Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:39 - Tupanaarü Ore

³⁹ Rü yexguma nawiyaegügu rü Emáü̃arü tügünecüwagu nachi ga natanüxü̃ ga Achá. Rü Achá rü Berequía nane nixĩ, rü Berequía rü Chimá nane nixĩ,

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:39 Referans Kwoze

Neemía 7:44

Rü yema wiyaetanüxü̃ ga Achátaagü rü 148 nixĩ.

Édra 2:41

Rü yema wiyaetanüxü̃ ga Achátaagü rü 128 nixĩ.

Wiyaegü 83:1

Pa Tupanax ¡taxṹ i curüchianexü̃, rü taxṹ i ngẽxma curüxã̱ũ̱xmarexü̃! ¡Rü nangãxü̃ i torü yumüxẽ rü toxü̃ ínanguxü̃xẽxẽ!

Wiyaegü 81:1

¡Taãẽãcü Tupanaca̱x pewiyaegü! Erü nüma nixĩ i tüxü̃ naporaexẽẽxü̃. ¡Ẽcü tagaãcü nüxü̃ picua̱xüü̃gü ya yimá Acóbuarü Tupana!

Wiyaegü 79:1

Pa Tupanax, ngẽma tama cuxü̃́ yaxõgüxü̃ rü naxca̱x ínayaxüãchi ya yima cupata ya üünene rü nanaxãũãchixẽxẽ. Rü nüma ya ĩane ya Yerucharéü̃ rü nagu napogüe.

Wiyaegü 77:1

Rü tagaãcü Tupanana chaca i chorü yumüxẽwa nax choxü̃ naxĩnüxü̃ca̱x.

Wiyaegü 75:1

Moxẽ cuxna taxã, Pa Tupanax, moxẽ cuxna taxã. Rü cuxna nixĩ i taca̱xaxü̃ i torü yumüxẽwa. Rü ngẽma mexü̃gü i curü poramaxã cuxüxü̃chiga nixĩ i tawiyaegüxü̃.

Wiyaegü 73:1

Tupana rü namaxã namecüma i ngẽma Iraétanüxü̃ i mexü̃gu rüxĩnüexü̃.

Neemía 12:46

Yerü nũxcüma ga yexguma Dabí rü Achá maxẽgu, rü nayexma ga ãẽ̱xgacügü ga wiyaetanüxü̃maxã icua̱xgüxü̃. Rü yemagü nixĩ ga wiyaegüãcüma Tupanaxü̃ icua̱xüü̃güxü̃ rü moxẽ nüxna ãgüxü̃xü̃.

Neemía 11:17

Rü to ga Lebítanüxü̃ rü Matanía nixĩ. Rü Matanía nanatü nixĩ ga Micaía, rü Micaía nanatü nixĩ ga Chadí, rü Chadí nanatü nixĩ ga Achá. Rü Matanía nixĩ ga namaxã icuáxü̃ ga yema wiyaetanüxü̃ ga Tupanaxü̃ icua̱xüü̃güxü̃ rü moxẽ ixãgüxü̃ ga yexguma yumüxẽarü orawa nanguxgu. Rü norü ngü̃xẽẽruxü̃ nixĩ ga Babuquía. Rü nüma nixĩ ga naenexẽ ga yacüxü̃ nabumaexü̃. Rü to ga Mataníaarü ngü̃xẽẽruxü̃ nixĩ ga Adá ga Chamúa nane. Rü Chamúa nanatü nixĩ ga Gará, rü Gará nanatü nixĩ ga Yedutúü̃.

Norü taxre ga to ga popera ga ãẽ̱xgacügüchiga ümatüxü̃ 29:13

Rü Erichapáü̃tanüxü̃wa rü Chimrí rü Yeié nixĩ. Rü Achátanüxü̃wa rü Chacaría rü Matanía nixĩ.

Norü taxre ga to ga popera ga ãẽ̱xgacügüchiga ümatüxü̃ 5:12

Rü guxü̃ma ga yema Lebítanüxü̃ ga wiyaetanüxü̃ ga Achá rü Emáü̃ rü Yedutúü̃ rü nanegümaxã rü togü ga natanüxü̃maxã ãmarearü guruü̃arü ésteguama nachigü. Rü naxchiru ga línuchinaxca̱xgu nicu̱xgü. Rü nüxü̃́ nayexma ga norü platíyugü rü árpaxacügü rü árpagü. Rü namaxã nayexmagü ga 120 ga chacherdótegü ga cornétagu icuegüxü̃.

Wiyaegü 82:1

Rü Tupana ãẽ̱xgacü íyixĩxü̃wa i daxũguxü̃ i naanewa rü inachi nax poxcu namaxã naxueguxü̃ca̱x i ngẽma ãẽ̱xgacügü i guxchaxü̃arü mexẽẽruü̃gü i chixri norü duü̃xü̃gümaxã icua̱xgüxü̃. Rü ñanagürü:

Wiyaegü 80:1

Pa Cori Pa Tupana Pa Iraétanüxü̃arü Dauruxü̃x, rü cuma nixĩ i carnérugürüü̃ãcü Yúchetanüxü̃maxã icucuáxü̃. Rü cuma nax ngẽma taxre i daxũcüã̱xchicüna̱xãgü i ixãxpe̱xatüxü̃arü ngãxü̃wa nax curütoxü̃ ¡rü nüxü̃ naxĩnü i torü yumüxẽ! ¡Rü toxü̃ nangechaxü̃ãcüma mea nüxü̃ nadawenü ya Efraíü̃tanüxü̃ rü Bẽyamíü̃tanüxü̃ rü Manachétanüxü̃! ¡Rü inachi, rü nua naxũ nax curü poramaxã toxü̃ ícunguxü̃xẽẽxü̃ca̱x!

Wiyaegü 78:1

Pa Chorü Duü̃xü̃güx ¡naga pexĩnüe i ñaa ore i pexü̃ changúexẽxẽxü̃! ¡Rü iperüxĩnüe i ñaa pemaxã nüxü̃ chixuxü̃!

Wiyaegü 76:1

Rü Yudáanewa rü duü̃xü̃gü rü meama Tupanaxü̃ nacua̱xgü. Rü nüma rü natachigaxüchi i guxü̃wama i Iraéanewa.

Wiyaegü 74:1

Pa Tupanax, toma nax curü duü̃xü̃gü tixĩgüxü̃, rü ¿tü̱xcüü̃ toxü̃ ícuwogüxü̃chi? ¿Rü tü̱xcüü̃ tomaxã cunu?

Wiyaegü 50:1

Nüma ya Cori ya Tupana ya Guxãétüwa Ngẽxmacü rü nidexa, rü naxca̱x nangema i guxü̃ma i duü̃xü̃gü i guxü̃wama ñoma i naanewa ngẽxmagüxü̃.

Neemía 12:35

Rü yema chacherdótegü ga cornétagu yacuegüãcüma naxümücügüxü̃ ga yema wiyaegüxü̃ rü wüxi rü Chacaría ga Yonatáü̃ nane nixĩ. Rü yema Chacaríaarü o̱xigü nixĩ ga Chemaía, rü Matanía, rü Micaía, rü Chacúx, rü Acháx. Rü Chacaríamücügü nixĩ ga natanüxü̃ ga Chemaía, rü Acharé, rü Mirarái, rü Guirarái, rü Maái, rü Natanaé, rü Yudá, rü Ananí. Rü Chacaría rü namücügü nanapaxgü ga yema paxetaruü̃gü ga gumá Tupanaarü duü̃ ga Dabí íxüxüxü̃. Rü nüma ga poperaarü ümatüruxü̃ ga Édra nixĩ ga nape̱xegu ixũcü.

Neemía 11:22

Rü yema Lebítanüxü̃maxã icuáxü̃ ga Yerucharéü̃wa rü Uchí nixĩ. Rü Uchí nanatü nixĩ ga Baní, rü Baní nanatü nixĩ ga Achabía, rü Achabía nanatü nixĩ ga Matanía, rü Matanía nanatü nixĩ ga Micaía ga Achátaxa ixĩcü. Rü nümagü ga yema Lebítanüxü̃ nixĩ ga yema wiyaegümaxã inacua̱xgüxü̃ ga Tupanapata ga taxü̃newa.

Édra 3:10

Rü yexguma yema Tupanapata ga taxü̃nearü mexẽẽruü̃gü nanucugu ga nüxíraü̃cü ga nutagü ga naxtapü̱xparagü nawa rütogüne, rü nüma ga chacherdótegü rü mea nügü nangaxãẽãcüma yexma nachigü rü nayacue ga norü cornétagü. Rü yema Lebítanüxü̃ ga Achátaagü rü yéma nanana ga norü paxetaruü̃gü ga namaxã Tupanaxü̃ yacua̱xüü̃güxü̃, yema ãẽ̱xgacü ga Dabí unagüxü̃rüxü̃.

Norü taxre ga to ga popera ga ãẽ̱xgacügüchiga ümatüxü̃ 35:15

Rü yema Lebítanüxü̃ muxraxü̃ ga namachi rü yema wiyaetanüxü̃ca̱x rü ĩã̱xarü dauruü̃ca̱x rü ta nixĩ. Rü yemaacü ga yema wiyaetanüxü̃ ga Achátaagü rü tama nachicana nixĩgachitanü yema Dabí rü Achá rü Emáü̃ rü Yedutúü̃ nüxü̃ ixuxü̃rüxü̃. Rü nüma ga Yedutúü̃ nixĩ ga ãẽ̱xgacümaxã nüxü̃ yaxuxü̃ ga Tupanaarü ĩnü. Rü yemaacü ga yema ĩã̱xgüarü dauruü̃gü rü ta tama nachicana nixĩgachitanü, yerü ga namücügü ga Lebítanüxü̃ rü marü nüxü̃́ nanaxügü ga yema namachi ga nüxna üxü̃.

Norü taxre ga to ga popera ga ãẽ̱xgacügüchiga ümatüxü̃ 29:30

Rü yemawena ga nüma ga ãẽ̱xgacü ga Echequía rü yema Iraétücumügüarü ãẽ̱xgacügü rü Lebítanüxü̃xü̃ namu nax Cori ya Tupanaxü̃ yacua̱xüü̃güxü̃ca̱x namaxã ga yema wiyaegü ga Dabí ümatüxü̃ rü Tupanaarü orearü uruxü̃ ga Achá ümatüxü̃. Rü yexguma ga nüma ga yema Lebítanüxü̃ rü taãẽãcüma nanaxügü ga yema cua̱xüxü̃. Rü nacaxã́pü̱xügü rü yemaacü Tupanaxü̃ nicua̱xüü̃gü.

Norü taxre ga to ga popera ga ãẽ̱xgacügüchiga ümatüxü̃ 20:14

Rü yéma nayexma ga wüxi ga chacherdótegüarü ngü̃xẽẽruxü̃ ga Yaachiégu ãégaxü̃. Rü nüma ga Yaachié rü Chacaría nane nixĩ. Rü yema Yaachiéarü o̱xigü rü ñaagü nixĩ: Achá rü Matanía rü Yeié rü Benaía rü Chacaría. Rü nüma ga Yachié rü Tupanaãxẽ nawa nidexa rü ñanagürü:

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:1

Rü yexguma yanuagu nax ĩã̱xgüna nadaugüxü̃, rü ñaagü nixĩ ga yema nagu nanguxü̃ nax ĩã̱xgüarü dauruü̃gü yixĩgüxü̃ca̱x: Rü yema Corétanüxü̃tanüwa rü Coré nane ga Mecheremíagu nangu. Rü Coré nanatü nixĩ ga Achá.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 25:2

Achá nanegü rü Yacú rü Yúche rü Netanía rü Acharéra. Rü yema namaxã icuáxü̃ nixĩ ga nanatü ga Achá. Rü nüma ga Achá nixĩ ga Dabí namuxü̃ nax nüxü̃ yaxuxü̃ca̱x ga Tupanaarü ore.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:7

Rü yema ngunexü̃gu nixĩ ga Dabí noxri Acháxü̃ rü namücügüxü̃ namuxü̃ nax wiyaeãcü Tupanana moxẽ naxãgüxü̃ namaxã ga ñaa wiyae:

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:38

rü Coré rü Icháx nane nixĩ, rü Ichá rü Queáx nane nixĩ, rü Queáx rü Lebí nane nixĩ, rü Lebí rü Iraé nane nixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:40

rü Chimá rü Micaé nane nixĩ, rü Micaé rü Baacheía nane nixĩ, rü Baacheía rü Maquía nane nixĩ,

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 25:1

Rü ñu̱xũchi nüma ga Dabí rü yema Tupanapatamaxã icua̱xgüxü̃ rü nüxü̃ naxuneta ga Achá nanegü rü Emáü̃ nanegü rü Yedutúü̃ nanegü nax paxetaruü̃gü ga árpagümaxã rü árpaxacügümaxã, rü platíyugümaxã napaxetagüãcüma nüxü̃ yaxugüxü̃ca̱x ga Tupanaarü ore. Rü ñaagü nixĩ ga naégagü ga yema Lebítanüxü̃ ga yema puracü ügüxü̃:

Yochué 21:4

Rü nanaxügü ga wüxi ga sortéu. Rü yema Lebítanüxü̃ ga Queáxtaagü nixĩ ga nüxíra sortéuãcü nayauxgüxü̃ ga norü ĩanegü. Rü yema Queáxtaagü rü chacherdóte ga Aróü̃tanüxü̃ nixĩgü. Rü nüxna nanaxã ga 13 ga ĩanegü. Rü guma ĩanegü rü Yudátanüxü̃arü naanewa, rü Chimeóü̃tanüxü̃arü naanewa, rü Bẽyamíü̃tanüxü̃arü naanewa nayexmagü.

Yochué 21:9

Rü nüma ga Yudátanüxü̃ rü Chimeóü̃tanüxü̃ rü yema Lebítanüxü̃na nanaxã ga ñuxre ga ĩanegü.