Nüxíraxü̃xü̃ ga to ga popera ga ãẽ̱xgacügüchiga ümatüxü̃ 7:24 - Tupanaarü Ore

²⁴ Rü Cheerá ga Beriáacü rü inaxü ga guma ĩane ga Bex-oróü̃ ga doxonewa yexmane, rü guma ĩane ga Bex-oróü̃ ga ma̱xpǘnewa yexmane. Rü ñu̱xũchi inaxü ta ga guma ĩane ga Uchéü̃-cheerá.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 7:24 Referans Kwoze

Yochué 16:5

Rü yema Efraíü̃tanüxü̃arü naanearü üyeane rü Atarú-adáxwa inaxügü ga éstewaama. Rü ínadaãchi ñu̱xmata guma ĩane ga Dauxü̃wa Yexmane ga Bex-oróü̃wa nangu.

Norü taxre ga to ga popera ga ãẽ̱xgacügüchiga ümatüxü̃ 8:5

Rü yexgumarüxü̃ ta wena nanamexẽxẽ ga guma ĩane ga Bex-oróü̃ ga ma̱xpǘnewa yexmane rü guma ĩane ga Bex-oróü̃ ga norü tuãchiwa yexmane. Rü guma ĩanegü rü ínayapoxegugü rü nananucu ga norü ĩã̱xgü namaxã ga norü chotaruü̃gü.

Nüxíraxü̃xü̃ ga popera ga ãẽ̱xgacügüchiga 9:17

Rü yemawena ga Charomóü̃ rü wenaxarü nanaxü ga guma ĩanegü ga Guéche, rü ñu̱xũchi Bex-oróü̃ ga doxonewa yexmane, rü Baará, rü Tamára ga Yudáanearü chianexü̃wa yexmagüne.

Yochué 10:10

Rü nüma ga Cori ya Tupana rü poraãcü yema Amoréutanüxü̃xü̃ namuü̃exẽxẽ nape̱xewa ga Iraétanüxü̃. Rü yemaca̱x ga Yochuéarü churaragü rü ĩane ga Gabaóü̃gu nanadai ga muxü̃ma. Rü ñu̱xũchi nawe nangẽgü nagu ga yema nama ga Bex-oróü̃wa nadaxü̃. Rü nayadaietanü ga yema Amoréutanüxü̃ ñu̱xmata ĩanegü ga Achecá rü Machedáwa nangugü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 7:23

Rü yemawena ga Efraíü̃ rü naxma̱xmaxã namaxü̃. Rü nüxü̃́ ixãxacü rü nayatü. Rü Beriágu inaxüéga, yerü taxü̃ ga ngechaü̃ ngĩchiü̃wa nayexma.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 7:25

Rü Beriágu nane nixĩ ga Refá, rü Refá nane nixĩ ga Réchex, rü Réchex nane nixĩ ga Térax, rü Térax nane nixĩ ga Taáü̃, rü Taáü̃ nane nixĩ ga rü Ladáü̃, rü Ladáü̃ nane nixĩ ga Amiúx, rü Amiúx nane nixĩ ga Erichamá, rü Erichamá nane nixĩ ga Núü̃, rü Núü̃ nane nixĩ ga Yochué.