Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:4 - Tupanaarü Ore

⁴ Rü ngẽmaca̱x 100,000 quíru nagúxü̃ i Ofícüã̱x i úiru, rü 230,000 quíru naguxü̃ i diẽrumü i marü memarexü̃ nixĩ i nüxna chaxãxü̃ nax ngẽmamaxã natügüãxü̃ca̱x i naxtapü̱xgü ya yima Tupanapata ya taxü̃ne.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:4 Referans Kwoze

Nüxíraxü̃xü̃ ga popera ga ãẽ̱xgacügüchiga 9:28

Rü inaxĩãchi rü Ofíanewa nangugü. Rü yéma Charomóü̃ca̱x nüxna nanana ga wixgutaa̱x 14,000 quíru naguxü̃ ga úiru ga namaxã nawoeguxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 22:14

Rü dücax, choma rü pora chaxü nax chananutaque̱xexü̃ i ngẽmaxü̃gü nax naxüaxü̃ca̱x ya Cori ya Tupanapata ya taxü̃ne. Rü nangẽxma i 3,300 toneláda nagúxü̃ i úiru, rü 33,000 toneláda nagúxü̃ i diẽrumü. Rü ngẽma nax nataxü̃ i bróũche rü fieru rü ngẽmaca̱x taxucürüwama tanangugü i norü ya. Rü ngẽxgumarüxü̃ ta marü chananutaque̱xe i mürapewagü rü nutagü. Rü cumax rü tá cunaxüétü i ngẽma chanutaque̱xexü̃.

Yox 28:16

Rü ngẽma úiru i poraãcü mexü̃maxã rü taxucürüwa naxca̱x tataxe i ngẽma cua̱x. Rü bai i nutagü i nga̱xãẽruxü̃ i cornalinamaxã, rüe̱xna Chafírumaxã ningutanü i ngẽma cua̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:3

Rü naétüwa i ngẽma ngẽmaxü̃gü i marü chanutaque̱xexü̃ naxca̱x ya yima Tupanapata ya taxü̃ne rü nüxna chanaxã i ngẽma choxrüxüchi ixĩxü̃ i úirugü rü diẽrumü, erü poraãcü chanaxwa̱xe nax naxüxü̃ ya napata ya taxü̃ne ya chorü Tupana.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:5

Rü ngẽmaãcü marü nangẽxma i úiru rü diẽrumü nax ngẽmawa ngẽma puracütanüxü̃ naxügüxü̃ca̱x i naguxü̃raü̃xü̃ i meruü̃gü i Tupanapata ya taxü̃neca̱x ixĩxü̃. Rü ñu̱xmax ¿Rü texé tanaxwa̱xe nax tümaarü ngúchaü̃maxã itanaxüxü̃ i tümaarü ãmare naxca̱x ya Cori ya Tupana? —ñanagürü ga Dabí.

Iraétanüxü̃arü muxchiga 7:85

Rü wüxichigü ga guma bachíagu rü 1,430 gramu naya, rü wüxichigü ga guma tacháũgü rü 770 gramu nixĩ ga nayaxü̃ ga yexguma Tupanapataarü yáruü̃wa inayaxgu. Rü guxü̃wama ga guma bachíagu rü tacháũgü ga diẽrumünaxca̱x ixĩgüxü̃ rü 26 quíru rü naétü 400 gramu nixĩ ga norü ya.