Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:3 - Tupanaarü Ore

³ Rü Amráü̃ nanegü nixĩ ga Aróü̃, rü Moiché rü María. Rü Aróü̃ nanegü nixĩ ga Nadáx, rü Abiú, rü Ereachá rü Itamá.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:3 Referans Kwoze

Lebítanüxü̃arü puracüchiga 10:1

Aróü̃ nanegü ga Nadáx rü Abiú rü wüxichigü nanayaxu ga noxrütama ã́xwepáxü̃. Rü ngexcürüücümare ga ã́xwe ga tama Tupana naxwa̱xecümaxã nanaxüãcugü. Rü gumá ã́xweétügu nanagü ga norü pumarate̱xe rü ñu̱xũchi Tupanape̱xewa nanangegü nax yemamaxã nüxü̃ yacua̱xüü̃güxü̃ca̱x. Rü yemaacü tama nayanguxẽẽgü ga yema Tupana namaxã nüxü̃ ixuxü̃.

Ínachoxü̃xü̃chiga 6:20

Rü Amráü̃ rü natücü ga Yocabémaxã naxãxma̱x. Rü ngĩma ga Yocabé rü namaxã ixãxacü ga Aróü̃, rü Moiché. Rü nüma ga Amráü̃ rü 137 ga taunecü nixĩ ga namaxü̃xü̃.

Lebítanüxü̃arü puracüchiga 10:12

Rü yemawena nüma ga Moiché rü Aróü̃maxã rü Ereachámaxã rü Itamámaxã nidexa. Rü yema taxre nixĩ ga Aróü̃ nanegü ga íyaxügüxü̃. Rü ñanagürü nüxü̃: —¡Rü ngẽma ãmare i trigute̱xe i Cori ya Tupanaca̱x piguxü̃wa íyaxüxü̃ rü wüxi i paũ i ngearü pu̱xẽxẽruü̃ã́xü̃ nawa pexü̱x! ¡Rü ãmarearü guruxü̃xü̃tawa penangṍ, erü ngẽma trigute̱xe rü naxüünexü̃chi!

Ínachoxü̃xü̃chiga 15:20

Rü yexguma ngĩma ga María ga Aróü̃eya̱x ga Tupana ngĩmaxã idexacü rü inayaxu ga wüxi ga panderu rü ipaxeta rü iwiyae. Rü yexgumarüxü̃ ta ga yema naigü ga ngecügü rü inapaxgü ga panderugü rü íyaxü̃ãchitanüxü̃.

Miquéa 6:4

Rü choma nixĩ ga Equítuanewa pexü̃ íchagaxü̃xü̃ rü yema duü̃xü̃güme̱xẽwa pexü̃ íchanguxü̃xẽẽxü̃. Rü choma nixĩ ga petanüwa chamugüxü̃ ga Moiché, rü Aróü̃, rü María nax pemaxã inacua̱xgüxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:13

Rü Amráü̃ nanegü nixĩ ga Aróü̃ rü Moiché. Rü Cori ya Tupana nüxü̃ naxuneta ga Aróü̃ nax nape̱xewa ãmare i üünexü̃arü guruxü̃ yixĩxü̃ca̱x rü pumarate̱xearü guruxü̃ yixĩxü̃ca̱x. Rü yexgumarüxü̃ ta nüxü̃ naxuneta nax nüxü̃́ napuracüxü̃ca̱x rü duü̃xü̃gümaxã mexü̃ naxueguxü̃ca̱x. Rü yema nixĩ ga puracü ga Tupana Aróü̃na rü nanegüna rü nataagüna naxãxü̃ nax guxü̃gutáma naxügüãxü̃ca̱x.

Lebítanüxü̃arü puracüchiga 10:16

Rü yemawena ga Moiché rü naxca̱x ínaca ga yema chíbu ga yatüxü̃ ga pecaduarü ütanüca̱x ixĩxü̃. Natürü yexguma nüxü̃ nacua̱xgu nax marü yagugüãxü̃, rü nüma ga Moiché rü namaxã nanu ga yema taxre ga Aróü̃ nanegü ga íyaxügüxü̃ ga Ereachá rü Itamá. Rü ñanagürü nüxü̃:

Ínachoxü̃xü̃chiga 28:1

¡Rü chorü puracüca̱x nüxü̃ naxuneta ya cuenexẽ ya Aróü̃ rü nanegü ya Nadáx, rü Abiú, rü Ereachá, rü Itamá! Rü nümagü tá nixĩ i chorü chacherdótegü.

Ínachoxü̃xü̃chiga 24:1

Cori ya Tupana rü Moichéxü̃ ñanagürü: —Ngẽma nachica i nawa changexmaxü̃gu namaxã naxĩnagü i Aróü̃, rü Nadáx, rü Abiú, rü ñu̱xũchi ngẽma 70 i Iraétanüxü̃arü ãẽ̱xgacü. Natürü yáxü̃waxü̃ra tátama nayachaxãchigü, rü ngẽxma tá nacaxã́pü̱xügü.

Ínachoxü̃xü̃chiga 6:23

Rü nüma ga Aróü̃ rü Erichebámaxã naxãxma̱x. Rü ngĩma ga Erichebá rü Aminadáxacü iyaxĩ, rü Nachóü̃eya̱x iyaxĩ. Rü namaxã ixãxacü ga Nadáx, rü Abiú, rü Ereachá, rü ñu̱xũchi Itamá.

Ínachoxü̃xü̃chiga 2:7

Rü yexguma ga tümaeya̱x ga guxema õxchana, rü Faraóü̃acüna ica rü ngĩgürügü: —¿Namexü̃ chi wüxi i ngexü̃ i Iraétanüxü̃ i ãgüneníü̃xü̃ca̱x chacaxgu nax tüxü̃ nama̱i̱xü̃ca̱x rü tüxü̃ nayaxẽẽxü̃ca̱x ya daxe õxchana? —ngĩgürügü.

Ínachoxü̃xü̃chiga 2:4

Rü yemawena ga tümaé rü wüxi ga tümaeya̱xü̃ imu nax yéma yáxü̃waxü̃ra tüxü̃ nadawenüxü̃ca̱x rü ta̱xacü tá tüxü̃ ngupetü ga guxema õxchana.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:2

Rü Queáx nanegü nixĩ ga Amráü̃, rü Ichá, rü Ebróü̃ rü Uchié.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:4

Rü Ereachá nixĩ ga Fineéx nanatü. Rü Fineéx nixĩ ga Abichúa nanatü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:10

Rü yexgumarüxü̃ ta naxĩtaque̱xe ga Uchiétanüxü̃. Rü Aminadá nixĩ ga namaxã icuáxü̃. Rü 112 nixĩ ga norü mu namaxã ga Aminadátanüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 23:12

Rü Queáx nanegü rü ta rü ãgümücü nixĩ: Amráü̃, rü Ichá, rü Ebróü̃ rü Uchié.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 24:22

Rü Cheromóx rü Ichátanüxü̃arü ãẽ̱xgacü nixĩ, rü Yáax rü Cheromóxtanüxü̃arü ãẽ̱xgacü nixĩ.