Nüxíraxü̃xü̃ ga to ga popera ga ãẽ̱xgacügüchiga ümatüxü̃ 5:11 - Tupanaarü Ore

^11-12 Rü yema Gáxtanüxü̃ rü Bacháü̃anewa namaxẽ. Rü norü üyeane rü Rubéü̃tanüxü̃arü to̱xma̱xtawa inaxügü rü ñu̱xmata ĩane ga Chacáwa nangu. Rü nüxíraxü̃ ga norü ãẽ̱xgacü rü Yoé nixĩ. Rü yemawena ga Chapáü̃, rü nawena ga Yaanái, rü nawena ga Chapáx.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 5:11 Referans Kwoze

Yochué 13:11

Rü nanayauxgü ta ga Garaáxane, rü Guechuréuane, rü Maacáane, rü naétü ga guma ma̱xpǘne ga Ermóü̃, rü guxü̃ma ga Bacháü̃ane ñu̱xmata Chacáwa nangu. Rü namaxã nangau ga yema naanegü ga Bacháü̃anearü ãẽ̱xgacü ga Óx namaxã icuáxü̃. Rü nüma ga Óx rü Atarúwa rü Edréiwa ãẽ̱xgacü nixĩ. Rü yexguma Moiché yema Refátanüxü̃xü̃ rüporamaegu rü ínawoxü̃ãgu ga yema naanewa rü nüma ga Óx nixĩ ga Refátanüxü̃ ga nawa iyacuáxü̃.

Yochué 12:5

Rü yema naane ga namaxã inacuáxü̃ ga Óx rü inaxügü ga ma̱xpǘne ga Ermóü̃wa rü Chacáwa, rü guxü̃ma ga Bacháü̃arü naanewa nada ñu̱xmata nawa nangu ga üyeane ga Guechúx rü Maacá. Rü yéma rü nadapetü ñu̱xmata Garaáxarü naanearü ngãxü̃wa nangu ga ngextá iyacuáxü̃wa ga yema naane ga gumá Ebóü̃arü ãẽ̱xgacü ga Chióü̃ namaxã icuáxü̃.

Iraétanüxü̃arü muxchiga 26:15

Rü yema Gáx nanegü nixĩ ga Chefóü̃, rü Aguí, rü Chuní, rü Oní, rü Erí, rü Aróx rü Arelí. Rü yema nataagü nixĩ ga Chefóü̃tanüxü̃, rü Aguítanüxü̃, rü Chunítanüxü̃, rü Onítanüxü̃, rü Erítanüxü̃, rü Aróxtanüxü̃, rü Arelítanüxü̃.