Nüxíraxü̃xü̃ ga to ga popera ga ãẽ̱xgacügüchiga ümatüxü̃ 5:1 - Tupanaarü Ore

¹ Rü Acóbu nane ga yacü rü Rubéü̃ nixĩ. Rü Rubéü̃ nanegü nixĩ ga Anóx, rü Falú, rü Eróü̃, rü Carmí. Natürü woo Acóbu nane ga yacü nax yixĩxü̃ ga Rubéü̃, rü tama nanayaxu ga yema nüxna üxü̃ naxca̱x nax nüxíraü̃cü ga nanatü nane yixĩxü̃, yerü wüxi ga nanatüma̱xmaxã namaxü̃. Rü yema Rubéü̃na üchiréxü̃ rü nai ga Acóbu nane ga Yúche nanegüwa naxüe.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 5:1 Referans Kwoze

Naanearü ügüchiga 35:22

Rü yexguma marü yéma nayexmagu ga Iraé, rü nane ga Rubéü̃ rü nanatüma̱x ga Birámaxã ínape. Rü yexguma yemaxü̃ nacua̱xgu ga Iraé rü nanu.

Naanearü ügüchiga 29:32

Rü yemaacü ga Léa rü Acóbuaxü̃́ ixãxacü, rü Rubéü̃gu inaxüéga. Rü yemagu inaxüéga yerü ñaxü̃gu irüxĩnü: —Tupana choxü̃ nadau nax changechaü̃xü̃, rü ñu̱xma ya yimá chaute rü tá choxü̃ nangechaü̃ —ngĩgürügü ga ngĩãẽwa.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:10

Rü Merarítaxa ga Ochá nane nixĩ ga Chimrí. Rü nüma nixĩ ga natanüxü̃maxã inacuáxü̃. Rü woo tama nanatü nane ga yacü nax yixĩxü̃ natürü nanatü nüxü̃ taxuneta nax nüma natanüxü̃maxã inacuáxü̃ca̱x.

Ínachoxü̃xü̃chiga 6:14

Rü ñaagü nixĩ ga naégagü ga yema Iraétanüxü̃arü ãẽ̱xgacügü ga natanüxü̃maxãchigü icuáxü̃. Rü Rubéü̃ ga Iraé nane ga yacü nanegü nixĩ ga Anóx, rü Farú, rü Eróü̃, rü Camí. Rü yemagü nixĩ ga Rubẽü̃tanüxü̃.

1 Corintios 5:1

Rü duü̃xü̃gü nüxü̃ nixugügü rü wüxi i yatü i petanüwa rü naérücümaxãtama naxãxma̱x. Rü ngẽma nixĩ i pecadu i poraãcü chixexü̃chixü̃, rü woo ngẽma duü̃xü̃gü i tama yaxõgüxü̃tanüwa rü tama ngẽmaãcü namaxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:1

Rü Acóbu ga Tupana Iraégu üégacü, rü nüxü̃́ nayexma ga 12 ga nanegü. Rü ñaagü nixĩ ga naégagü: Rubéü̃, rü Chimeóü̃, rü Lebí, rü Yudá, rü Ichacá, rü Chaburóü̃, rü Dáü̃, rü Yúche, rü Bẽyamíü̃, rü Netarí, rü Gáx, rü Aché.

Yochué 14:6

Rü yema Iraétanüxü̃ ga Yudátanüxü̃wa ügüxü̃ rü Guirigáwa naxĩ nax Yochuémaxã yanadexagüxü̃ca̱x. Rü nüma ga Caréx ga Quenétanüwa ücü ga Yeponé nane, rü Yochuéxü̃ ñanagürü: —¡Nüxna nacua̱xãchi ga yema ore ga Cori ya Tupana norü duü̃ ga Moichémaxã nüxü̃ ixuxü̃ ga tachiga ga chianexü̃ ga Cadé-banéawa!

Wenaxarü naxümatü ga Tupanaarü mugü 27:20

“Rü ngẽma duü̃xü̃ i nanatü naxma̱xmaxã maxü̃xü̃, rü ngẽmaãcü nanatüxü̃ nachixexẽẽchiga, rü chixexü̃wa nangẽxma”. Rü ngẽxguma i guxü̃ma i duü̃xü̃gü rü “Ngẽmaãcü yixĩ”, ñanagürügü tá.

Wenaxarü naxümatü ga Tupanaarü mugü 21:17

Rü ngẽmaca̱x nanaxwa̱xe nax nüxü̃ nacuáxü̃ nax yima yixĩxü̃ ya nane ya yacü. Rü tá nüxna nanaxã i ngẽma rümumaexü̃ i norü ngẽmaxü̃gü, erü yima nixĩ ya nüxíraü̃cü ya nane. Rü ngẽmaca̱x nixĩ i nüxna naxüxü̃ i ngẽma rümumaexü̃ i ngẽmaxü̃gü.

Iraétanüxü̃arü muxchiga 26:5

Rü yema Acóbu nane ga yacü ga Rubéü̃ nanegü nixĩ ga Enóx, rü Farú, rü Eróü̃ rü Camí. Rü yema nanetanüxü̃ nixĩ ga ixugüxü̃.

Iraétanüxü̃arü muxchiga 16:1

Moichémaxã nanu ga wüxi ga Lebítanüxü̃ ga Corégu ãégaxü̃. Rü nüma ga Coré ga Ichá nane rü Queáxtaxa nixĩ. Rü Coréwa naxügü ta ga tomaepü̱x ga yatügü ga Rubéü̃tanüxü̃ ga Datáü̃, rü Abiráü̃ ga Eriá nanegü, rü Óü̃ ga Pérex nane. Rü yemawaama nügü naxügüxẽxẽ ga 250 ga Iraétanüxü̃ ga ãẽ̱xgacügü ixĩgüxü̃ ga duü̃xü̃gümaxã icua̱xgüxü̃ rü duü̃xü̃gü mea naga ĩnüexü̃.

Iraétanüxü̃arü muxchiga 1:5

Rü ñaagü nixĩ i naéga i ngẽma ãẽ̱xgacügü i tá pexü̃ rüngü̃xẽẽgüxü̃: “Rü Rubéü̃tanüxü̃wa, rü Erichú ya Chedeú nane tá nixĩ.

Lebítanüxü̃arü puracüchiga 20:11

Rü ngẽma nanatüma̱xmaxã ipexü̃, rü tama nanatüxü̃ nangechaü̃. Rü ngẽmaca̱x wüxicana tá peyama̱x i ngẽma yatüxü̃ rü ngẽma ngexü̃. Rü ngẽma taxre rü nagagutátama nayue.

Lebítanüxü̃arü puracüchiga 18:8

¡Rü taxṹ i cuérücümaxã cuxunearü ngúchaü̃ cuxüxü̃! Erü ngẽxguma ngẽma cuxü̱xgu rü tama tüxü̃ cungechaü̃ ya cunatü. Rü cuérücü tixĩ rü tama name nax tümamaxã cuxunearü ngúchaü̃ cuxüxü̃.

Naanearü ügüchiga 46:8

Rü ñaagü nixĩ i naégagü ga Iraétanüxü̃ ga Equítuanewa ĩxü̃: Nüma ga Acóbu rü nanegü rü nataagü. Rü Rubéü̃ ga Acóbu nane ga rüyamaecü nixĩ ga wüxi.

Naanearü ügüchiga 25:23

Rü Tupana rü ngĩxü̃ nangãxü̃ rü ñanagürü: —Nataxree̱xpü̱x nixĩ i ngẽma cunegü i cuanüwa ngẽxmagüxü̃. Rü nüma i taxre rü wüxichigü tá nachixü̃anemaxã inacua̱x. Rü naxü̃pa nax nabuexü̃ rü nügü nadai. Rü wüxi tá nixĩ i rüporamaexü̃. Rü ngẽma rübumaexü̃ rü ngẽma rüyamaexü̃arü yexera tá nixĩ —ñanagürü.

Colosenses 1:15

Taguma texé Tupanaxü̃ tadau, natürü nüma rü núma nanamu ga Nane nax duü̃xü̃gü nüxü̃ daugüxü̃ca̱x rü nüxü̃ nacua̱xgüxü̃ca̱x nax ñuxãcü yixĩxü̃ i nüma ya Tupana. Rü naxü̃pa ga guxü̃ma ga yema nango̱xẽẽxü̃, rü nüxíra marü nayexma ga Tupana Nane.

Naanearü ügüchiga 25:31

Rü yexguma ga Acóbu rü nanangãxü̃ rü ñanagürü: —Nangexma i mexü̃ i cuxna üxü̃ erü tanatü nane ya yacü quixĩ, rü chanaxwa̱xe i ñaa õnaca̱x choxna cunaxã i ngẽma mexü̃ i cuxna üxü̃ —ñanagürü.

Naanearü ügüchiga 48:5

Rü ngẽmaca̱x i ñu̱xmax i ngẽma cunegü i Efraíü̃, rü Manaché ga nuxã Equítuanegu buexü̃ naxü̃pa nax nua Equítuanewa chaxũxü̃, rü chaunegürüxü̃ nixĩgü naxrüxü̃ i Rubéü̃ rü Chimeóü̃.

Wenaxarü naxümatü ga Tupanaarü mugü 33:17

Rü ngẽma Yúchetanüxü̃ rü tá namexẽchi ñoma woca i yatüxü̃xacü i nüxíra buxü̃rüxü̃. Rü tá naporaxüchi ñoma wüxi i búfalorüxü̃. Rü guxü̃ma i duü̃xü̃gütücumügü i ñoma i naanewa ngẽxmagüxü̃maxã tá napora. Rü ngẽmaãcü tá nixĩ i ngẽma muxũchixü̃ i Efraíü̃tanüxü̃ rü ngẽma muxü̃ i Manachétanüxü̃ —ñanagürü.