Nüxíraxü̃xü̃ ga to ga popera ga ãẽ̱xgacügüchiga ümatüxü̃ 5:2 - Tupanaarü Ore

² Natürü Yudá nixĩ ga yixcüra naenexẽgüxü̃ rüporamaexü̃ rü wüxi ga nataxa rü nawa nangu nax Iraétanüxü̃arü ãẽ̱xgacü nax yixĩxü̃. Natürü yema Rubéü̃na üxü̃ naxca̱x nax nüxíraü̃cü ga nanatü nane yixĩxü̃ rü Yúchena naxü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 5:2 Referans Kwoze

Ore i mexü̃ ga Matéu ümatüxü̃ 2:6

Rü nüma rü ñanagürü: “Cumax, Pa Ĩane Pa Beréü̃ ya Yudáanewa Ngẽxmanex, rü cuma rü tama wüxi ya ngexnerüxünemare ya ĩane quixĩ natanüwa ya yima ĩanegü ya itaxü̃ne ya Yudáanewa ngẽxmagüne. Erü cugu tá nabu ya wüxi ya ãẽ̱xgacü i tá chorü duü̃xü̃gü i Iraétanüxü̃maxã icuácü”, —ñanagürü.

Miquéa 5:2

Rü cumax, Pa Beréü̃ i Efráta, rü woo wüxi ya ĩane ya íxrane quixĩ natanüwa ya guxü̃nema ya Yudáanecüã̱x ya ĩanegü, natürü cugu tá nixĩ i nabuxü̃ ya yimá Iraéanecüã̱xgüarü ãẽ̱xgacü ya woetama marü ngẽxmaechacü.

Wiyaegü 60:7

Rü Garaáxarü naane rü Manachéarü naane rü choxrü nixĩ. Rü Efraíü̃ rü chopate̱xe i chaueruarü poxü̃ruxü̃ nixĩ rü Yudá rü chorü poraarü cua̱xruxü̃ nixĩ.

Wiyaegü 108:8

Rü ngẽxgumarüxü̃ ta i Garaáxarü naane rü Manachéarü naane i natü i Yudáü̃arü éstewaama ngẽxmagüxü̃ rü choxrü nixĩ. Rü ngẽma Efraíü̃arü naane i churaragü i poraxü̃ nawa ne ĩxü̃ rü choxrü nixĩ. Rü ngẽxgumarüxü̃ ta i ngẽma Yudáarü naane i Iraétanüxü̃arü ãẽ̱xgacügü nawa ne ĩxü̃ rü choxrü nixĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 5:5

Natürü wüxi ga yema 24 ga ãẽ̱xgacügü, rü ñanagürü choxü̃: “¡Taxṹ i cuxaxuxü̃! Erü yimá Leóü̃ ya Yudátanüxü̃ ya Dabítaxa ixĩcü, rü marü nüxü̃ narüyexera i ngẽma yu. Rü nüma nixĩ i naporaxü̃ nax yagáutanüãxü̃ca̱x i ngẽma 7 i norü ñaxtachipe̱xexü̃ rü íyadixgüãxü̃ca̱x i ngẽma popera”, ñanagürü.

Romanos 8:29

Rü woetama nũxcümama ga Tupana rü marü tüxü̃ nacua̱x nax texégü tá tixĩgüxü̃ ya yíxema noxrü ixĩgüxe. Rü woetama nũxcümama tüxü̃ nade nax Nanerüxü̃ timexü̃ca̱x, rü Nane yixĩxü̃ ga nüxíra írüdacü natanüwa i muxü̃ma i yaxõgüxü̃.

2 Chamué 8:15

Rü nüma ga Dabí rü guxü̃ma ga Iraéanearü ãẽ̱xgacü nixĩ. Rü meama guxü̃ma ga norü duü̃xü̃gümaxã inacua̱x.

1 Chamué 16:12

Rü yexguma ga nüma ga Ichaxí rü wüxi ga duü̃xü̃xü̃ yéma namu nax naxca̱x yacaxü̃ca̱x. Rü nüma ga gumá ngextü̱xücü rü nadáuxcha̱xmüxü̃ rü namecüma rü namechametü. Rü nüma ga Tupana rü Chamuéxü̃ ñanagürü: —Daa nixĩ. ¡Rü ẽcü nabaeru! —ñanagürü.

1 Chamué 16:10

Rü nüma ga Ichaxí rü 7 ga nane Chamuépe̱xewa nagagü, natürü nüma ga Chamué rü nüxü̃ nixu nax taxucüma ga gumátanüwa Tupana nayaxuxü̃.

1 Chamué 16:1

Rü yemawena ga Tupana rü Chamuéxü̃ ñanagürü: —Marütama nax Chaúca̱x nax cungechaü̃echaxü̃, erü marü tama chanaxwa̱xe nax Iraéanecüã̱xgüarü ãẽ̱xgacü nax yixĩxü̃. ¡Rü wüxi i carnéruchatacu̱xre nayaxu rü oribuarü chíxü̃maxã naxüãcu! ¡Rü Beréü̃wa naxũ rü ngẽxma naxca̱x yadau ya wüxi ya yatü ya Ichaxígu ãégacü! Erü wüxi ya nanexü̃ chayaxu nax Iraéanecüã̱xgüarü ãẽ̱xgacü yixĩxü̃ca̱x —ñanagürü.

Ãẽ̱xgacügü ga guxchaxü̃güarü mexẽxẽruü̃gü 1:2

Rü nüma ga Cori ya Tupana rü nanangãxü̃ rü ñanagürü: —Yudátanüxü̃ tá nixĩ i nüxíra naxca̱x íyaxüãchixü̃ nax nügü nada̱i̱xü̃ca̱x erü Yudátanüxü̃na tá nixĩ i chanaxãxü̃ i ngẽma naane —ñanagürü.

Yochué 14:6

Rü yema Iraétanüxü̃ ga Yudátanüxü̃wa ügüxü̃ rü Guirigáwa naxĩ nax Yochuémaxã yanadexagüxü̃ca̱x. Rü nüma ga Caréx ga Quenétanüwa ücü ga Yeponé nane, rü Yochuéxü̃ ñanagürü: —¡Nüxna nacua̱xãchi ga yema ore ga Cori ya Tupana norü duü̃ ga Moichémaxã nüxü̃ ixuxü̃ ga tachiga ga chianexü̃ ga Cadé-banéawa!

Iraétanüxü̃arü muxchiga 7:12

Rü yema nüxíraxü̃xü̃ ga ngunexü̃gu rü Nachóü̃ ga Aminadá nane ga Yudátanüxü̃maxã icuácü nixĩ ga yéma nangecü ga norü ãmare.

Iraétanüxü̃arü muxchiga 2:3

Rü chopataarü éstewaama tá nangẽxmagü i ngẽma churaragü i Yudátanüxü̃arü woneratüxü̃wa ngẽxmagüxü̃. Rü ngẽma Yudátanüxü̃arü churaragü rü 74,600 nixĩ i norü mu. Rü ngẽma namaxã icuáxü̃ rü Nachóü̃ i Aminadá nane nixĩ.

Naanearü ügüchiga 49:26

Rü yema chaunatü rü chorü o̱xigü chomaxã ueguxü̃ ga mexü̃güarü yexera nixĩ i choma i cunatü cumaxã chaxueguxü̃. Pa Yúchex, tagutáma nüxü̃ curüngü̃ma i ñaa mexü̃gü i cumaxã chaxueguxü̃ erü guxü̃gutáma cuxca̱x nixĩ ñu̱xmatáta yawa̱xgü ya yima ma̱xpǘnegü ya guxü̃guma ngẽxmagüechane. Erü cuma nixĩ i cueneegütanüwa Tupana cuxü̃ yaxuxü̃”.

Naanearü ügüchiga 35:23

Rü Acóbu nanegü rü 12 nixĩ. Rü gumá Léawaü̃gücü rü Rubéü̃ nixĩ ga Acóbu nane ga yacü. Rü naenexẽgü nixĩ ga Chimeóü̃, rü Lebí, rü Yudá, rü Ichacá, rü Chaburóü̃.

Naanearü ügüchiga 25:31

Rü yexguma ga Acóbu rü nanangãxü̃ rü ñanagürü: —Nangexma i mexü̃ i cuxna üxü̃ erü tanatü nane ya yacü quixĩ, rü chanaxwa̱xe i ñaa õnaca̱x choxna cunaxã i ngẽma mexü̃ i cuxna üxü̃ —ñanagürü.

Naanearü ügüchiga 48:5

Rü ngẽmaca̱x i ñu̱xmax i ngẽma cunegü i Efraíü̃, rü Manaché ga nuxã Equítuanegu buexü̃ naxü̃pa nax nua Equítuanewa chaxũxü̃, rü chaunegürüxü̃ nixĩgü naxrüxü̃ i Rubéü̃ rü Chimeóü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:4

Natürü nüma ya Cori ya Iraétanüxü̃arü Tupana rü chautanüxü̃tanüwa choxü̃ nayaxu nax guxü̃guma Iraéanearü ãẽ̱xgacüxü̃ choxü̃ yaxĩxẽẽxü̃ca̱x. Rü yemaca̱x nüxü̃ naxuneta ga Yudátanüxü̃ nax yematücumüwa ãẽ̱xgacügü íchoxü̃tanücüüxü̃. Rü yema Yudátücumüwa nixĩ ga nüxü̃ naxunetaxü̃ ga chautanüxü̃tücumü, rü yema chauenexẽgütanüwa rü choxü̃ naxuneta nax guxü̃ma i Iraéanecüã̱xmaxã ichacuáxü̃ca̱x.

Wenaxarü naxümatü ga Tupanaarü mugü 21:17

Rü ngẽmaca̱x nanaxwa̱xe nax nüxü̃ nacuáxü̃ nax yima yixĩxü̃ ya nane ya yacü. Rü tá nüxna nanaxã i ngẽma rümumaexü̃ i norü ngẽmaxü̃gü, erü yima nixĩ ya nüxíraü̃cü ya nane. Rü ngẽmaca̱x nixĩ i nüxna naxüxü̃ i ngẽma rümumaexü̃ i ngẽmaxü̃gü.

Wenaxarü naxümatü ga Tupanaarü mugü 33:17

Rü ngẽma Yúchetanüxü̃ rü tá namexẽchi ñoma woca i yatüxü̃xacü i nüxíra buxü̃rüxü̃. Rü tá naporaxüchi ñoma wüxi i búfalorüxü̃. Rü guxü̃ma i duü̃xü̃gütücumügü i ñoma i naanewa ngẽxmagüxü̃maxã tá napora. Rü ngẽmaãcü tá nixĩ i ngẽma muxũchixü̃ i Efraíü̃tanüxü̃ rü ngẽma muxü̃ i Manachétanüxü̃ —ñanagürü.