Nüxíraxü̃xü̃ ga to ga popera ga ãẽ̱xgacügüchiga ümatüxü̃ 3:16 - Tupanaarü Ore

¹⁶ Rü Yoaquíü̃ nanegü nixĩ ga Yeconía rü Chedequía.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 3:16 Referans Kwoze

Ore i mexü̃ ga Matéu ümatüxü̃ 1:11

Rü Yochía rü Yeconíanatü rü Yeconíaenexẽgünatü nixĩ. Rü yexguma nixĩ ga Yudíugüxü̃ Babiróniaanewa nagagüxü̃.

Norü taxre ga popera ga ãẽ̱xgacügüchiga 24:6

Rü yexguma nayu̱xgu ga Yoaquíü̃ rü nane ga Yoaquíü̃ nachicüxü ãẽ̱xgacüxü̃ ningucuchi.

Yeremía 22:24

Rü yexguma nayu̱xgu ga Yoaquíü̃ rü nane ga Yeconía nachicüxü Yudáanearü ãẽ̱xgacü ningucuchi. Rü Cori ya Tupana rü Yeconíaxü̃ ñanagürü: —Chauégagu cumaxã chanaxuegu rü woo nax ñoma wüxi i ãnera i chorü tügüneme̱xẽwa ixücuchixü̃rüxü̃ nax quixĩxü̃, rü tá cuxü̃ íchata̱xüchi nax ãẽ̱xgacü quixĩxü̃ nax ngẽmaãcü curü uanügü i nüxü̃ cumuü̃xüchixü̃güna cuxü̃ chamuxü̃ca̱x. Rü ngẽma Babiróniaanearü ãẽ̱xgacü i Nabucudonochóna, rü ñu̱xũchi ngẽma Cadéugüna tá cuxü̃ chamu.

Norü taxre ga popera ga ãẽ̱xgacügüchiga 24:17

Rü yemawena ga Babiróniaanearü ãẽ̱xgacü rü Mataníaxü̃ naxuneta nax Yudáanearü ãẽ̱xgacü yixĩxü̃ca̱x, nachicüxü ga namagü ga Yoaquíü̃. Rü ñu̱xũchi nanaxüchicüxü ga Mataníaéga, rü Chedequíagu nanaxüéga.

Norü taxre ga popera ga ãẽ̱xgacügüchiga 24:8

Rü nüma ga Yoaquíü̃ rü 18 ga taunecü nüxü̃́ nayexma ga yexguma ãẽ̱xgacüxü̃ yangucuchigu. Rü tomaepü̱x ga tauemacü ãẽ̱xgacü nixĩ ga Yerucharéü̃wa. Rü naé rü Neuchá nixĩ ga ngĩéga. Rü ngĩnatü rü Enatáü̃ nixĩ ga naéga. Rü nüma rü Yerucharéü̃cüã̱x nixĩ.

Yeremía 22:28

Yeconía rü ñoma wüxi i tüxü̃ i púxü̃ i taxuwama mexü̃rüxü̃ nixĩ. Rü wüxi i naxchipe̱xe i taxúema naxwa̱xexü̃rüxü̃ nixĩ. ¿Rü ta̱xacüca̱x i nüma rü nanegü rü naxacügü i wüxi i naane i tama nüxü̃ nacua̱xgüxü̃wa nagagüãxü̃?

Norü taxre ga to ga popera ga ãẽ̱xgacügüchiga ümatüxü̃ 36:9

Rü Yoaquíü̃ rü 18 ga taunecü nüxü̃́ nayexma ga yexguma inaxügüãgu nax ãẽ̱xgacü yixĩxü̃. Rü tomaepü̱x ga tauemacü rü naétü 10 ga ngunexü̃ Yerucharéü̃wa ãẽ̱xgacü nixĩ. Natürü guxü̃ma ga yema naxüxü̃ rü Tupanape̱xewa rü nachixe.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 3:15

Rü Yochía nane ga yacü nixĩ ga Yoanáü̃. Rü norü taxrewa ücü ga nane nixĩ ga Yoaquíü̃, rü norü tomaepü̱xwa ücü ga nane nixĩ ga Chedequía, rü norü ãgümücü ga nane nixĩ ga Charúü̃.

Norü taxre ga popera ga ãẽ̱xgacügüchiga 25:27

Rü gumá norü 12 ga tauemacüarü 27 ga ngunexü̃gu ga yexguma marü 37 ga taunecü napoxcugu ga Yudáanearü ãẽ̱xgacü ga Yoaquíü̃, rü yexguma nixĩ ga yexwacax yaxücuxü̃ ga Ebí-merodáx nax Babiróniaanearü ãẽ̱xgacü yixĩxü̃ca̱x. Rü nüma rü Yoaquíü̃maxã namecüma, rü poxcupataü̃wa ínananguxuchixẽxẽ. Rü mea nüxna nadau guxü̃ma ga yema togü ga ãẽ̱xgacügü ga Babiróniaanegu namaxã yexmagüxü̃arü yexera.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 3:17

Rü Yeconía nixĩ ga to ga nachixü̃anewa nagagüãcü. Rü nane ga yacü nixĩ ga Charatié. Rü gumaweama naxügü ga Maquiráü̃, rü Pedaía, rü Chenachá, rü Yecamía, rü Ochamá rü Nedabía.

Yeremía 37:1

Rü Nabucudonochó ga Babiróniaanearü ãẽ̱xgacü rü nayangucuchixẽxẽ ga Chedequía ga Yochía nane nax Yudáanearü ãẽ̱xgacü yixĩxü̃ca̱x, nachicüxü ga Yeconía ga Yoaquíü̃ nane.

Norü taxre ga to ga popera ga ãẽ̱xgacügüchiga ümatüxü̃ 36:15

Rü nüma ga Cori ya Iraétanüxü̃arü o̱xigüarü Tupana rü guxü̃guma yéma nanamugü ga norü orearü uruü̃gü nax yaxucu̱xẽgüãxü̃ca̱x, yerü nüma ga Tupana rü nüxü̃́ nangechaü̃tümüxü̃gü ga norü duü̃xü̃gü rü nüxü̃ nangechaü̃ ga guma napata ga nawa nayexmane.