Nüxíraxü̃xü̃ ga to ga popera ga ãẽ̱xgacügüchiga ümatüxü̃ 5:23 - Tupanaarü Ore

²³ Rü yema ngãxü̃tücumü ga Manachétanüxü̃ rü namuxũchi. Rü yemaca̱x nawa namaxẽ ga yema naane ga Bacháü̃wa ixügüxü̃ rü ñu̱xmata Baá-emóü̃wa rü Cheníwa rü ma̱xpǘne ga Ermóü̃wa nangu.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 5:23 Referans Kwoze

Charumóü̃arü wiyae 4:8

Chomaxã Líbanuwa rüxüe rü chowe rüxũ, Pa Cho̱xma̱x! ¡Rü chomaxã Líbanuarü ma̱xpǘnegüwa rüxüe! ¡Rü yima ma̱xpǘnechitaerugü ya Amaná rü Chení rü Ermóü̃ i nagu naxãxmaü̃güxü̃ i leóü̃gü rü aigü, rü nawa rüxüe nax nagu rüdaunüxü̃ca̱x i ngẽma doxonexü̃!

Wiyaegü 133:3

Rü ñoma cherena ya ma̱xpǘne ya Ermóü̃étügu nguxü̃rüxü̃ rü ma̱xpǘne ya Chióü̃étügu nguxü̃rüxü̃ tüxü̃ nataãẽxẽxẽ. Rü Chióü̃wa nixĩ i ne naxũxü̃ i Tupanaarü ngü̃xẽxẽ nax namáxü̃ca̱x i norü maxü̃ i norü duü̃xü̃gü.

Yochué 13:11

Rü nanayauxgü ta ga Garaáxane, rü Guechuréuane, rü Maacáane, rü naétü ga guma ma̱xpǘne ga Ermóü̃, rü guxü̃ma ga Bacháü̃ane ñu̱xmata Chacáwa nangu. Rü namaxã nangau ga yema naanegü ga Bacháü̃anearü ãẽ̱xgacü ga Óx namaxã icuáxü̃. Rü nüma ga Óx rü Atarúwa rü Edréiwa ãẽ̱xgacü nixĩ. Rü yexguma Moiché yema Refátanüxü̃xü̃ rüporamaegu rü ínawoxü̃ãgu ga yema naanewa rü nüma ga Óx nixĩ ga Refátanüxü̃ ga nawa iyacuáxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 5:24

Rü yema ngãxü̃tücumü ga Manachétanüxü̃arü ãẽ̱xgacügü rü ñaagü nixĩ: Éfe, rü Ichí, rü Erié, rü Arié, rü Yeremía, rü Odabía, rü Yadié. Rü guxü̃ma ga yemagü rü churaragü ga iporaxü̃ rü guxü̃ma nüxü̃ cuáchigagüxü̃ nixĩgü. Rü nümagü nixĩ ga natanüxü̃maxã inacua̱xgüxü̃.

Echequié 27:5

Rü ngẽma curü mürapewagü rü pinu i ma̱xpǘne ya Cheníwaü̃güxü̃ nixĩ. Rü ngẽma cuxü̃ ixũxẽẽxü̃ i naxchirupaweru rü Líbanucüã̱x ya ocayiwanaxca̱x nixĩ.

Iraétanüxü̃arü muxchiga 26:28

Rü yema Yúche nanegü nixĩ ga Manaché, rü Efraíü̃. Rü yema Yúche nanegüwa nixĩ ga nangóexü̃ ga Manachétanüxü̃ rü Efraíü̃tanüxü̃.

Wenaxarü naxümatü ga Tupanaarü mugü 33:17

Rü ngẽma Yúchetanüxü̃ rü tá namexẽchi ñoma woca i yatüxü̃xacü i nüxíra buxü̃rüxü̃. Rü tá naporaxüchi ñoma wüxi i búfalorüxü̃. Rü guxü̃ma i duü̃xü̃gütücumügü i ñoma i naanewa ngẽxmagüxü̃maxã tá napora. Rü ngẽmaãcü tá nixĩ i ngẽma muxũchixü̃ i Efraíü̃tanüxü̃ rü ngẽma muxü̃ i Manachétanüxü̃ —ñanagürü.