nüxü̃ nayangaugü, rü yexma naweü̃gutama nanapi̱xẽẽgü. Natürü ga nüma rü niñaama rü ñu̱xmata ĩane ga Meguíduwa nangu. Rü yexma nayu.

Nüxíraxü̃xü̃ ga popera ga ãẽ̱xgacügüchiga 9:15

Rü ñaa nixĩ ga yema puracügü ga ãẽ̱xgacü ga Charomóü̃ duü̃xü̃güxü̃ üxẽẽxü̃. Rü wüxi nixĩ ga Tupanapata ga taxü̃nearü ü, rü to nixĩ ga napataarü ü, rü waixü̃müarü mexẽẽane, rü ĩane ga Yerucharéü̃arü poxeguxü̃tapü̱xarü ü. Rü ñu̱xũchi nanamu nax yamexẽẽgüãxü̃ ga ĩanegü ga Achóx, rü Meguídu, rü Guéche.

Nüxíraxü̃xü̃ ga popera ga ãẽ̱xgacügüchiga 4:12

Rü Baaná ga Ailúx nane rü ãẽ̱xgacü nixĩ ga Taanáxwa rü Meguíduwa rü guxü̃ma i Bex-cheáü̃ane ga Charetáü̃na ngaicamaxü̃ ga Yereéarü súrwaama yexmaxü̃. Rü Bex-cheáü̃wa inaxügü ñu̱xmata Abé-meurágu yacuáx ga Yoxmeáü̃arü yeama.

1 Chamué 31:10

Rü yemawena rü norü tupana ga Atarépatagu nananucu ga guma naxnegü ga Chaú. Rü naxü̃ne rü ĩane ga Bex-cháü̃arü poxeguxü̃tápü̱xwa nanatuxẽẽgü.

Ãẽ̱xgacügü ga guxchaxü̃güarü mexẽxẽruü̃gü 5:19

Rü yema Canaáü̃tanüxü̃arü ãẽ̱xgacügü rü ĩane ga Taanáxwa nangugü napechinüwa ga yema natü ga Chiyóü̃ ga Meguíduwa daxü̃. Rü yexma Iraétanüxü̃maxã nügü nadai, natürü taxuxü̃ma ga diẽrumaxã rü yemaxü̃gümaxã nawoegu.