Nüxíraxü̃xü̃ ga to ga popera ga ãẽ̱xgacügüchiga ümatüxü̃ 4:10 - Tupanaarü Ore

¹⁰ Rü nüma ga Yabé rü Iraétanüxü̃arü Tupanamaxã nidexa, rü norü yumüxẽwa rü ñanagürü: —Cuxna naxca̱x chaca nax choxü̃ curüngü̃xẽẽxü̃ca̱x rü wüxi i naane i taxü̃ choxna cuxãxü̃ca̱x, rü choxna cudauxü̃ca̱x, rü choxü̃ nawa ícupoxü̃xü̃ca̱x i guxü̃ma i chixexü̃ nax ngẽmaãcü i choma rü tama ngúxü̃ chingexü̃ca̱x —ñanagürü. Rü Tupana nüxna nanaxã ga yema naxca̱x ínaca̱xü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 4:10 Referans Kwoze

Ucu̱xẽgüchiga 10:22

Cori ya Tupanaarü ngü̃xẽxẽ rü taãxẽ tüxna naxã, rü taxuxü̃ma i ta̱xacürü ngúxü̃ taxca̱x ínanguxẽxẽ.

Yeremía 33:3

“¡Choxna naca rü tá cuxü̃ changãxü̃! Rü tá cuxü̃ nüxü̃ chacua̱xẽxẽ i ta̱xacü i taxü̃ i ẽxü̃guxü̃ i taguma nüxü̃ cucuáxü̃.

Ichaía 41:10

¡Taxṹ i pemuü̃exü̃, Pa Iraétanüxü̃x! Erü choma rü chapexü̃tagu. ¡Rü taxṹ i pemuü̃exü̃! Erü choma rü perü Tupana chixĩ. Choma rü pora pexna chaxã rü pexü̃ charüngü̃xẽẽxü̃. Rü choma rü chorü tügünechacüxümaxã pexü̃ chingĩ rü pexü̃ íchapoxü̃.

Efesios 3:20

Rü ñu̱xma rü name nax nüxü̃ icua̱xüü̃güxü̃ ya Tupana. Erü nüma rü nüxü̃́ nangẽxma i pora nax tüxna naxããxü̃ i ngẽma naxca̱x íicaxü̃arü yexeraxüchi rü ngẽma nagu rüxĩnüexü̃arü yexeraxüchi. Rü ngẽma norü pora i tawa ngẽxmaxü̃maxã nixĩ i naxüaxü̃ i guxü̃ma i ngẽma.

Wiyaegü 119:173

Ẽcü ínamemare ya cuxme̱x nax choxü̃ nangü̃xẽẽxü̃. Erü curü mugüama nixĩ i guxü̃arü yexera choxü̃́ ngúchaü̃xü̃.

Norü taxre ga popera ga Timutéuca̱x naxümatüxü̃ ga Pauru 4:18

Rü nüma ya tórü Cori tá choxü̃ ínanguxuchixẽxẽ nawa i guxü̃ma i guxchaxü̃gü. Rü tá choxna nadau nax nüma ãẽ̱xgacü íyixĩxü̃wa choxü̃ nagaxü̃ca̱x. Rü name i guxü̃guma nüxü̃ ticua̱xüü̃gü. Rü ngẽmaãcü yixĩ.

Ore i mexü̃ ga Cuáü̃ ümatüxü̃ 10:28

Rü choma rü nüxna chanaxã i maxü̃ i taguma gúxü̃. Rü nümagü rü tagutáma inayarütauxe, rü taxúetama choxna tanapuxü̃ i cho̱xme̱xwa.

Efesios 1:3

Rü name nixĩ i nüxü̃ ticua̱xüü̃gü ya Tanatü ya Tupana ya tórü Cori ya Ngechuchu ya Cristunatü ixĩcü. Erü nüma ya Tupana rü Cristugagu tüxna nanaxã i naguxü̃raü̃xü̃ i ngü̃xẽẽgü i üünexü̃ i daxũguxü̃ i naanewa taxca̱x ne namugüxü̃.

Wiyaegü 21:4

Rü cuxna naca nax cunamáarü maxü̃ã̱xẽẽxü̃ca̱x, rü cuma rü cunama̱xẽxẽ i norü maxü̃.

Ichaía 41:17

Rü yíxema ngearü diẽruã̱xgüxe rü tita̱xawae rü naxca̱x tadaugü i dexá natürü taxuxü̃ma itayangaugü. Rü ta̱xawamaxã tipaarü conüã̱x. Natürü choma ya Cori ya Tupana rü tá tüxü̃ charüngü̃xẽxẽxü̃, rü choma nax Iraétanüxü̃arü Tupana chixĩxü̃ rü taxũtáma tüxü̃ íchawogümare.

Wiyaegü 55:16

Natürü i choma rü tá Tupanana chaca̱a̱ma, rü nüma ya Cori rü tá choxü̃ ínapoxü̃.

Naanearü ügüchiga 33:20

Rü ñu̱xũchi nanaxü ga wüxi ga ãmarearü guruxü̃ rü Erué-iraégu nanaxüéga.

Naanearü ügüchiga 12:2

Erü tá nüxü̃ curüngü̃xẽxẽ i cutaxa nax yamuxü̃ca̱x rü wüxi i taxü̃ i nachixü̃ane nawa ngóxü̃ca̱x. Rü tá mexü̃ cumaxã chaxuegu rü tá cuxü̃ chatachigaxẽxẽ. Rü cugagu tá mexü̃ nayauxgü i togü.

Naanearü ügüchiga 48:16

Rü cuma nixĩ i cunamuxü̃ i curü orearü ngeruxü̃ i daxũcüã̱x nax choxü̃ ícupoxü̃xü̃ca̱x nawa i guxü̃ma i ãũcümaxü̃gü. ¡Rü mexü̃ namaxã naxuegu i ñaa buxü̃gü! Rü chanaxwa̱xe i ñaa buxü̃gügagu duü̃xü̃gü nüxna nacua̱xãchie i chauéga rü chorü o̱xi ga Abraáü̃éga rü chaunatü ga Ichaáéga. ¡Rü yamuxẽxẽ i naxacügü nax ngẽmaãcü namuxũchixü̃ca̱x i nataagü i ñoma i naanewa! —ñanagürü.

Wiyaegü 99:6

Rü gumá Moiché rü Aróü̃ nixĩ ga Tupanape̱xewa tórü o̱xigüétüwa íchogügüxü̃. Rü nüma ga Chamué ga Tupanaarü orearü uruxü̃ rü norü yumüxẽwa Tupanaarü ngü̃xẽẽca̱x ínaca. Rü nüma ga Cori ya Tupana rü nanangãxü̃ ga norü yumüxẽ.

Wiyaegü 72:17

Rü chanaxwa̱xe i duü̃xü̃gü guxü̃guma nüxna nacua̱xãchie i naéga ya ãẽ̱xgacü. Rü name nixĩ i duü̃xü̃gü guxü̃guma mea nachiga yadexagüxü̃ ñoma üa̱xcü guxü̃guma ibáxixü̃rüxü̃. Rü name nixĩ nax guxü̃ma i duxü̃xü̃gü mexü̃ namaxã uegugüxü̃ rü ngẽmaãcü guxü̃ma i nachixü̃anecüã̱xgü nüxü̃ icua̱xüü̃güxü̃.

Naanearü ügüchiga 32:28

Rü yexguma ga yema duü̃xü̃ ga nügü namaxã inawogüxü̃, rü ñanagürü nüxü̃: —Ñu̱xmawena rü marü taxũtáma Acóbu nixĩ i cuéga. Rü Iraé tá nixĩ i cuéga i ñu̱xmax, erü Tupanamaxã rü duü̃xü̃gümaxã cugü icuwogü rü curüporamae —ñanagürü.

Wiyaegü 65:2

Erü cuma rü nüxü̃ cuxĩnü i torü yumüxẽ. Rü guxü̃ma i duü̃xü̃gü rü cuxca̱x naxĩ nax curü ngü̃xẽẽca̱x íyacagüxü̃ca̱x.

Naanearü ügüchiga 32:26

Rü yexguma ga yema duü̃xü̃ rü ñanagürü Acóbuxü̃: —¡Choxü̃ inge̱x erü marü ningóonechaü̃! —ñanagürü. Rü yexguma ga Acóbu rü nanangãxü̃ rü ñanagürü: —Ngẽxguma taxũtáma mexü̃ chomaxã cuxuegu̱xgu, rü taxũtáma cuxü̃ chinge̱x —ñanagürü.

Ucu̱xẽgüchiga 30:8

¡Rü choxü̃ rüngü̃xẽxẽ nax tama chidoraxü̃ca̱x! Rü tama chanaxwa̱xe nax choxü̃ cumuarü diẽruã̱xẽẽxü̃ rüe̱xna changearü diẽruã́xü̃. ¡Rü ẽcü choxna naxã i ngẽma nagu mexü̃ nax choxü̃́ nangẽxmaxü̃ca̱x i wüxichigü i ngunexü̃arü õna!

Wiyaegü 51:8

Rü chanaxwa̱xe nax wena choxü̃ cutaãẽxẽẽxü̃. ¡Rü choxna naxã i taãxẽ ñu̱xmata yima chauxchina̱xãgü i cuma quibuyegünewa nangu!

Yox 12:4

Rü yexguma ü̃pa Tupanamaxã chidexagu rü nüma rü choxü̃ naxĩnü rü choxü̃ nangãxü̃. Natürü i ñu̱xma rü chomücügüarü cugüruxü̃ chixĩ. Rü woo taxuxü̃ma i chixexü̃ chaxü natürü choxü̃ nacugüeama.

1 Chamué 1:17

Rü yexguma ga Erí rü ngĩxü̃ nangãxü̃ rü ñanagürü: —¡Ẽcü taãẽãcü nataegu! ¡Rü nüma ya Iraéanecüã̱xgüarü Tupana rü cuxna naxã i ngẽma nüxna naxca̱x cucaxü̃! —ñanagürü.

Naanearü ügüchiga 12:8

Rü yemawena rü yema ínamáxpü̱xanexü̃waama naxũ ga Betéarü ĩanearü éstewaama, rü yexma naxãchiü̃. Rü yema nachica rü ĩane ga Beté rü ĩane ga Áiarü ngãxü̃wa nayexma. Rü yexma nanaxü ga wüxi ga ãmarearü guruxü̃ rü yéma nayumüxẽ rü Tupanaarü ngü̃xẽẽca̱x ínaca.

Wiyaegü 51:12

¡Ẽcü wena cha̱u̱xca̱x natáeguxẽxẽ i ngẽma taãxẽ ga noxri choxü̃́ yexmaxü̃ ga yexguma chixexü̃wa choxü̃ ícunguxuchixẽxẽgu! ¡Rü choxü̃ naporaxẽxẽ nax cuga chaxĩnüxü̃ca̱x! ¡Rü ngẽxguma i choma rü tá chanangúexẽxẽ i ngẽma tama cuga ĩnüexü̃ nax nümagü rü ta cuga naxĩnüexü̃ca̱x rü aixcüma cuxü̃́ yaxõgüãxü̃ca̱x!

Romanos 12:9

Rü name nixĩ i aixcüma meama pegü pengechaü̃gü i wüxichigü. ¡Rü nüxü̃ pexo i guxü̃ma i ta̱xacü i chixexü̃ ixĩxü̃! ¡Rü nagu pexĩ i ngẽma aixcüma mexü̃ ixĩxü̃!

Ngechuchuarü ngúexü̃gü ga yamugüxü̃arü puracüchiga 3:26

Rü yexguma Tupana wena namaxẽẽgu ga Nane ga Ngechuchu rü petanüwaxíra nanamu nax pexü̃ nangü̃xẽxẽxü̃ca̱x, erü nanaxwa̱xe i wüxichigü i pemax nax nüxü̃ perüxoexü̃ i pecümagü i chixexü̃ rü aixcüma peyaxõgüxü̃ —ñanagürü ga Pedru.

Romanos 16:19

Rü guxü̃ma i duü̃xü̃gü nüxü̃ nacua̱xgü nax aixcüma mea Tupanaga pexĩnüexü̃ i pemax. Rü ngẽmaca̱x pemaxã chataãxẽ i chomax. Rü chanaxwa̱xe nax mea nüxü̃ pecuáxü̃ i ta̱xacü nixĩ i mexü̃ i Tupanape̱xewa nax penaxüxü̃ca̱x i ngẽma. Natürü ngẽma Tupanape̱xewa chixexü̃, rü ¡nüxna pixĩgachi nax tama nagu peyixü̃ca̱x!

Ore i mexü̃ ga Matéu ümatüxü̃ 6:13

¡Rü toxna nadau nax tama chixexü̃gu tayixü̃ca̱x! ¡Rü naxme̱xwa toxü̃ ínanguxü̃xẽxẽ i ngẽma chixexü̃arü üruxü̃! Erü cuma rü guxü̃guma torü ãẽ̱xgacü quixĩ, rü guxü̃étüwa cungexma, rü cumecümaxü̃chi. Améü̃’.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:8

—¡Moxẽ nüxna pexãgü ya Cori ya Tupana! ¡Rü norü ngü̃xẽxẽca̱x ípeca! ¡Rü guxü̃ma i nachixü̃anecüã̱xgümaxã nüxü̃ pixu i ngẽma mexü̃gü i pexca̱x naxüxü̃!

Yema Cuáü̃ nüxü̃ dauxü̃ i yixcüra tá ngupetüxü̃chiga 3:19

Choma rü tüxü̃ chaxucu̱xẽ rü tüxü̃ ichayarüwe̱xãchixẽxẽ ya guxãma ya yíxema tüxü̃ changechaü̃xẽ. Rü ngẽmaca̱x name nixĩ i nüxü̃ curüxo i cucüma i chixexü̃ rü Tupanaca̱x cutaegu.

Efesios 4:30

¡Rü pexuãxẽgü nax tama penangechaü̃xẽẽxü̃ca̱x i Tupanaãxẽ ya Üünecü! Erü yimá nixĩ ya Tupana pexna namucü nax nüxü̃ pecuáxü̃ca̱x nax aixcüma norü duü̃xü̃gü pixĩgüxü̃ ñu̱xmatáta ngẽma ngunexü̃ i nagu pexca̱x núma naxũxü̃ ya Cristu.

Ore i mexü̃ ga Cuáü̃ ümatüxü̃ 21:17

Rü norü tomaepü̱xcüna Pedruna naca, rü ñanagürü: —Pa Chimóü̃ Pa Cuáü̃ Nanex, ¿aixcümaxü̃chi yixĩxü̃ i choxü̃ cungechaü̃xü̃? —ñanagürü. Rü yexguma ga Pedru rü nangechaü̃, yerü norü tomaepü̱xcüna Ngechuchu nüxna naca rü aixcüma nüxü̃ nangechaü̃. Rü ñanagürü ga Pedru: —Pa Corix, cuma nüxü̃ cucua̱x i guxü̃ma. Rü cuma nüxü̃ cucua̱x nax aixcümaxü̃chi cuxü̃ changechaü̃xü̃ —ñanagürü. Rü Ngechuchu ñanagürü nüxü̃: —Ẽcü, ¡nüxna nadau i chorü duü̃xü̃gü i ñoma carnérugürüxü̃ ixĩgüxü̃!

Ore i mexü̃ ga Luca ümatüxü̃ 19:42

Rü ñanagürü: —Pa Yerucharéü̃cüã̱xgü, chierüx ñoma i ngunexü̃gu nüxü̃ pecua̱xgu nax texé aixcüma taãxẽ pexna ãxü̃. Natürü ngẽma rü pexca̱x naxẽxü̃gu i ñu̱xma, rü taxuacüma nüxü̃ pecua̱x.

Ore i mexü̃ ga Matéu ümatüxü̃ 26:75

Rü nüma ga Pedru rü yexguma nüxna nacua̱xãchi ga yema ore ga Ngechuchu namaxã nüxü̃ ixuxü̃ ga ñaxü̃: “Rü naxü̃pa nax ota ica̱xaxü̃, rü cuma rü tomaepü̱xcüna tá cugü quixã nax chorü duü̃xü̃ quixĩxü̃”, ñaxü̃. Rü ínaxũxũ ga Pedru rü poraãcüxüchima naxaxu.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 4:9

Yabé rü narütachigamae naenexẽgüarü yexera. Rü naé rü Yabégu tanaxüéga, yerü ñatagürü: —Aixcümaxü̃chi ngúxü̃ chinge ga yexguma naxíxragu —ñatagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 4:11

Rü Chuá naenexẽ ga Querúx rü Meínatü nixĩ. Rü nüma ga Meí rü Etóü̃natü nixĩ. Rü Estóü̃ nanegü nixĩ ga Bex-rafá, rü Pachéa, rü Teiná ga ĩane ga Ñaa üxü̃. Rü yemagü nixĩ ga yema duü̃xü̃gü ga ĩane ga Recáwa maxẽxü̃.

Naanearü ügüchiga 28:20

Rü yema nachicawa rü Acóbu inaxuneta rü ñanagürü: —Ngẽxguma Tupana choxü̃ íixümücügu, rü choxna nada̱u̱xgu i chorü namawa, rü choxna naxãã̱xgu i chorü õna rü chauxchiru, rü wena mea chaunatüca̱x choxü̃ natáeguxẽẽgu, rü aixcümaxü̃chi chorü Cori ya Tupana tá nixĩ.

Naanearü ügüchiga 32:27

Rü Acóbuna naca ga yema duü̃xü̃ rü ñanagürü: —¿Ta̱xacü nixĩ i cuéga? —ñanagürü. Rü Acóbu nanangãxü̃, rü ñanagürü: —Acóbu nixĩ i chauéga —ñanagürü.

1 Chamué 1:20

Rü yemaca̱x ga Ána rü ixãxacü. Rü yexguma nawa nanguxgu ga nax nabuxü̃ ga gumá ngĩne, rü inaxüéga rü Chamué nixĩ ga naéga yerü Tupanana naxca̱x ica. Rü ngẽma naéga rü “naxca̱x ínacacü”, ñaxü̃chiga nixĩ.

1 Chamué 1:26

Rü ngĩma ga Ána rü ngĩgürügü nüxü̃ ga gumá chacherdóte: —Pa Corix, ¡choxü̃ nangechaxü̃! Rü ngẽma nax aixcüma cumaxü̃xü̃rüxü̃ rü aixcüma nixĩ nax choma chixĩxü̃ ga yema nge ga ü̃pa cupe̱xewa Tupanaxü̃ chaca̱a̱xü̃ chorü yumüxẽwa.

1 Chamué 1:27

Rü nüxü̃ chaca̱a̱xü̃ nax choxna namuaxü̃ca̱x ya daa chaune, rü nüma rü marü choxü̃ nangãxü̃ ga yema naxca̱x íchaca̱xaxü̃.

Wiyaegü 121:7

Rü nüma ya Cori ya Tupana rü naguxü̃raü̃xü̃ i ãũcümaxü̃wa cuxü̃ ínapoxü̃ erü nüma nixĩ i nüxna nadauxü̃ i curü maxü̃.

Wiyaegü 145:19

Rü yíxema nüxü̃ ngechaü̃güxe, rü tüxna nanaxã i ngẽma naxca̱x ítaca̱xaxü̃. Rü ngẽxguma norü ngü̃xẽẽca̱x nüxna tacagüegu, rü nüma rü tüxü̃ naxĩnü rü tümaarü guxchaxü̃wa tüxü̃ ínanguxü̃xẽxẽ.