Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:2 - Tupanaarü Ore

² Rü yemaca̱x pora naxca̱x chaxü nax chananutaque̱xexü̃ i ngẽmaxü̃gü nax naxüaxü̃ca̱x ya yima Tupanapata ya taxü̃ne. Rü ngẽma chanutaque̱xexü̃ nixĩ i úirugü, rü diẽrumü, rü bróũche, rü fieru, rü mürapewagü. Rü ngẽxgumarüxü̃ ta chananutaque̱xe ya mucüma ya nutaxacügü ya imexẽchicü ya cornalina rü naguxü̃raxü̃cü rü naigü ya nutaxacügü ya imexẽchicü rü tatanücü ya meruü̃gü. Rü ngẽxgumarüxü̃ ta chananutaque̱xe ya mucüma ya nuta ya mármo ya ĩxtapü̱xruxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:2 Referans Kwoze

Colosenses 3:23

Rü guxü̃ma i ngẽma perü puracü i pexüxü̃wa rü name nixĩ i perü ngúchaü̃maxã penaxü ñoma tórü Cori ya Cristuaxü̃́ pepuracüexü̃rüxü̃ rü tama i duü̃xü̃güaxü̃́.

Ngu̱xẽẽtaeruü̃arü ore 9:10

Rü guxü̃ma i ngẽma puracü i nüxü̃ cucuáxü̃ nax cunaxüxü̃, ¡rü mea naxü! Erü ngẽxguma cuyu̱xgu rü tauquewa cungexmagu, rü taxuxü̃ma cuxü rü taxuguma curüxĩnü erü ngéma rü nataxuma i ta̱xacürü cua̱x.

2 Corintios 8:3

Rü choma nüxü̃ chadau rü pemaxã nüxü̃ chixu rü nümagü rü taãẽãcüma ngĩxü̃ inaxãgü ga guxcüma ga diẽru ga nüxü̃́ tauxchacü nax ngĩxü̃ inaxãgüxü̃. Rü ngĩétü yexera taãẽãcüma ngĩxü̃ inaxãgü.

Yox 28:16

Rü ngẽma úiru i poraãcü mexü̃maxã rü taxucürüwa naxca̱x tataxe i ngẽma cua̱x. Rü bai i nutagü i nga̱xãẽruxü̃ i cornalinamaxã, rüe̱xna Chafírumaxã ningutanü i ngẽma cua̱x.

Ínachoxü̃xü̃chiga 39:13

Rü yema norü ãgümücüchimüü̃wa rü nutaxacügü ga topáchiu rü cornalina rü yáspe nixĩ. Rü guma nutaxacüarü tairuü̃gü rü úirunaxca̱x nixĩ.

Ínachoxü̃xü̃chiga 39:6

Rü guma nutagü ga cornalina rü tairuü̃gü ga úirunaxca̱xwa nanucu. Rü guma nutagügu nanaxümatü ga naégagü ga yema Iraé nanegü ñoma wüxi ga cua̱xruxü̃gu naxümatüxü̃rüxü̃.

Ínachoxü̃xü̃chiga 28:20

Rü ngẽma norü ãgümücüchimüxü̃ rü nutaxacügü ya topáchiu rü cornalina rü yáspe tá nixĩ. Rü norü tairuü̃gü ya yimá nutaxacügü rü úirunaxca̱x tá nixĩ.

Ínachoxü̃xü̃chiga 28:17

Rü ngẽma türemüxü̃ rü nutaxacügü ya ngã̱xãẽruü̃gümaxã tá cunangã̱xãxẽ. Rü ãgümücüchimüxü̃ tá nixĩ. Rü ngẽma nüxírachimüxü̃ rü nutaxacügü i rubí rü crichólitu rü esmeráda tá nixĩ.

Naanearü ügüchiga 2:12

Rü yema úiru ga yema naanewa yexmaxü̃ rü namexẽchi. Rü ngẽxgumarüxü̃ ta i ngẽma naanewa rü nayima ya yima nai ya pumara nagüwa ixüxüne. Rü nayima ta ya nuta ya nga̱xãẽruxü̃ ya ónichegu ãégacü.

Ore i mexü̃ ga Matéu ümatüxü̃ 4:24

Rü duü̃xü̃gü rü Ngechuchuchigaxü̃ nixugügü ga guxü̃ma ga Chíriaanewa. Rü naxü̃tawa nanagagü ga naguxü̃raü̃xü̃ ga da̱xaweanemaxã idaaweexü̃. Rü nayexma ga duü̃xü̃gü ga ngúanemaxã idaaweexü̃, rü duü̃xü̃gü ga poraãcü naxü̃newa nangúexü̃, rü duü̃xü̃gü ga ngo̱xo nawa yexmaxü̃, rü duü̃xü̃gü ga óxwaa̱xgüxü̃, rü duü̃xü̃gü ga nawãĩxãchigüxü̃. Rü Ngechuchu nanameexẽxẽ ga guxü̃ma ga yema.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:3

Rü naétüwa i ngẽma ngẽmaxü̃gü i marü chanutaque̱xexü̃ naxca̱x ya yima Tupanapata ya taxü̃ne rü nüxna chanaxã i ngẽma choxrüxüchi ixĩxü̃ i úirugü rü diẽrumü, erü poraãcü chanaxwa̱xe nax naxüxü̃ ya napata ya taxü̃ne ya chorü Tupana.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:19

Rü ngẽxgumarüxü̃ ta ya yimá chaune ya Charomóü̃ ¡rü nüxna naxã i wüxi i naãxẽ i cugu rüxĩnüxü̃ nax ngẽmaãcü mea nagu namaxü̃xü̃ca̱x i ngẽma curü mugü rü curü ucu̱xẽgü rü cucümagü, rü ngẽmaãcü naxüaxü̃ca̱x ya yima cupata ya taxü̃ne ya naxca̱x chananutaque̱xene i ngẽmaxü̃gü! —ñanagürü ga Dabí.

Ínachoxü̃xü̃chiga 28:9

¡Rü nayaxu ya taxre ya nutagü ya cornalina, rü yima nutagügu naxümatü i naégagü i ngẽma 12 i Iraé nanegü!

Yox 28:1

Rü Yox rü ñanagürü: —Nangẽxma i nachicagü i ngextá nayaxuxü̃ i diẽrumü. Rü ngẽxgumarüxü̃ ta nangẽxma i nachicagü i nawa úiruchara imuxraxü̃.