Nüxíraxü̃xü̃ ga to ga popera ga ãẽ̱xgacügüchiga ümatüxü̃ 7:28 - Tupanaarü Ore

²⁸ Rü yema Efraíü̃tanüxü̃arü naanegü rü ĩanegü ga nawa namaxẽxü̃ nixĩ ga Beté, rü Naaráü̃ ga éstewaama, rü Guéche ga oéstewaama, rü Chiquéü̃ ñu̱xmata Ayágu yacuá. Rü guxü̃nema ga guma ĩanegügu rü norü ĩanexacügügu nixĩ ga naxãchiü̃güxü̃ ga yema Efraíü̃tanüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 7:28 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 1:22

Rü Efraíü̃tanüxü̃ rü ñu̱xũchi Manachétanüxü̃ rü inaxĩãchi nax ĩane ya Betéxü̃ yapugüxü̃. Rü nüma ga Cori ya Tupana rü nüxü̃ narüngü̃xẽxẽ.

Naanearü ügüchiga 28:19

Rü yema nachicawa rü nũxcüma rü nayexma ga wüxi ga ĩane ga Lúxgu ãégane. Natürü nüma ga Acóbu rü nanaxüchicüxü ga naéga ga yema nachica, rü Betégu nanaxüéga.

Yochué 16:5

Rü yema Efraíü̃tanüxü̃arü naanearü üyeane rü Atarú-adáxwa inaxügü ga éstewaama. Rü ínadaãchi ñu̱xmata guma ĩane ga Dauxü̃wa Yexmane ga Bex-oróü̃wa nangu.

Yochué 16:8

Rü Tapúawa inaxügü ga norü üyeane rü oéstewaama nada rü ñu̱xmata yema natüxacü ga Canáwa nangu, rü ñu̱xũchi Már Mediteráneuwa nangu. Rü yema nixĩ ga yema naane ga nayauxgüxü̃ ga Efraíü̃tücumü ga nügü yanuxü̃ ga nügütanüxü̃wa.

Yochué 16:9

Rü nayexma ta ga ñuxre ga ĩanegü rü ĩanexacügü ga Manachétücumüanewa yexmagüne ga Efraíü̃tanüxü̃na üxü̃ne.